Катэгорыя: Вясна

24.01.2023 Тэгі: крымінальны пераслед, грамадства, палітвязні, пераслед, ціск, рэпрэсіі У Беларусі па-ранейшаму працягваюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць экстрэмісцкімі матэрыяламі. Адбываюцца рэпрэсіі ў дачыненні да грамадзян, якія актыўна выказваюць сваю пазіцыю ў адносінах да вайны, распачатай узброенымі сіламі Расіі. Праваабарончы цэнтр "Вясна" 24 студзеня 2023 года збірае факты палітычнага пераследу беларусаў – інфармацыя ўвесь час дапаўняецца.

Катэгорыя: Вясна

24.01.2023 Тэгі: палітвязні, ціск, умовы ўтрымання, гісторыі вязняў У гомельскай жаночай калоніі № 4 на гэты час утрымліваюцца не менш за 58 палітзняволеных жанчын, сярод якіх маці непаўнагадовых дзяцей, пенсіянеркі, журналісткі, актвысткі. Адміністрацыя калоніі ўвесь час аказвае ціск на жанчын, асуджаных па палітычных матывах. Іх прымушаюць прыбіраць снег на тэрыторыі калоніі і працаваць амаль без выходных. Па надуманых прычынах на іх складаюць рапарты за "парушэнне правілаў унутранага распарадку" і пазбаўляюць пасылак, спатканняў, а таксама змяшчаюць у ШІЗА і ПКТ. Акрамя гэтага, адразу па прыбыцці ў калонію ім пагражаюць узбуджэннем крымінальнай справы за "злоснае непадпарадкаванне патрабаванням адміністрацыі калоніі" (арт. 411 Крымінальнага кодэкса) і ставяць на прафулік як "схільных да экстрэмізму". "Вясна" сабрала сведчанні жорсткіх умоваў утрымання палітзняволеных жанчын і ціску на іх з боку адміністрацыі гомельскай калоніі.

Катэгорыя: Вясна

24.01.2023 Тэгі: суды, крымінальны пераслед, палітвязні, праваабаронцы, справа Вясны Асобы: Алесь Бяляцкі, Валянцін Стэфановіч, Уладзімір Лабковіч У судзе Ленінскага раёна Мінска трэці тыдзень амаль штодзённа праходзяць судовыя пасяджэнні па "справе Вясны". Старшыню Праваабарончага цэнтра "Вясна" і Нобелеўскага лаўрэата Алеся Бяляцкага, ягонага намесніка Валянціна Стэфановіча і каардынатара кампаніі "Праваабаронцы за свабодныя выбары" Уладзіміра Лабковіча судзяць паводле ч. 4 арт. 228 ("кантрабанда арганізаванай групай") і ч. 2 арт. 342 Крымінальнага кодэкса ("фінансаванне групавых дзеянняў, якія груба парушаюць грамадскі парадак"). У межах гэтага працэса таксама завочна судзяць праваабаронцу Дзмітрыя Салаўёва, які быў вымушаны пакінуць Беларусь праз крымінальны пераслед. Палітзняволеныя праваабаронцы, якія ўтрымліваюцца пад вартай з 14 ліпеня 2021 года, не прызналі віну ні па ніводным артыкуле, які ім ставіцца ў віну. Больш за два тыдні на судзе вывучаюць 284 тамы пісьмовых матэрыялаў справы, пасля гэтага будуць дапытваць саміх праваабаронцаў. "Вясна" распавядае,што адбывалася на апошніх судовых пасяджэннях.

Катэгорыя: Вясна

24.01.2023 Тэгі: суды, крымінальны пераслед Cуддзя Вольга Емельянчанка (злева). Фота: court.gov.by Суд Савецкага раёна Мінска вынес прысуд 24-гадовай выкладчыцы англійскай мовы Дар’і Цыркун, абвінаваціўшы яе ва ўдзеле ў нядзельных акцыях пратэсту ў 2020 годзе (ч. 1 арт. 342 Крымінальнага кодэкса).

Катэгорыя: Вясна

24.01.2023 Тэгі: суды, крымінальны пераслед, дыфамацыя У Маскоўскім судзе Брэста 3 студзеня асудзілі Наталлю Малец паводле арт. 369 (Абраза прадстаўніка ўлады) Крымінальнага кодэкса. Суддзя Інна Клышпач прызначыла жанчыне год і шэсць месяцаў абмежавання волі без накіравання ў папраўчую ўстанову адкрытага тыпу (“хатнюю хімію”).

Катэгорыя: Вясна

23.01.2023 Тэгі: пераслед, рэпрэсіі, затрыманні У Беларусі па-ранейшаму працягваюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць экстрэмісцкімі матэрыяламі. Адбываюцца рэпрэсіі ў дачыненні да грамадзян, якія актыўна выказваюць сваю пазіцыю ў адносінах да вайны, распачатай узброенымі сіламі Расіі. Праваабарончы цэнтр "Вясна" 23 студзеня 2023 года збірае факты палітычнага пераследу беларусаў – інфармацыя ўвесь час дапаўняецца.

Катэгорыя: Вясна

23.01.2023 Тэгі: суды, крымінальны пераслед, дыфамацыя У судзе Пружанскага раёна 28 снежня 2022 года асудзілі Максіма Міцкевіча паводле арт. 369 (Абраза прадстаўніка ўлады) Крымінальнага кодэкса. Суддзя Вадзім Мазоль прызначыў Максіму два гады абмежавання волі без накіравання ў папраўчую ўстанову адкрытага тыпу (“хатняй хіміі”).

Катэгорыя: Вясна

23.01.2023 Тэгі: крымінальны пераслед, адміністратыўны пераслед, грамадства, ціск, рэпрэсіі, затрыманні 27 лютага 2022 года па ўсёй краіне затрымалі каля тысячы чалавек. Беларусаў і беларусак затрымлівалі на ўчастках для галасавання, у пунктах, дзе яны намагаліся сабрацца на мірныя сходы, дома за каментары ў сацыяльных сетках у падтрымку Украіны.

Катэгорыя: Вясна

23.01.2023 Тэгі: грамадства, палітвязні, ціск, рэпрэсіі, гісторыі вязняў Наваполацкая папраўчая калонія № 1, якая месціцца паміж "Нафтанам" і "Палімірам", лічыцца адной з самых жорсткіх папраўчых устаноў у Беларусі. Яна вядомая забруджаным паветрам праз нафтаперапрацоўчае і хімічнае прадпрыемства побач, здзекамі са зняволеных і асабістымі збіваннямі начальніка Аляксандра Пальчыка, шкоднымі ўмовамі працы для асуджаных, а цяпер і тым, што там адбывае 14-гадовы тэрмін адзін з прэтэндэнтаў у кандыдаты на пасаду прэзідэнта ў 2020 годзе — палітвязень Віктар Бабарыка. Былы зняволены папраўчай калоніі № 1 распавёў "Вясне" пра адрозненне ўмоў для палітвязняў і асуджаных паводле іншых артыкулаў, ціск з боку адміністрацыі і чаму на Новы Год штрафныя ізалятары былі запоўненыя палітвязнямі.

Катэгорыя: Вясна

23.01.2023 Тэгі: суды, крымінальны пераслед, дыфамацыя У Кастрычніцкім судзе Гродна 14 снежня 2022 года асудзілі Андрэя Мацонка павдоле ч. 1 арт. 368 (Абраза Лукашэнкі) Крымінальнага кодэкса. Суддзя Дзмітрый Кедаль прызначыў мужчыну адзін год пазбаўлення волі ў калоніі ва ўмовах агульнага рэжыму.