У Віцебскім абласным краязнаўчым музэі 19 сьнежня адкрылася гістарычная выстава “Тадэвуш Касьцюшка: цана свабоды”. У межах экспазыцыі дэманструюцца 24 пляншэты з фотаздымкамі дакумэнтаў і мастацкіх прац, прысьвечаных нашаму выбітнаму земляку. Спазнаць цану свабоды паводле Касьцюшкі каштуе ўсяго 1 рубель (кошт квітка) для дарослых і 50 капеек – для дзетак і студэнтаў.

27 лістапада Сьледчы камітэт па Віцебскай вобласьці распачаў крымінальную справу паводле артыкулу 369 КК (публічная абраза прадстаўніка ўлады ў сувязі з выкананьнем ім службовых абавязкаў) супраць вядомага грамадзкага актывіста, сябра стваранага міжнароднага грамадзкага аб'яднаньня «За сумленную ўладу», псыхіятра-нарколяга Ігара Пастнова.

Палігон цьвёрдых камунальных адкідаў пад Віцебскам (в. Агароднікі) будзе выкарыстоўвацца яшчэ як мінімум 8 гадоў. Гэта вынікае з адказу ўпраўленьня ЖКГ Віцебскага аблвыканкаму на калектыўны зварот жыхароў Віцебску наконт будаўніцтва сьмецьцесартавальнага заводу на пляцоўцы палігону. Адказ быў дасланы віцебскай актывістцы і каардынатарцы БХД Тацяне Севярынец.

Аршанская раённая камісія па выбарах у мясцовыя Саветы дэпутатаў 28 скліканьня 15 сьнежня правяла сваё апошняе паседжаньне па рэгістрацыі ініцыятыўных групаў кандыдатаў.

Праваабаронца Наста Лойка зьвярнулася ў пракуратуру Горацкага раёну з просьбай прыняць меры пракурорскага рэагаваньня да службовых асобаў папраўчай калёніі №9 па забесьпячэньні і ліквідацыі пагрозаў асабістай бясьпекі палітвязьня Міхаіла Жамчужнага.

Дагэтуль усе законы прымаліся толькі на адной зь дзяржаўных моваў, прычым толькі адзінкі зь іх на беларускай. Спроба зьмяніць такую заганную практыку правалілася: старшыня парлямэнцкай камісіі па заканадаўстве Натальля Гуйвік з Полацку «зарэзала» першы дзьвюхмоўны закон.

Парушэньні заканадаўства аб барацьбе з карупцыяй у камітэце па архітэктуры і будаўніцтве Віцебскага аблвыканкаму і ў падпарадкаваных яму прадпрыемствах выявіла праверка, праведзеная абласной пракуратурай.

15 сьнежня першы пікет па зборы подпісаў за вылучэньне чальца аргкамітэту партыі БХД Ірыны Захаравай кандыдаткай у дэпутаты Віцебскага гарадзкога савету па 18-й Чкалаўскай акрузе зладзілі сябры яе ініцыятыўнай групы. Пікет прайшоў на рагу Маскоўскага праспэкту і 2-й Падоўжнай вуліцы.

14 сьнежня Віцебская гарадзкая выбарчая камісія скончыла прыём заяваў для рэгістрацыі ініцыятыўных групаў для збору подпісаў па вылучэньні кандыдатаў у дэпутаты гарадзкога Савету дэпутатаў. Усяго было пададзена 59 заяваў, зь якіх выбарчая камісія разгледзела 54. Астатнія пяць плянуюць разгледзець 18 сьнежня.

Прэзэнтацыя “Беларусаліма” для аўтара была ня першай, але ў Полацку сталася для яго падзеяй асаблівай. Пра гэта сказаў 12 сьнежня на сустрэчы з палачанамі сам Павал Севярынец.