Органы апекі і інспэкцыя па справах непаўнагадовых цікавяцца месячным сынам Вольгі Карач
Лідэр кампаніі «Наш Дом» Вольга Карач разам з мужам і сынам Сьвятаславам, які нарадзіўся 3 сьнежня, днямі прыехалі на радзіму, у Віцебск. Праз тыдзень пасьля прыезду да Вольгіных бацькоў прыйшла праверка. У кватэру, дзе прапісаная Вольга Карач, зьявіліся прадстаўнікі органаў апекі Кастрычніцкага раёну Віцебску і раённай камісіі па справах непаўналетніх.
Кіраўнікоў прадпрыемстваў выхвасталі за няўвагу да крытыкі ў дзяржаўнай прэсе
Шэраг кіраўнікоў прадпрыемстваў і арганізацыяў Віцебскай вобласьці прыцягнутыя да адказнасьці за парушэньне патрабаваньняў указу № 630 “Аб рэагаваньні службовых асоб на крытычныя выступы ў дзяржаўных сродках масавай інфармацыі”. Факты парушэньняў выяўленыя Камітэтам дзяржкантролю падчас правядзеньня кантрольных мерапрыемстваў.
Віцебскія палітыкі распавялі пра свой удзел у мясцовых выбарах (відэа)
Сярод прадстаўнікоў дэмакратычнай грамадзкасьці пануе аднадумства: сапраўдных выбараў у краіне няма. Тым ня менш большасьць палітычных партыяў і рухаў заявілі пра свой намер удзельнічаць у выбарах у мясцовыя саветы, якія адбудуцца 23 сакавіка. Інтэрнэт-газэта «Дыялёг» папрасіла вядомых у Віцебску апазыцыянэраў распавесьці пра тое, навошта яны ўдзельнічаюць у цяперашняй выбарчай кампаніі.
Віцебскага праваабаронцу зьбіраюцца дэпартаваць зь Беларусі?
Пётар Іваноў – вайсковы пэнсіянэр. Мае расейскае грамадзянства і пасьведчаньне на жыхарства ў Рэспубліцы Беларусь. Надоечы ён атрымаў ліст з аддзяленьня па грамадзянству і міграцыі Кастрычніцкага РАУС Віцебску, у якім паведамляецца, што дазвол на яго сталае пражываньне ў Беларусі можа быць ануляваны.
Навагодні «падарунак» бюракратам - афіцыйныя папярэджаньні
У першых лічбах новага, 2014 году, пракуратурай Віцебску былі вынесеныя афіцыйныя папярэджаньні аб недапушчальнасьці парушэньня заканадаўства намесьнікам кіраўнікоў адміністрацыяў Кастрычніцкага, Першамайскага і Чыгуначнага раёнаў - Анатолю Кандратовічу, Вользе Гурчанка і Натальлі Ляпёшкінай. Такім чынам пракуратура адрэагавала на скаргу праваабаронцы Паўла Левінава.
Доктар Ігар Пастноў зладзіў пікет… у лесе
12 студзеня лекар Ігар Пастноў хацеў зладзіць адзіночны пікет-рэквіем супраць міліцэйскага свавольства. Пікет мусіў адбыцца ў месцы, адмыслова адведзеным віцебскімі ўладамі пад масавыя мерапрыемствы, аднак намесьнік кіраўніка адміністрацыі Кастрычніцкага раёну Віцебску Анатоль Кандратовіч забараніў імпрэзу – лекар не заключыў дамоваў з мэдыкамі, міліцыянтамі і камунальнікамі. У выніку Ігар Пастноў зладзіў пікет за межамі гораду, у лесе.
Сяргей Рыжоў арыштаваны на 15 сутак
Судзьдзя Першамайскага райсуду Натальля Карабліна прызнала Сяргея Рыжова вінаватым у хуліганстве і непадпарадкаваньні міліцыянтам — супрацоўнікам выцьвярэзьніку 16 лістапада мінулага году. Сам палітык настойвае, што ў выцьвярэзьніку яго зьбівалі, а потым сфабрыкавалі справу пра непадпарадкаваньне.
Дырэктар ААТ «Полацак-Шкловалакно» ня хоча спрачацца з рабочымі
У працоўным калектыве «Полацак-Шкловалакна» ўзьнікла калектыўная працоўная спрэчка. Частка рабочых ня згодная з асобнымі нормамі калектыўнай дамовы. Пасьля шэрагу працэдур, прадугледжаных Працоўным кодэксам, працоўныя накіравалі дырэктару патрабаваньне «зьмяніць незаконныя нормы калектыўнай дамовы». Паводле ўказу прэзыдэнта наймальнік абавязаны быў цягам трох дзён з дня ўзьнікненьня працоўнай спрэчкі з рабочымі паведаміць пра яе ў Дэпартамэнт аховы працы – але гэтага не адбылося.
Пасьля пратэстаў прадпрымальнікаў рынак у Гарадку аднаўляе сваю працу
З 10 студзеня аднаўляецца праца рынку ў Гарадку. Гэта рашэньне было прынятае напярэдадні, пасьля сустрэчы прадпрымальнікаў з уладамі у Гарадоцкім райвыканкаме. У сустрэчы ўзялі ўдзел старшыня Віцебскага аблсавету Аляксандар Ацясаў, старшыня Гарадоцкага райвыканкаму Васіль Муранкоў і старшыня Віцебскага аблспажыўсаюзу Аляксандар Шынкарэнка.
Генэрал-маёр Ігар Яўсееў урачыста адкрыў новы міліцэйскі пастарунак у Віцебску
Надоечы адбылося ўрачыстае адкрыцьцё грамадзкага пункту аховы правапарадку №4 у Кастрычніцкім раёне Віцебску. Ён разьмяшчаецца на вуліцы Гагарына, насупраць адміністрацыйнага будынку ААТ «Кераміка». Гэты мікрараён - адзін з самых небясьпечных у абласным цэнтры, таму міліцэйскі «пляцдарм» у непасрэднай блізкасьці ад Себяхоў стане дадатковым гарантам падтрыманьня правапарадку на гэтай тэрыторыі.