Віцебскі абласны суд ня хоча аднаўляць правы прафсаюзнага лідэра
Віктар Стукаў, кіраўнік суполкі СПБ прадпрыемства «Полацак-Шкловалакно», зьвярнуўся ў абласны суд са скаргай на дыскрымінацыю чальцоў незалежнай прафсаюзнай арганізацыі. Але ў судзе сказалі, што ён зьвяртаецца «не па адрасе». Месяц таму ў задавальненьні ягонай скаргі адмовіў суд Полацку і Полацкага раёну.
Чатыры крамы сеткі “Родная сторона” ў Віцебску аднавілі дзейнасьць
Дзейнасьць віцебскіх крамаў гандлёвай сеткі “Родная сторона” адноўленая з 16 студзеня. Гандаль у чатырох з васьмі віцебскіх крамаў “Родная сторона” быў прыпынены 7 студзеня ў выніку пазаплянавай тэматычнай апэратыўнай праверкі. “У гэтых гандлёвых аб’ектах былі выяўленыя істотныя парушэньні ў частцы невыкананьня асартымэнтнага пераліку і рэалізацыі тавараў са скончаным тэрмінам прыдатнасьці”, - паведаміла начальніца гандлёвай інспэкцыі па Віцебскай вобласьці Іна Бялько.
Рабочыя сельгаспрадпрыемства ў Гарадку: «Дырэктар урэзаў заробак да 900 тысяч бруднымі, як нам жыць на гэтыя грошы?»
Ужо ня ведаем, што і рабіць, - уздыхаюць работнікі фэрмы ў вёсцы Лажані, што ў Гарадоцкім раёне Віцебскай вобласьці. Фэрма належыць ААТ «Гарадоцкі райаграпрамснаб» - гэта сельскагаспадарчае прадпрыемства, якое займаецца вытворчасьцю малака і мяса буйной рагатай жывёлы.
Пракуратура: Прыватызацыйны кошт кватэры ў Чашніках перавышаў сапраўдны ўдвая
У Чашніках прыватызацыйны кошт кватэры перавышаў сапраўдны ў 2 разы. Як паведаміла пракурор аддзелу па наглядзе за выкананьнем заканадаўства і законнасьцю прававых актаў пракуратуры Віцебскай вобласьці Марына Рыжова, завышэньне кошту выяўленае падчас праверкі.
Распачаліся ганеньні на крышнаітаў?
Некалькі дзён таму у Полацку былі затрыманыя двое сяброў крышнаіцкай суполкі, на якіх былі складзеныя пратаколы аб адміністрацыйным правапарушэньні паводле артыкулу 17.1 “Дробнае хуліганства”. 15 студзеня ў судзе Цэнтральнага раёну Менску адзін з затрыманых змог азнаёміцца з матэрыяламі справы і напісаць заяву-хадатайніцтва пра перанос судовага паседжаньня ў сувязі з камандзіроўкай найбліжэйшым часам. Адміністрацыйная справва другога затрыманага была перададзеная ў суд Аршанскага раёну і гораду Воршы.
Здарэньне на ААТ ”Полацак-Шкловалакно”: Зь печы вырвалася расплаўленае шкло
На прадпрыемстве “Полацак-Шкловалакно” ўвечары 14 студзеня адбылося здарэньне. У адным з цэхаў зь печы вырвалася расплаўленая шкломаса, якую варылі пры тэмпэратуры 1500 градусаў Цэльсія для далейшага атрыманьня тэкстыльнага шкловалакна. Яна пацякла ў спэцыяльны басэйн і заняла каля 10 квадратных мэтраў.
Вёска пад Віцебскам больш за месяц жыве без вады
Вёска Шылкі знаходзіцца прыкладна ў 25 кілямэтрах ад Віцебску, амаль на мяжы зь Сеньненскім раёнам. Тут, ня лічачы дачнікаў, 9 жылых хатаў, у пераважнай большасьці якіх жывуць пэнсіянэры, і з пачатку сьнежня ў іх няма крыніцы вады.
Падпалкоўнік юстыцыі: Нам непрыемна, што вы здымаеце будынак Сьледчага камітэту (відэа)
Сябры КХП-БНФ давалі тлумачэньні ў Сьледчым камітэце наконт знойдзеных імі парэшткаў меркаваных ахвяраў масавых расстрэлаў у лесе пад вёскай Хайсы Віцебскага раёну. Калі партыйцы выйшлі з будынку СК, мясцовыя незалежныя журналісты папрасілі іх адказаць на пытаньні з запісам на відэа. Але ледзь пасьпелі журналісты ўключыць відэакамэру, як з будынку Сьледчага камітэту выйшаў афіцэр, які папрасіў спыніць здымкі.
Актывісты КХП-БНФ далі тлумачэньні ў Сьледчым камітэце (відэа)
9 студзеня ў сувязі з пададзенай у лістападзе мінулага году заявай пра знаходжаньне частак чалавечых парэшткаў у лесе за вёскай Хайсы ў Сьледчы камітэт былі выкліканыя заяўнікі – сябры Кансэрватыўна-хрысьціянскай партыі–БНФ Ян Дзяржаўцаў, Алег Емяльянаў, Сяргей Каваленка і Пятро Сарапеня.
Віцебчукі: Je suis Charlie
Праваабаронцы і журналісты Віцебску ў памяць ахвяраў тэракту ў Францыі сфатаграфаваліся з плякатамі, на якіх было напісана «Je suis Charlie» («Я – Шарлі»). Гэтак яны выказалі сваю салідарнасьць з французскім народам. Таксама на памяць людзей, якія загінулі ў выніку нападу на рэдакцыю францускага часопісу «Charlie Hebdo», былі ўскладзеныя кветкі да сьцяны зь вядомым ў горадзе графіці з клеткамі і птушкамі, якое сымбалізуе свабоду прэсы і выказваньня меркаваньняў.