У Лёзьне паставілі бюст Марку Шагалу
Калісьці менавіта Лёзна называлі радзімай мастака. Цяпер дакладна вядома, што Марк Шагал нарадзіўся ў Віцебску, а ў Лёзьне жылі яго шматлікія сваякі, у тым ліку і дзядуля з бабуляй. Майстар пэндзьля ў аўтабіяграфічнай кнізе “Маё жыцьцё” пісаў: “Як я любіў прыязджаць у Лёзна, у твой дом, прапахлы сьвежымі каровінымі шкурамі! Барановыя мне таксама падабаліся. Уся твая амуніцыя вісела звычайна пры ўваходзе, каля самых дзьвярэй: вешалка з адзеньнем, капялюшамі, пугай і ўсім іншым глядзелася на фоне шэрай сьценкі, як нейкая фігура - ніяк не разгледжу яе як сьлед. І ўсё гэта мой дзядуля”.
Новае рашэньне КПЧ ААН: Беларусь парушыла правы Сяргея Каваленкі
Камітэт ААН па правох чалавека прыняў чарговае рашэньне наконт скаргі віцебскага актывіста КХП-БНФ Сяргея Каваленкі. Гэтым разам рашэньне станоўчае: камітэт прызнаў, што Рэспубліка Беларусь парушыла правы актывіста, і цяпер цягам 180 дзён дзяржаўныя чыноўнікі абавязаныя аднавіць яго правы, якія былі парушаныя, выплаціць адпаведную кампэнсацыю ды зрабіць захады, каб гэткіх парушэньняў правоў грамадзян з боку дзяржавы не было ў будучыні.
У Полацку затрыманыя грамадзкія актывісты
Полацкая міліцыя перашкодзіла прадстаўнікам грамадзкасьці ў правядзеньні сходу . У памяшканьні таварыства спажыўцоў 9 лістапада былі затрыманыя і дастаўленыя ў міліцэйскі пастарунак шасьцёра грамадзян, якія ўдзельнічалі ў сходзе. Затрыманьнем кіраваў старшы лейтэнант міліцыі Міхаіл Перапечкін ў прысутнасьці работнікаў ЖКГ. Пасьля апытаньня ў міліцыі ўдзельнікаў сходу адпусьцілі.
Amnesty International працягвае падтрымліваць доктара Пастнова
У цяперашні час тэрміновая дапамога віцебскаму лекару Ігару Пастнову, які быў падвергнуты прымусоваму псыхіятрычнаму лячэньню, больш не патрэбная. «Аднак дыягназ “псыхапатычнае разладзьдзе асобы з маніяй перасьледу ўладаў” застаўся, і ён можа зноў падвергнуцца лячэньню, калі працягне гэтаксама адкрыта крытыкаваць улады», – гаворыцца ў чарговым паведамленьні арганізацыі Amnesty International («Міжнародная амністыя»).
Віцебскія ўлады масава забараняюць акцыі КХП-БНФ
Цягам менш як месяца раённыя адміністрацыі Віцебску забаранілі 5 пікетаў, заяўкі на якія падавалі сябры Кансэрватыўна-Хрысьціянскай партыі БНФ Ян Дзяржаўцаў і Ян Талпыга. Усе акцыі забароненыя з аднолькавай прычыны: арганізатары ня выканалі рашэньне Віцебскага гарвыканкаму № 811 “Аб масавых мерапрыемствах у г. Віцебску”, бо не далучылі да сваіх заявак дамоваў з ЖКГ, міліцыяй і паліклінікай.
Як ставяцца жыхары Полацку да дня «Кастрычніцкай рэвалюцыі»?
У Беларусі 7 лістапада па-ранейшаму зьяўляецца сьвяточным выходным днём. Ідэолягі і вэтэраны кампартыі не забываюць яго адзначаць. Звычайныя грамадзяне яго практычна не заўважаюць, забываючыся пра яго існаваньне.
Расея прафінансуе аднаўленьне помніку перамогі ў вайне 1812 году?
Адчынены адмысловы банкаўскі рахунак «на аднаўленне Манумэнту славы» ў вёсцы Клясьціцы Расонскага раёну. Праўда, мясцовыя ўлады не спадзяюцца сабраць неабходную суму за кошт дабрачынных ахвяраваньняў на банкаўскі рахунак. Яны разьлічваюць на грашовую дапамогу Расеі і Саюзнай дзяржавы.
Скандал у судзе: узнагарода знайшла свайго героя
За невыкананьне парадку інфармаваньня грамадзян аб пераносе часу пэрсанальнага прыёму, старшыня суду Першамайскага раёну Віцебску Андрэй Андрушэнка прыцягнуты да матэрыяльнай адказнасьці. Скарга пра нядбайнае выкананьне Закону Рэспублікі Беларусь «Аб зваротах грамадзян і юрыдычных асоб» кіраўніком раённага суду, паступіла ў Міністэрства юстыцыі Рэспублікі Беларусь ад віцебскага праваабаронцы Паўла Левінава.
Суд дазволіў Віцебскаму гарвыканкаму парушаць уласныя рашэньні (відэа)
Кастрычніцкі райсуд Віцебску адмовіў двум актывістам, якія хацелі ў судовым парадку змусіць цэнтральную гарадзкую паліклініку падпісаць дамову на мэдычнае абслугоўваньне ўдзельнікаў сьвяткаваньня Дня Волі. Але суд не пагадзіўся прызнаць, што забарона вынесеная з парушэньнямі — як адпаведнага рашэньня выканкаму, так і беларускага заканадаўства.
У Полацку маліліся за душы тых, хто стаўся ахвярай таталітарнага рэжыму
Полацкія актывісты і вернікі ўшанавалі памяць ахвяраў сталінскіх рэпрэсіяў, расстралянах каля вёскі Бельчыцы. Аповеды мясцовых жыхароў пра масавыя расстрэлы перадаюцца тут з пакаленьня ў пакаленьне. Ужо даўно Бельчыцы тэрытарыяльна ўвайшлі ў межы Полацку, але памяць пры тыя падзеі жыве. І дзеля гэтай памяці на мясцовых могілках усталяваны высокі зялезны крыж.