Суд Кастрычніцкага раёну Віцебску 22 лютага меўся агучыць прысуд у крымінальнай справе 22-гадовай Юліі Кашаверавай, абвінавачанай у злосным хуліганстве (ч.2 арт. 339 КК). Але нечакана суддзя Сяргей Будрэвіч прыняў рашэнне ўзнавіць судовае следства для больш дэталёвага вывучэння пэўных матэрыялаў справы. Наступнае паседжанне прызначанае на 23 лютага.

19 лютага ў судзе Кастрычніцкага раёну Віцебску закончыліся судовыя слуханні ў крымінальнай справе віцяблянкі Юліі Кашаверавай, абвінавачанай у злачынстве паводле часткі 2 артыкулу 339 КК (злоснае хуліганства). Адбыліся судовыя спрэчкі бакоў. Прысуд агучаць 22 лютага.

Полацкі суд 18 і 19 лютага «суткамі» і штрафамі пакараў семярых жыхароў гораду за тое, што яны нібыта фатаграфаваліся на фоне бел-чырвона-белага сцяга. Чацвёра палачан атрымалі вялікія штрафы, трое прысуджаныя да арыштаў.

19 лютага пасля 6 з паловай гадоў зняволення выйшаў на волю цяпер ужо былы палітвязень Міхаіл Жамчужны. Апошнія гады тэрміну ён адбываў у папраўчай калоніі N9 у Горках Магілёўскай вобласці.

18 лютага ў Пастаўскім раённым судзе прайшоў суд над журналістам-фрылансерам Змітром Лупачом. Суддзя Наталля Максімовіч адміністрацыйную справу, распачатую паводле ч.2 артыкулу 22.9 КаАП, спыніла ў сувязі са сканчэннем тэрміну накладання адміністрацыйнай адказнасці.

Віцебскі прадпрымальнік і дырэктар фірмы Уладзіміру Пунько правёў 7 сутак у ІЧУ за чырвоную паласу на ўласным балконе. Суд Кастрычніцкага раёну Віцебску прызнаў яго вінаватым у правядзенні несанкцыянаванага пікетавання (ч.3 арт. 23.34 КаАП). Суддзя Іна Грабоўская разглядала справу Пунько на выязным пасяджэнні ў ізалятары часовага ўтрымання.

16 траўня адбыўся ператрус у вядомага віцебскага праваабаронцы Паўла Левінава. Яго затрымалі пасля 16-й гадзіны, вобшук скончыўся ў 22.30. Стала вядома, што следчыя шукалі не толькі ў кватэры Левінава, але і там, дзе раней жыла ягоная маці-нябожчыца. Пасля ператрусаў Левінава не затрымалі, ён на волі.

Штонядзелю ў Полацку адбываюцца экскурсіі для жыхароў і гасцей гораду. Аднак цяпер экскурсантаў суправаджае група супрацоўнікаў МУС. І не толькі суправаджае – здымае ўдзельнікаў экскурсіі на відэакамеры ды перапісвае іх асабістыя дадзеныя.

На досвітку 16 лютага супрацоўнікі МУС прыйшлі з ператрусам да бацькоў віцебскай праваабаронцы Ірыны Траццяковай. Як паведаміла сама Ірына, вобшук працягваўся больш за гадзіну.

Спажывецкія кошты ў Віцебскай вобласці ў студзені 2021 году, нават паводле афіцыйнай статыстыкі, былі вышэйшыя за леташнія на 7,5%. Гэта самы высокі паказнік за апошнія чатыры гады, паведамляюць «Народныя навіны Віцебска».