Арыштаваны за «здраду дзяржаве» 23-гадовы апэратар наваполацкага «Нафтану» цяпер знаходзіцца ў Віцебскім сьледчым ізалятары № 2. Яго перавялі сюды зь менскага СІЗА КДБ. З хлопцам сустрэлася адвакат, а яшчэ на сустрэчу разьлічвае і маці арыштаванага Вольга Гайдукова.

Дзіцячага лекара Ігара Пастнова пазбавілі пасады. Ён на працягу некалькіх апошніх гадоў безупынна крытыкаваў кіраўніка Віцебскай вобласьці, лічачы, што па віне Аляксандра Косінца транжырацца бюджэтныя грошы. А мэдыцына ў гэты час быццам на задворках: недабудаваным застаецца хірургічны корпус анкалягічнага шпіталю, зацягнуўся рамонт інфэкцыйнай больніцы, «закансэрваваны» будынак афганскага цэнтру. Ну і гэтак далей.

Грамадзянская кампанія «Наш дом» прааналізавала блізу 100 сьвежых вакансіяў з базы дадзеных Віцебскай службы занятасьці (за 27-28 лістапада). Вынік дасьледаваньня: сярэдняя зарплата па 98 вакансіях склала ўсяго 264 даляра - 2 млн. 270 тыс. рублёў. Не нашмат вышэй за ўзровень сярэдняй пэнсіі ў Беларусі.

Высяленьнем царквы «Новае жыцьцё» рэжым шантажуе амэрыканскіх пратэстантаў, лічыць палітык. «Спробы выселіць “Новае жыцьцё” незаконныя і антыграмадзкія. Царква набыла кароўнік ў жахлівым стане і зрабіла зь яго выдатны малітоўны будынак. І зараз у яе забіраюць гэта памяшканьне, не прапаноўваючы ніякай годнай кампэнсацыі. Гэта матэрыяльны бок справы, а маральны бок выглядае для дзяржавы яшчэ горш», - сказаў сустаршыня аргкамітэту па стварэньні партыі «Беларуская хрысьціянская дэмакратыя» Павал Севярынец.

Затрыманы 8 лістапада наваполацкі актывіст Андрэй Гайдукоў знаходзіўся пад вартай у менскім СІЗА КДБ паводле абвінавачаньня ў здрадзе дзяржаве. Маці затрыманага паведаміла, што яго пераводзяць зь Менску ў Віцебск, але прычыны ёй не вядомыя. Пра тое, што сына пераводзяць з СІЗА КДБ, Вольга Гайдукова даведалася ад адваката:

У ствараным у Беларусі абутковым холдынгу “Марко”, каб прадухіліць адток кадраў, плянуецца стварыць прыватны пэнсійны фонд. “Сёньня бачная, як сьнежны ком, кадравая праблема - ідзе адток кадраў у Расею і Эўропу. Мы разглядаем пытаньне пра прыватны пэнсійны фонд ў межах холдынгу, які дазволіць рабіць нам даплату нашым пэнсіянэрам да дзяржаўных пэнсіяў”, - заявіў дырэктар кампаніі “Марко”, член Савету Рэспублікі Нацыянальнага сходу Беларусі Мікалай Мартынаў у аўторак на сэсіі верхняй палаты беларускага парлямэнту, паведамляе “Інтэрфакс”.

За пяць дзён да адкрыцьця заплянаванай выставы вядомага мастака Аляксея Марачкіна (Алеся Мары) ў ВДУ імя Машэрава кіраўніцтва мастацка-графічнага факультэту адмовіла ў яе правядзеньні. Адкрыцьцё выставы Аляксея Марачкіна «Вяртаньне» мелася адбыцца 30 лістапада. Куратарка выставы Кацярына Мясьнікава кажа, што ўсе тэрміны ўзгадняліся загадзя:

Віцебская абласная пошта дасылае беларускамоўныя тэлеграмы, запісваючы іх пры дапамозе расейскага альфабэту. Такую тэлеграму атрымаў грамадзкі актывіст Ільля Заранок. «Як шкада, што ў краіне, дзе прынамсі дзьве мовы дзяржаўныя, Віцебская абласная пошта ня мае для беларусаў літараў І, Ё і Ў», – напісаў ён у «Facebook».

У Віцебску адбылася інфармацыйная сустрэча праваабарончага праекту “ГейБеларусь”. З прычыны бясьпекі сустрэча ладзілася ў закрытым рэжыме. Але здымачнай групе парталу Dyjalog.info дазволілі ладзіць відэаздымкі - з умовай, што ў поле зроку відэакамэры ня трапяць тыя, хто хоча захаваць сваю ананімнасьць.

Вольга Гайдукова, маці зьняволенага ў СІЗА КДБ актывіста, апавяла са словаў адваката, што 22 лістапада сына дапытваў сьледчы. Паводле спадарыні Гайдуковай, Андрэй дагэтуль не атрымаў лістоў з дому, і да сваякоў не дайшлі лісты, адпраўленыя ім. Зь першага дня затрыманьня Андрэй Гайдукоў напісаў дахаты тры лісты, кажа маці.