Тэлеграм-канал, блізкі да віцебскіх сілавікоў, прапануе віцяблянам прыходзіць на «праверачныя мерапрыемствы» ў міліцыю ці ГУБАЗіК
Тэлеграм-канал, які амаль паўтара месяцы не абнаўляў кантэнт, перад навагоднімі святамі раптоўна «ажыў». Там з“явіліся некалькі відэаролікаў, дзе гараджанам прапануюць «пераабуцца» і прайсці праверку сваёй «датычнасці да экстрэмізму». Інакш кажучы, добраахвотна прыйсці ў міліцыю ці ГУБАЗіК, распавесці пра свой удзел у пратэстных падзеях 2020-га года, і, калі сілавікі палічаць, што нічога небяспечнага для грамадства «добраахвотнік» не зрабіў, яго адпусцяць «рыхтавацца адзначаць Новы год».
За распаўсюд «экстрэмізму» ўлады арыштавалі жыхара Наваполацка
Суддзя суда Наваполацка Зінаіда Балаболава 24 лістапада за распаўсюд у мэсэнджэры «экстрэмісцкай» інфармацыі пакарала адміністрацыйным арыштам тэрмінам на 10 сутак мясцовага прадпрымальніка Яўгена Паўлюшына.
Кіраўнік Глыбоцкага раёна: У раёне захавана стабільная сацыяльна-палітычная абстаноўка
Заявіў старшыня Глыбоцкага райвыканкама Аляксандр Шубскі падчас выніковай сесіі так званага Глыбоцкага раённага Савета дэпутатаў. Ён выступіў з дакладам на тэму: як спрацаваў раён у гэтым годзе і задачы на 2024 год.
За «экстрэмізм» у сацыяльнай сетцы ўлады пакаралі былога работніка Дэпартамента аховы
Суддзя суда Міёрскага раёна Ірына Яскевіч 5 снежня за распаўсюд «экстрэмізму» ў сацыяльнай сетцы пастанавіла пакараць штрафам у памеры 925 рублёў дырэктара мясцовай ЖКГ Ігара Войтава. Раней «правапарушальнік» цягам 22 гадоў узначальваў Міёрскае аддзяленне Дэпартамента аховы МУС РБ, за што мае медаль «За бездакорную службу» трэцяй ступені.
На Браслаўшчыне не выкананыя паказчыкі па інвестыцыях і няма жорсткай эканоміі бюджэтных сродкаў
Камітэт дзяржкантролю Віцебскай вобласці правёў у Браславе выязную калегію ведамства. На падставе вынікаў кантрольных мерапрыемстваў калегіяй адзначана, што ў раёне не прыняты вычарпальныя меры па асобных пытаннях сацыяльна-эканамічнага развіцця.
За пікет у тэлеграм-канале ўлады буйна аштрафавалі жыхарку Наваполацка
Суддзя суда Наваполацка Зінаіда Балаболава 24 лістапада за правядзенне несанкцыянаванага ўладамі масавага мерапрыемства пакарала штрафам у памеры 2590 рублёў мясцовую жыхарку Ганну Кандзякову.
Сталяра з Мёраў арыштавалі на 5 сутак за распаўсюд “экстрэмісцкіх матэрыялаў”
Як стала вядома, 11 снежня суддзя мёрскага суда Ірына Яскевіч асудзіла сталяра-станочніка з Мёраў Аляксандра Мацура. У сябе на радзіме ён яшчэ вядомы як разьбяр па дрэве, які робіць прыгожыя карціны ды іншыя вырабы з дрэва. Пра яго нават пісала мясцовая раёнка “Міёрскія навіны”.
На Віцебшчыне збіраюцца стаць дэпутатамі парламента начальнікі, дырэктары і адзін ваенкам цік-токер
У Віцебскай вобласці ў 14-ці акруговых выбарчых камісій зарэгістравана 15 ініцыятыўных груп па зборы подпісаў выбаршчыкаў у падтрымку вылучэння кандыдатаў у дэпутаты Палаты прадстаўнікоў. У спісе значацца толькі кіраўнікі дзяржаўных прадпрыемстваў, арганізацый і ўстаноў. Сярод іх чатыры члены Беларускай партыі "Белая Русь", адзін член Рэспубліканскай партыі працы і справядлівасці, астатнія дзесяць - гэта беспартыйны люд. Гендэрны баланс будучых кандыдатаў зрушаны ў мускульны бок: 12 мужчын і 3 жанчыны. Толькі ў адной ВА ёсць канкурэнцыя, бо зарэгістраваныя дзве ініцыятыўныя групы.
Пра асаблівасці правядзення выбараў даводзілі намеснікам кіраўнікоў па ідэалагічнай рабоце ў Мёрах
Як піша сайт mijory.by, асаблівасці правядзення выбараў дэпутатаў у адзіны дзень галасавання, ролю дэпутатаў раённага і мясцовага ўзроўняў у вырашэнні пытанняў насельніцтва ды іншыя важныя накірункі абмеркавалі на семінар-вучобе ў Мёрскім райвыканкаме. Яго слухачамі былі намеснікі кіраўнікоў па ідэалагічнай рабоце і адказныя за арганізацыю работы з моладдзю.
Дзяржкантроль выявіў парушэнні ў 19 аб'ектах рознічнага гандлю Віцебскай вобласці і прыцягнуў да адказнасці 11 асоб
З пачатку 2023 года Полацкі міжраённы камітэт дзяржкантролю выявіў парушэнні ў 19 гандлёвых аб'ектах рознічнага гандлю, з якіх 4 - аб'екты спажывецкай кааперацыі. Сітуацыю кантралявалі ў горадзе Наваполацку, Полацкім, Верхнядзвінскім, Ушацкім і Мёрскім раёнах.