«Траўманебяспечныя прыступкі – наш брэнд». Можа, таму сходы да Лядовага палаца не рамантуюць?
На гарадскім партале vitebsk.biz з'явіўся допіс пра ўражанні ад восеньскага кірамаша навучальных установаў вобласці, які традыцыйна праходзіць у першыя выходныя кастрычніка каля Лядовага палаца. "Мероприятие масштабное, очень много сельхозпродукции, ремесленники выставили свои изделия, мне очень понравилось. Одно «но»: очень травмоопасные ступеньки..."
На гэтым прыпынку не напісалі «За Бацьку!»
Жыхары аддаленага віцебскага раёна Мішкава скардзяцца на непавагу з боку мясцовых уладаў: іх не задавальняе абсталяванне прыпынка грамадскага транспарта. Калі ідзе дождж, людзі хаваюцца не на прыпынку, а за ім, бо якраз насупраць – глыбокая лужына. І не ўсе кіроўцы здагадваюцца прытармазіць, каб не абліць патэнцыйных пасажыраў бруднай вадой.
Ні задач, ні вынікаў. Чаму пра дзейнасць партыі «Белая Русь» віцяблянам нічога не паведамляюць?
У абласной газеце «Витебские вести» распавялі, што ў горадзе прайшла 3-я пазачарговая сесія рэгіянальнага аддзялення Рэспубліканскай партыі «Белая Русь». Той самай партыі, якую не перастаюць ухваляць улады і дзяржаўныя СМІ. Але ў згаданым артыкуле няма ні слова пра канкрэтную дзейнасць партыйцаў.
Судовыя справы па «палітычных адміністратыўках» мінулага тыдня: мінімум 9 па ўсёй вобласці
Мы прыводзім статыстычныя звесткі, якія базуюцца на дадзеных з адкрытых крыніц. Але вядома, што шмат якія суды за «распаўсюд экстрэмізму» і «пікетаванне ў інтэрнэце» праходзяць «явачным парадкам» - калі людзей затрымліваюць і судзяць цягам 72 гадзін. Вельмі часта такія працэсы не трапляюць у расклады працы судоў на сайце электроннага судаводства.
Шумілінскаму ксяндзу Анджэю Юхневічу пагражаюць фэйкавымі абвінавачаннямі ў злачынствах супраць сэксуальнай недатыкальнасці непаўнагадовых
З падобнага кшталту пагрозамі сутыкаліся і іншыя служыцелі каталіцкага касцёлу ў Беларусі, аднак у выніку выпадкі падобных злачынстваў так і не былі даказаныя. Тым не менш, сам факт выстаўлення такіх абвіначванняў можа прывесці да разбурэння рэпутацыі чалавека. Ксёндз Анджэй Юхневіч быў затрыманы 8 траўня 2024 года і зараз знаходзіцца ў Віцебскім СІЗА -2.
Дзмітрый Карняенка падаў за тры з паловай гады 1 500 заявак у службу 115.бел
«Большасць, зразумела, тычыцца Віцебска. Але нямала павязана і з Воршай, Лёзнам, Полацкам і г. д., -- паведамляе актывіст. -- Ёсць прыклады даволі станоўчых вынікаў. Але ёсць і прыклады нерэагавання гадамі на нейкія праблемы. Прыходзілася рознымі высілкамі (зваротамі ва ўстановы вышэй) дамагацца жаданага».
Жыхары віцебскага дома два гады чакаюць рамонту даха
З пачаткам восеньскіх дажджоў дом №25 па вуліцы Камсамольскай у Віцебску зноўку «паплыў». Працякае дах, ператвараючы ў пакуты жыццё насельнікаў верхнага паверха. Жыццё тых, хто жыве на першым паверсе, таксама не лепшае: вада зацякае проста ў пад'езд, і каб трапіць у кватэру, трэба пераскочыць вялізныя лужы.
Флагшток важнейшы за мост? У Оршы ўжо год, як закрыты пуцеправодны мост цераз рэйкі па вуліцы Шклоўскай
Мост злучае раён прыватнай забудовы ( завулкі Лясныя і Шклоўскія) з «цывілізацыяй»: па ім мясцовыя жыхары хадзілі на працу на аршанскі мясакамбінат, у краму, на аўтобусныя прыпынкі. Цяпер яны вымушаны вярнуцца да старой практыкі, якая існавала ў 1990-я гады яшчэ да пабудовы маста: людзі пераходзяць чыгуначныя рэйкі, спускаючыся ўніз з крутога пагорка, і зноў падымаюцца на такі самы пагорак па даўней пратаптанай сцяжынцы.
У Наваполацку – заўважны рост рэцыдыўнай злачыннасці. Гэта пацвердзіла Наталля Качанава, прыехаўшы ў родны рэгіён
Днямі Старшыня Савета Рэспублікі Наталля Качанава ўзяла ўдзел у пасяджэнні Наваполацкага гарвыканкама. На парадку дня было адзінае пытанне: «Наконт страну рэцыдыўнай злачыннасці і захадах суб'ектаў прафілактыкі па батавому і працоўнаму ўладкаванню асобаў, якія знаходзяцца на ўліку ў крымінальна-выканаўчай інспекцыі». Наталля Качанава дала параду «вплотную этим заниматься, системно работать» і распавяла, як яна гэта бачыць.
Абнаўленне помніка і вайсковага пахавання. Стала вядома, якія «грамадскія ініцыятывы» гатовы падтрымаць улады
У пачатку верасня ў Віцебску прайшла восьмая пазачарговая сесія абласнога савета дэпутатаў, на якой абмяркоўвалі вынікі папярэдняга разгляду праектаў грамадскіх ініцыятываў. Абласная газета «Витебские вести» напісала пра гэта так, што чытачы так і не зразумелі, якія праекты былі ўхвалены. І толькі цяпер з'явіліся хаця б нейкія звесткі наконт праектаў, што маюць завяршыцца яшчэ сёлета.