Суд Першамайскага раёну гораду Віцебску вынес абвінаваўчы прысуд у дачыненні да 15-гадовага падлетка С. з Наваполацку, прызнаўшы яго вінаватым у распаўсюджванні буйной партыі наркотыкаў у складзе арганізаванай групы (частка 4 артыкула 328). На працэсе сваю віну хлопец прызнаў толькі часткова.

Найстарэйшы віцебскі апазіцыянер не збіраецца браць удзел у «рэферэндуме» 27 лютага. На ягоную думку, няма сэнсу разважаць пра змены ў цяперашняй Канстытуцыі РБ, бо яна нелегітымная, а значыць, і вынікі рэферэндуму не могуць мець законнай сілы. Паводле Барыса Хамайды, апошняя беларуская легітымная Канстытуцыя -1994 году.

Віцяблянін Вадзім Кузьмін зарэгістраваўся назіральнікам на «рэферэндум» ад партыі «Справядлівы свет» адразу на двух участках (участак №1 у бібліятэцы імя Астроўскага па вул. Дзімітрава і ўчастак №2 у індустрыяльна-тэхналагічным каледжы па вул Кірава). Парушэнні ён заўважыў у тым, што на першым участку не быў вывешаны спіс сябраў камісіі, тым часам як на другім участку такі спіс быў.

Пра супольную ініцыятыву ДАІ і моладзевага атраду аховы правапарадку талачынскай арганізацыі БРСМ распавёў Тэлеграм-канал «Молодёжь Витебской области». 21 лютага там быў выкладзены відэаролік з няхітрым сюжэтам: супрацоўнікі ДАІ спыняюць машыны, маладыя людзі з БРСМ уручаюць кіроўцам памяткі пра дату «рэферэндуму».

Грамадская ініцыятыва «Наука вне себя Витебск!» апублікавала вынікі маштабнага апытання «Віцебск вачыма гараджанаў». Удзел у апытанні прынялі 514 чалавек. Даследаванне праводзілася цягам студзеня і лютага 2022 году. Арганізатарам і ініцыятарам апытання выступіла «Міжнароднае грамадскае аб'яднанне эколагаў».

Пад аховай з 21 да 28 лютага будуць знаходзіцца ўсе 714 участкаў на тэрыторыі Віцебскай вобласці. На некаторых дзяжурыць будуць адначасова па два супрацоўнікі міліцыі, паведамляе ўпраўленне МУС Віцебскага аблвыканкаму. Апрача гэтага, на ўчастках будзе ўведзены кантрольна-прапускны рэжым і дагляд змесціва сумак і заплечнікаў.

Афіцыйны сайт шумілінскай раённай газеты «Герой працы» апублікаваў ліст старшыні мясцовай суполкі «Беларускага фонду міру» Людмілы Шаўцовай, у якім яна заклікае грамадзян не браць удзелу ў акцыях супраць вайны. І просіць грамадзян быць пільнымі.

27 лютага ў Беларусі пройдзе галасаванне па пытанні ўнясення зменаў у дзейную Канстытуцыю. Але ад 22 лютага ўлады заклікаюць браць удзел у датэрміновым галасаванні. Органы ўлады на месцах загадзя рыхтуюцца да гэтай кампаніі, як да апошняга бою. У Віцебскай вобласці, з ініцыятывы пракуратуры, будзе створаная спецыяльная група «на выпадак надзвычайнага становішча».

Некалькі чалавек за апошні тыдзень атрымалі тэлефанаванні са Следчага камітэту. Следчыя запрашалі прыйсці на допыт «пра Бяляцкага», а таксама называлі прозвішчы іншых праваабаронцаў. Тым, хто ўжо схадзіў у СК, сказалі, што яны знаходзяцца ў статусе сведак па крымінальнай справе.

Рэдакцыя раённай газеты «Зара», імкнучыся выканаць загад наконт асвятлення абмеркаванняў праекту Канстытуцыі перад так званым «рэферэндумам» 27 лютага, вырашыла, што чытачы абыдуцца і без падрабязнасцяў. У «дыялогавых пляцоўках» для абмеркаванняў зменаў у Канстытуцыю бяруць удзел па 9-10 чалавек. Пад публікацыямі – ніводнага каментара.