На Дубровеншчыне праца над скаргамі жыхароў «плаўна перацякла» на наступны год
У Дубровенскім райвыканкаме правялі пасяджэнне, дзе аналізавалі вынікі так званых Дзён сельсаветаў. Гэта адмысловы від дзейнасці ўладаў, калі кіраўнікі прыязджаюць «у глыбінку» і выслухоўваюць скаргі насельніцтва. Такім чынам, маўляў, улады даведваюцца пра надзённыя праблемы, каб іх аператыўна вырашыць. Аднак высветлілася, што слова «аператыўна» тут не падыходзіць: у рэгіёнах няма ні сродкаў, ні магчымасцяў вырашыць праблемы, якія існуюць гадамі.
Старшыня Віцебскага гарвыканкама «узяў шэфства» над лазняй, якую не могуць дабудаваць ужо 13 гадоў
6 лістапада старшыня Віцебскага гарвыканкама Аляксей Героеў правёй выяздную нараду ў лазні - у лазнева-аздараўленчым комплексе па вул. Воінаў-Інтэрнацыяналістаў у Віцебску, які ўжо другое дзесяцігоддзе абяцаюць «вось-вось адчыніць». Прычым спадар Героеў – ужо пяты кіраўнік гарадской адміністрацыі, пры якім спрабуюць завяршыць адзін з самых вядомых «даўгабудаў» у горадзе.
Былую дырэктарку Палаца культуры ААТ «Нафтан» Алену Выхаванец судзяць у Верхнядзвінску
У пачатку кастрычніка сайт Генеральнай пракуратуры паведамляў, што справу жанчыны, якую вінавацяць паводле ч.1 і ч.2 арт.210 Крымінальнага кодэкса (Крадзеж шляхам ужывання службовымі паўнамоцтвамі) , ч.2 арт.430 Крымінальнага кодэкса (Атрыманне хабару), перадалі ў гарадскі суд Наваполацка. Аднак права Алены Выхаванец чамусьці трапіла ў суд Верхнядзвінскага раёна.
Працаўнікі спецаўтабазы прыбралі гару смецця каля вёскі Баронікі. Але што зроблена, каб яна не з'явілася зноў?
Мясцовыя жыхары неаднаразова скардзіліся, што каля іхнага населенага пункта на ўзбочыне дарогі ўтварылася так званая «стыхійная звалка». Верагодна, што часткова спрычыніліся да яе з'яўлення і аднавяскоўцы. Але частка смецця мае «прамысловае» паходжанне. Адпаведна, варта пашукаць і тых, хто засмечвае тэрыторыю далёка не «бытавымі» адкідамі.
Мясцовыя ўлады вызначаюць нават колькасць вучняў у музычных школах. Навошта?
3-га кастрычніка 2024 г. Верхнядзвінскі райвыканкам прыняў рашэнне № 1186 Аб напаўняльнасці груп на 2024/2025 навучальны год для атрымання дадатковай адукацыі дзяцей і моладзі. Яно цалкам адпавядае дзейнаму заканадаўству. Але што застаецца паміж радкамі Кодэкса Рэспублікі Беларусь аб адукацыі і Палажэння аб дзіцячай школе мастацтваў, зацверджанага пастановай Міністэрства культуры Рэспублікі Беларусь?
Могілкі каля вёскі Шэвіна «зарастаюць» смеццем. Між тым, яны – унікальныя
Вёска Шэвіна знаходзіцца ў Лятчанскім сельсавеце, побач – вядомы санаторый «Лётцы», асабліва папулярны ў гасцей з суседняй Расіі. Прайшоўшыся па наваколлях, яны ўжо не скажуць, што « у Беларусі – чысценька». А прагуляцца ў маляўнічых мясцінах ахвотных шмат: тут і прыгожае возера, і лес, і нават тыя самыя могілкі, якія з'яўляюцца, па сутнасці, арыгінальным краязнаўчым аб'ектам, падобнага якому няма нідзе.
Школам і паліклінікам – 600 тысяч рублёў на ўсіх, столькі ж – на навагоднюю ілюмінацыю, і 300 тысяч рублёў – футбольнаму клубу
Дэпутаты Віцебскага гарсавета падзялілі грошы: на чарговай сесіі ўнеслі змены ў бюджэт Віцебска на 2024 год. Яны зацвердзілі размеркаванне дадатковых прыбыткаў на агульную суму звыш 11 мільёнаў рублёў. Дадатковыя грошы з'явіліся дзякуючы «бязвыплатным паступленням з абласнога бюджэту (1,4 мільёна рублёў) і звышпланавым даходам - больш за 9,6 мільёна рублёў», якія былі атрыманыя з падаткаў.
Віцебскі ідэолаг- «змагар з фэйкамі» перастараўся настолькі , што яго давялося абвяргаць ў праграме абласнога тэлебачання
Пад увагу Святаслава Міхайлава, галоўнага спецыяліста ідэалагічнай работы і па справах моладзі Віцебскага аблвыканкама, трапіў скандал у полацкім універсітэце. Студэнты пачалі масава скардзіцца, што іх перасяляюць у працоўныя інтэрнаты, бо ў студэнцкіх месцаў няма – туды селяць студэнтаў-замежнікаў. Святаслаў Міхайлаў назваў гэта ў сваім блогу «хлуснёй», а звесткі пра незадаволенасць студэнтаў – спробай дэскрыдытаваць улады напярэдадні прэзідэнцкіх выбараў. Але ў тэлепраграме «Віцебскі веснік» інфармацыю пра перасяленне студэнтаў пацвердзілі.
Жыхарам аграгарадка Альгова кампенсавалі выдаткі за залітыя дажджом кватэры. Але толькі за тры
Сёлета бяда да альгоўцаў прыйшла адкуль не чакалі: у сярэдзіне траўня трохпавярховы дом на вуліцы Цэнтральнай пачалі рамантаваць. У прыватнасці, рамантавалі дах. Але пачаліся дажджы, і якраз на той момант дах быў «адкрыты», прасцей сказаць – яго не было. Кончаткова праблема вырашылася толькі цяпер – позняй восенню.
Віцябляне скардзяцца, што вымушаны ездзіць «зайцамі» у новых аўтобусах
З грамадскім транспартам у абласным цэнтры кепска, асабліва бракуе аўтобусаў - вялікая частка машын ужо даўно выпрацавала належны амартызацыйны тэрмін. Аўтобусы ці падоўгу стаяць на рамонце, ці ўвогуле на лініі няма чаго выпускаць... Таму з'яўленне дзесяці новых МАЗ-216047, якія закупіў горад, было заўважана з вялікай радасцю. Але ж транспартныя сродкі выпусцілі на маршруты непадрыхтаванымі, і некаторыя пасажыры рызыкуюць атрымаць штраф за безбілетны праезд – але не па ўласнай віне.