Катэгорыя: Вясна

02.02.2023 Тэгі: ціск, рэпрэсіі, затрыманні У Беларусі па-ранейшаму працягваюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць экстрэмісцкімі матэрыяламі. Адбываюцца рэпрэсіі ў дачыненні да грамадзян, якія актыўна выказваюць сваю пазіцыю ў адносінах да вайны, распачатай узброенымі сіламі Расіі. Праваабарончы цэнтр "Вясна" 2 лютага 2023 года збірае факты палітычнага пераследу беларусаў – інфармацыя ўвесь час дапаўняецца.

Катэгорыя: Вясна

02.02.2023 Тэгі: суды, крымінальны пераслед, дыфамацыя У судзе Першамайскага раёна Віцебска 19 студзеня асудзілі Васіля Троцкага паводле арт. 391 (Абраза суддзі ці народнага засядацеля), арт. 369 (Абраза прадстаўніка ўлады) Крымінальнага кодэкса. Суддзя Андрэй Андрушэнка прызначыў Васілю адзін год і два месяца пазбаўлення волі ў калоніі ва ўмовах агульнага рэжыму і штраф 30 базавых велічыняў (1110 рублёў). Дзяржабвінавачанне прадставіла памочніца пракурора Ярошнікава.

Катэгорыя: Вясна

02.02.2023 Тэгі: правы чалавека На пасяджэнні Камітэта міністраў Рады Еўропы 18 студзеня шэраг еўрапейскіх краін, якія ўваходзяць у Еўрасаюз, выступілі з заявай наконт сітуацыі з правамі чалавека ў Беларусі. Свае подпісы пад дакументам паставілі таксама прадстаўнікі шматлікіх іншых краін. У заяве падкрэсліваецца сур'ёзная занепакоенасць цяжкай сітуацыяй, якая мае тэндэнцыю да далейшага пагаршэння, з правамі чалавека ў Беларусі пры рэжыме Лукашэнкі: "Мы заклікаем мінскія ўлады неадкладна вызваліць кожнага з больш як 1 440 палітвязняў. У лік асобаў, незаконна і несправядліва пазбаўленых волі, ўваходзяць лаўрэат Нобелеўскай прэміі міру Алесь Бяляцкі, які знаходзіцца ў зняволенні з ліпеня 2021 года, і іншыя лідары "Вясны", судовы працэс над якімі распачаўся 5 студзеня і пагражае абвінавачаным ад 7 да 12 гадоўі пазбаўлення волі", — заяўляюць краіны-падпісанты дакумента. У заяве выказваецца занепакоенасць завочным судом над лідарамі дэмакратычнай апазіцыі Святланай Ціханоўскай і Паўлам Латушкам, якіх абвінавачваюць у дзяржаўнай здрадзе, стварэнні экстрэмісцкага фармавання і змове з мэтай звяржэння ўлады. Гэтыя надуманыя абвінавачванні даказваюць непавагу рэжыму да правоў чалавека і асноўных свабод.

Катэгорыя: Вясна

02.02.2023 Тэгі: суды, крымінальны пераслед, палітвязні, праваабаронцы, справа Вясны Асобы: Алесь Бяляцкі, Валянцін Стэфановіч, Уладзімір Лабковіч, Леанід Судаленка У судзе Ленінскага раёна Мінска ўжо месяц адбываецца разгляд крымінальнай справы супраць старшыні "Вясны" і Нобелеўскага лаўрэата Алеся Бяляцкага, ягонага намесніка і віцэ-прэзідэнта FIDH Валянціна Стэфановіча, каардынатара кампаніі "Праваабаронцы за свабодныя выбары" Уладзіміра Лабковіча і праваабаронцы Дзмітрыя Салаўёва (завочна). Стадыя абвяшчэння пісьмовых матэрыялаў па справе "Вясны" скончылася — агучаны ўсе 284 тамы. Распавядаем, што змяшчаецца ў пісьмовых матэрыялах справы. 

Катэгорыя: Вясна

02.02.2023 Тэгі: праваабаронцы, правы чалавека, салідарнасць, справа Вясны Асобы: Наталля СацункевічНаталля Сацункевіч, Аляксандра Раманцова і Аляксандр Чаркасаў на сустрэчы са Старшынёй Ураду Каталоніі Перэ Араганэсам 30 і 31 студзеня ў Іспаніі прашоў шэраг сустрэч з прадстаўнікамі лаўрэатаў Нобелеўскай прэміі міру, прысуджанай у 2022 годзе кіраўніку “Вясны” Алесю Бяляцкаму, украінскаму Цэнтру грамадзянскіх свабод і расійскаму “Мемарыялу”. У мерапрыемствах ад “Вясны” брала ўдзел праваабаронца Наталля Сацункевіч, Цэнтр грамадзянскіх свабод прадстаўляла Аляксандра Раманцова, а ад “Мемарыяла” ўдзельнічаў Аляксандр Чаркасаў.

Катэгорыя: Вясна

02.02.2023 Тэгі: суды, крымінальны пераслед, палітвязні, адвакатура У Мінскім гарадскім судзе 2 лютага агучылі прысуд палітзняволенаму адвакату Віталю Брагінцу — восем гадоў калоніі ва ўмовах узмоцненага рэжыму. Яго абвінавацілі паводле чатырох артыкулаў Крымінальнага кодэкса: ч. 3 арт. 130 (распальванне іншай сацыяльнай варожасці), ч. 3 арт. 361 (заклікі да санкцый), ч.1 арт. 361-1 (стварэнне экстрэмісцкага фарміравання альбо ўдзел ў ім) і ч. 1 арт. 342 (актыўны ўдзел у дзеяннях, якія груба парушаюць грамадскі парадак). Справу два тыдні ў закрытым рэжыме разглядала суддзя Алена Ананіч. 

Катэгорыя: Вясна

01.02.2023 Тэгі: пераслед, затрыманні У Беларусі па-ранейшаму працягваюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць экстрэмісцкімі матэрыяламі. Адбываюцца рэпрэсіі ў дачыненні да грамадзян, якія актыўна выказваюць сваю пазіцыю ў адносінах да вайны, распачатай узброенымі сіламі Расіі. Праваабарончы цэнтр "Вясна" 1 лютага 2023 года збірае факты палітычнага пераследу беларусаў – інфармацыя ўвесь час дапаўняецца.

Катэгорыя: Вясна

01.02.2023 Тэгі: суды, крымінальны пераслед, палітвязні, пераслед, ціск 16 студзеня ў судзе Бярозаўскага раёна разглядзелі яшчэ адну справу ў дачыненні да палітвязня Алега Нічыпоркі. Гэтым разам яго абвінавацілі паводле арт. 341 і ч. 2 арт. 205 Крымінальнага кодэксу. Палітвязню дадалі да ранейшага тэрміну яшчэ паўгода зняволення. Канчатковае пакаранне Нічыпоркі — 3,5 года пазбаўлення волі ў калоніі агульнага рэжыму.

Катэгорыя: Вясна

01.02.2023 Тэгі: суды, крымінальны пераслед, палітвязні, ціск, рэпрэсіі Па дадзеных дзяржаўнага памежнага камітэту, пры ўездзе ў Беларусь летась затрымалі 52 чалавекі за «экстрэмізм». Але па інфармацыі "Вясны", агулам за 2022 год і пачатак 2023 года было затрымана не менш за 58 беларусаў. З іх мінімум 10 чалавек ужо асуджана да пазбаўлення волі, чатары чалавекі — да "хатняй хіміі", а супраць яшчэ сямі ўзбудзілі крымінальныя справы. Некаторых з затрыманых судзілі паводле адміністрацыйных справаў і змяшчалі ў ізалятар на "суткі". Таксама праваабаронцам вядомыя выпадкі, калі сілавікі пасля затрымання знішчалі дакументы беларусаў для выезда за мяжу і нават пашпарт. Апошнім часам улады ўсё часцей заклікаюць з'ехаўшых беларасаў вяртацца дадому, маўляў, пасля афіцыйнага зварота і раскаяння ім не будзе пагражаць пазбаўленне або абмежаванне волі. Але цяпер жанчыне, якая вырашыла скарыстацца праўладнай праграмай "Дорога домой", пагражае да 15 гадоў зняволення. За што сілавікі пераследуюць беларусаў, якія вяртаюцца ў краіну з-за мяжы, каго з затрыманых адправілі на вялікія тэрміны ў калонію і на якіх умовах улады заклікаюць людзей вяртацца — у матэрыяле "Вясны".

Катэгорыя: Вясна

01.02.2023 Тэгі: крымінальны пераслед, дыфамацыя Суд Ваўкавыскага раёна ў выязным судовым пасяджэнні на базе філіяла Ваўкавыскіх электрычных сетак 23 студзеня вынесла прысуд работніку прадпрыемства Аляксею Ярашэвічу, абвінаваціўшы яго ў абразе прэзідэнта (ч. 1 арт. 368 Крымінальнага кодэкса).