Восьмы Сусветны кангрэс супраць смяротнага пакарання завершыўся ў Берліне. Ён праходзіў з 15 па 18 лістапада, і аб’яднаў каля 1000 удзельнікаў з самых розных краін. Аднім з трох беларусаў, якія ўдзельнічалі ў мерапрыемстве быў віцебскі праваабаронца Павел Левінаў.

У Шумілінскай СШ №1 распачаў працу вайскова-патрыятычны клуб «Юны гвардзеец». Раней на Віцебшчыне практыкавалася завядзёнка ствараць вайскова-спартовыя клубы для дзяцей і падлеткаў, дзе хаця б «для шырмы» абвяшчалася, што галоўны вектар працы – гэта клопат пра здароўе юнага пакалення. Хаця і там спартовая падрыхтоўка больш нагадвала вайсковыя зборы… Прэзентацыя клубу «Юны гвардзеец» адбылася на Алеі Славы ў гарадскім парку каля брацкіх могілак.

Рэдакцыі незалежных беларускіх СМІ перажываюць зараз нялёгкія часы. Амаль усе не проста выехалі з Беларусі, іх супрацоўнікі аказаліся раскіданымі па розных краінах. Тым не менш адданыя сваёй працы журналісты знаходзяць магчымасці аднавіць дзейнасць сваіх медыя. Не выключэнне «Віцебскі Кур'ер news». Як гаворыць адзін з заснавальнікаў выдання Аляксандр Корнышаў, зараз своеасаблівы этап перазапуску, паступовага вяртання да паўнацэннай работы.

Паміж Віцебскім абласным аб'яднаннем прафсаюзаў і абласной арганізацыяй Беларускага саюза ветэранаў вайны ў Афганістане 17 лістапада было падпісана двухбаковае пагадненне аб доўгатэрміновым супрацоўніцтве. Кіраўнікі арганізацый дамовіліся аб сумеснай працы на ніве паслядоўнай мілітарызацыі моладзі. Цяпер падобныя ініцыятывы запатрабаваны і ўхвалены ўладамі.

Беларуская праваабарончая супольнасць у апошняй заяве прызнала палітвязнямі яшчэ 23 чалавекі, сярод іх – жыхар Наваполацку Данііл Раманаў, асуджаны на паўтара года «хіміі» «за абразу прадстаўніка ўлады» (арт. 369 Крымінальнага Кодэксу). Абражаным прадстаўніком улады быў прызнаны камандзір АМАП Менгарвыканкаму Дзмітрый Балаба. Суд абавязаў Данііла Раманава выплаціць пацярпеламу і 1 500 рублёў у якасці матэрыяльнай кампенсацыі маральнай шкоды.

Зыходзячы з дадзеных Упраўлення статыстыкі Віцебскай вобласці ў студзені - верасні 2022 года рэгіянальная эканоміка стала залежнай ад інвестыцый з Расійскай Федэрацыі. Практычна ўсе інвестыцыі, якія выцякаюць за межы Віцебскай вобласці, знаходзяць сабе прымянення ў эканоміцы нашай усходняй суседцы.

Андрэй Кулакоў — вядомы шмат каму кіроўца «жывемабіля». Улады маюць намер пакараць  мужчыну  па «народным» арт.342 (арганізацыя і падрыхтоўка дзеянняў, якія груба парушаюць грамадскі парадак) Крымінальнага кодэкса. Таксама была арыштавана яго маёмасць. Кіроўца «жывемабіля» даўно з’ехаў з Беларусі, калі заставацца яму стала небяспечна. Цяпер ён жыве ў Варшаве, а пасля нападу Расіі на Украіну аддаў увесь час на ратаванне ўкраінскіх уцекачоў.

Судзе Чыгуначнага раёна Віцебска 16 лістапада разглядзеў справу аб змене пакарання палітзняволенаму блогеру Дзмітрыю Цімафееву на больш жорсткае і пастанавіў перавесці палітвязня з папраўчай установы адкрытага тыпу ў папраўчую калонію тэрмінам на 3,5 месяцы. 51-гадовага баранавіцкага блогера Дзмітрыя Цімафеева 17 лютага 2021 года асудзілі да двух гадоў "хіміі" за абразу начальніка аддзела ДАІ Бабруйскага гарвыканкама Віталя Паддубскага.

Эму Антонаўну абвінавацілі паводле двух артыкулаў Крымінальнага кодэкса: арт. 368 (Абраза Лукашэнкі) і арт. 369 (Абраза прадстаўніка ўлады). Суддзя суда Мёрскага раёна Ірына Яскевіч прызначыла палітзняволенай 2 гады пазбаўлення волі ва ўмовах агульнага рэжыму. Яе ўзялі пад варту ў зале суда. У зняволенні ёй засталося адбыць прыкладна 4 месяцы.

Гэта 10-е выданне праваабарончай серыі «Беларуская турэмная літаратура», запачаткаванай у 2017 годзе. І хоць Максім па прафесіі юрыст і да зняволення працаваў адвакатам, ён не цураўся вершаў, спяваў, а напісаны ў турэмных сценах празаічны твор сведчыць пра ягоны выдатны літаратурны густ і талент.