Віцебск убраўся ў бел-чырвона-белыя колеры
Актывісты «Маладой Беларусі» павіншавалі жыхароў Віцебску з Днём Волі. Напярэдадні сьвята яны вывесілі забаронены ўладамі бел-чырвона-белы сцяг на шматпавярховым будынку на скрыжаванні Маскоўскага праспэкту і вуліцы Чкалава.
У Віцебску распачаўся суд над палітыкам Сяргеем Рыжовым
Судовы працэс распачаўся 25 сакавіка ў Першамайскім райсудзе Віцебску і праходзіць у закрытым рэжыме. Зрабіць працэс закрытым – ініцыятыва судзьдзі Андрэя Прэйса. Даведаўшыся пра рашэньне судзьдзі, Сяргей Рыжоў прапанаваў зрабіць суд адкрытым, аднак судзьдзя не пагадзіўся. Сяргей Рыжоў заявіў суду адвод, але той ня быў прыняты.
Хайсы» — грамадзкі рух ушанаваньня памяці ахвяр сталінізму на Віцебшчыне (відэа)
Актывісты ў Віцебску дамагаюцца расьсьледаваньня сталінскіх забойстваў і ўшанаваньня памяці ахвяр. Рабочая назва грамадзкай ініцыятывы — «Хайсы». Паводле сябра КХП БНФ Яна Дзяржаўцава, ініцыятыве далі імя вёскі, дзе ў лістападзе мінулага году віцебскія партыйцы ўшанавалі памяць невядомых ахвяраў сталінскіх рэпрэсіяў.
У Віцебску ў Дзень Волі ўсклалі кветкі Быкаву і Караткевічу
Паводле даўняй ужо завядзёнкі жыхары Віцебску ў Дзень Волі 25 сакавіка ўскладаюць кветкі да мэмарыяльнай дошкі ў гонар Васіля Быкава і да помніка Ўладзімеру Караткевічу.
Рэакцыя судзьдзі на пісьмовую заяву грамадзяніна: Забярыце гэтую паперку
Толькі з трэцяй спробы падаць заяву ў суд Полацку, судзьдзя разгледзела пісьмовую просьбу грамадзяніна дазволіць яму фатаграфаваць падчас судовага паседжаньня, але ў задавальненьні просьбы было адмоўлена. Гэта адбылося 20 сакавіка падчас судовага разгляду пазоўнага патрабаваньня дырэктара крамы да былых работнікам пакрыць нястачу, выяўленую пры рэвізіі.
Заснавальнік курсаў «Мова нанова» ў Віцебску: Хацелася б, каб беларуская мова стала звычайнай зьявай, а не часовай модай
У хуткім часе спаўняецца год, як у Віцебску распачалі працу бясплатныя публічныя курсы «Мова нанова». Першы ўводны занятак правялі тады стваральнікі менскіх курсаў – журналіст Глеб Лабадзенка і філёляг Алеся Літвіноўская. Цяпер жа гэтай справай у горадзе займаюцца карэнны віцьбіч Сяргей Маркаў і журналістка Тацьцяна Дубоўская.
У Віцебску забаранілі пікет у Дзень Волі
Адміністрацыя Чыгуначнага раёну Віцебску зноў адмовіла сябрам Кансэрватыўна-хрысьціянскай партыі БНФ ў правядзеньні пікету. Імпрэза, прымеркаваная да Дня Волі, мусіла адбыцца 25 сакавіка. Заява была пададзена ад імя Яна і Аляксандра Дзяржаўцавых, Пятра Сарапені, Алега Емяльянава і Аляксея Леаненкава.
Каля 100 мільярдаў рублёў, укладзеных у мадэрнізацыю Віцебскай вобласьці, змарнаваныя
Замарожаныя дзяржаўныя сродкі, неўстаноўленае абсталяваньне і неакупныя праекты на агульную суму каля Br100 млрд выяўленыя падчас сумеснай праверкі пракуратуры і КДК Віцебскай вобласьці. Такія дадзеныя былі агучаныя падчас сумеснага паседжаньня калегіі двух ведамстваў па пытаньні эфэктыўнасьці плянаў мадэрнізацыі і выкарыстаньня абсталяваньня.
КДК: «БелВітуніфарм» сарваў плян рэалізацыі інвэстпраекту коштам больш за 19 мільярдаў рублёў
ААТ “БелВітуніфарм” сарвала плян рэалізацыі інвэстыцыйнага праекту коштам больш за Br19 млрд. Пра гэта на сумесным паседжаньні калегіі Камітэту дзяржаўнага кантролю і пракуратуры Віцебскай вобласьці па пытаньні эфэктыўнасьці плянаў мадэрнізацыі і выкарыстаньня абсталяваньня паведаміла намесьніца старшыні абласнога КДК Юлія Аўхукова.
У Віцебскай вобласьці выкрылі карупцыйную схему з прадстаўнікамі камэрцыйных структур і органаў дзяржаўнай улады
Супрацоўнікамі падразьдзяленьняў па барацьбе з эканамічнымі злачынствамі УУС Віцебскага аблвыканкаму і Лепельскага РАУС у выніку апэратыўна-прафіляктычных мерапрыемстваў, накіраваных на спыненьне злоўжываньняў з боку службовых асоб у сфэры будаўніцтва, у Віцебскай вобласьці выкрытая злачынная схема, у якую былі ўцягнутыя прадстаўнікі камэрцыйных структур і органаў дзяржаўнай улады.