КДБ затрымаў наваполацкага маладзёна, яму пагражае да 15 гадоў зьняволеньня за здраду дзяржаве
Андрэй Гайдукоў быў арыштаваны паводле артыкулу 356 Крымінальнага Кодэкса Беларусі - здрада дзяржаве, у цяперашні момант ён утрымліваецца ў сьледчым ізалятары КДБ. «Цяпер мы шукаем для яго адваката, таму што першы абаронца, Восіпава Вікторыя Віктараўна, быў дзяржаўным», - адзначае лідэр наваполацкай грамадзкай ініцыятывы “Саюз маладых інтэлектуалаў» Яўген Канстанцінаў.
Братоў Мурашак у сувязі з чарговым выбухам не затрымлівалі
Кватэру, дзе жыве старэйшы брат, ніхто з праваахоўнікаў не наведваў. Маці братоў Мурашак Валянціна кажа, што да іх ніхто не прыходзіў, а сыны зараз на працы. Пра выбух даведаліся з інтэрнэту: «Ніхто не прыходзіў, не затрымлівалі, нічога не было. Калі ў Менску быў выбух (3 ліпеня), нават пасярод ночы прыйшлі правяраць маіх хлопцаў, а цяпер нічога не было».
Выбух ля будынку КДБ можа “разваліць” справу расстраляных “віцебскіх тэрарыстаў”?
“Выбухі ў Віцебску паўтараюцца. У 2005-м годзе ў горадзе таксама была бляшанка, у якую было закладзенае выбуховае прыстасаваньне. Але па выніках экспэртызы высьветлілася, што яно было зроблена прамысловым спосабам. Пра гэта казаў адвакат Станіслаў Абразей яшчэ на судзе”, - распавяла Любоў Кавалёва, маці пакаранага сьмерцю нібыта за тэракты ў Менску і Віцебску Ўладзіслава Кавалёва.
Каля будынку КДБ у Віцебску прагрымеў выбух
11 лістапада a 18:48 каля будынку Ўпраўленьня КДБ па Віцебскай вобласьці на вуліцы Савецкай, 18 прагрымеў выбух. Інфармацыя пра гэта распаўсюдзілася ў сацсетках у ноч на 12 лістапада. Раніцай Упраўленьне інфармацыі і грамадзкіх сувязяў Камітэту дзяржбясьпекі пацьвердзіла гэтую інфармацыю, удакладніўшы, што затрыманыя 3 чалавекі, а таксама ўзбуджаная крымінальная справа паводле артыкулу 339 КК (хуліганства). У выніку выбуху ніхто не пацярпеў.
Праваабаронцу Паўла Левінава затрымалі ля будынку КДБ
На віцебскага праваабаронцу Паўла Левінава складзены адміністрацыйны пратакол аб парушэньні правілаў дарожнага руху. 12 лістапада з самай раніцы Левінаў знаходзіўся каля будынку Ўпраўленьня КДБ па Віцебскай вобласьці, дзе напярэдадні прагрымеў выбух. Менавіта ад яго шматлікія мэдыі даведваліся, што адбываецца на месцы здарэньня.
Віцебскі аблвыканкам выдаткуе зь бюджэту больш за 170 тысяч даляраў на мадэрнізацыю сыстэмы відэаназіраньня
Камунальнае ўнітарнае прадпрыемства «Упраўленьне капітальнага будаўніцтва Віцебскага аблвыканкаму» разьмясьціла заяўку на мадэрнізацыю сыстэмы відэаназіраньня будынкаў аблвыканкаму прыблізным коштам 1,5 млрд рублёў, або $ 176,7 тыс. на афіцыйным сайце Нацыянальнага цэнтру маркетынгу і кан’юнктуры цэн.
Віцебскі гарвыканкам не дазволіў сябрам КХП БНФ распавесьці месьцічам пра злачынствы камунізму
“З гарвыканкаму прыйшоў адказ на нашу заяўку. Напісана, што нам адмовілі, бо мы просім дазволу на шэсьце і мітынг у недазволеных месцах, і правядзеньне там нашых акцыяў будзе парушэньнем заканадаўства. Насамрэч парушаем заканадаўства ня мы”, - гаворыць сябра КХП БНФ Ян Дзяржаўцаў.
Супраць віцебскага лекара-праўдалюбца чыняць правакацыі
Віцебскі ўрач Ігар Пастноў неаднаразова ўздымаў балючыя пытаньні віцебскай мэдыцыны ў друкаваных СМІ і праз інтэрнэт. Цяпер ён мусіў зьвярнуцца ў міліцыю, бо нехта, падпісваючыся ягоным імем, разьмяшчае ў інтэрнэце камэнтары правакацыйнага зьместу. Заява Ігара Пастнова пра тое, што невядомыя ад яго імя “абліваюць брудам знаёмых і сяброў”, зафіксаваная ў адмысловым відэазвароце. Ен гаворыць пра тое, што заўжды імкнуўся абнародаваць тыя праблемы, якія мае віцебская мэдыцына, але не “зьбіраць бруд”. Калі ж міліцыя не паставіцца да ягоных патрабаваньняў знайсьці сапраўдных паклёпнікаў сур’ёзна, віцебскі лекар будзе зьвяртацца ў пракуратуру.
Павал Севярынец: Ня бойцеся ні Лукашэнку, ні Расею!
Сустаршыня аргкамітэту па стварэньні партыі «Беларуская хрысьціянская дэмакратыя» (БХД) Павал Севярынец заклікаў маладых хрысьціянскіх дэмакратаў актыўна працаваць зь людзьмі на карысьць Беларусі. Яго вітаньне было зачытанае на ўстаноўчым зьезьдзе грамадзкай арганізацыі «Маладыя хрысьціянскія дэмакраты» (МХД), які праходзіў 3 лістапада ў Менску. У сваім вітаньні палітык адзначыў, што маладым хрысьціянскім дэмакратам «ёсьць куды прыкласьці свае сілы».
10 сем’яў Віцебшчыны пазбавілі жытла за даўгі перад ЖКГ
Дзесяць сем’яў выселеныя за неаплату жыльлёва-камунальных паслуг у студзені-верасьні ў Віцебскай вобласьці, паведаміла начальніца аддзелу бухуліку і справаздачнасьці ўпраўленьня жыльлёва-камунальнай гаспадаркі Віцебскага аблвыканкаму Натальля Яцук. Адключаныя камунальныя паслугі (вада, электрычнасьць і газ) 4,2 тысячам сем’яў. Папярэджаньні дасланыя 23,7 тыс. неплацельшчыкам. Пададзена 3,9 тыс. выканаўчых надпісаў на суму больш як Br2 млрд., зь іх выканана больш за 2 тыс. на Br1, 2 млрд. У суд пададзена 778 пазоўных заяў на спагнаньне даўгоў на Br500 млн., зь іх задаволена 550 на Br300 млн.