Катэгорыя: Вясна

Станіслаў Паўлінковіч пасля выхада на волю. Фота mspring.online. У чацвер 21 траўня магілёўскага актывіста Станіслава Паўлінковіча, які адбываў 15-суткавы арышт,  таемна вывезлі з ізалятара ў суд Ленінскага раёна, дзе суддзя Ратнікава прысудзіла яго да 15 сутак арышту за непадпарадкаванне работнікам міліцыі і да 1000 рублёў штрафу за абразу міліцыянта. Пра гэта паведамляе сайт пра правы чалавека ў Магілёве mspring.online.

Катэгорыя: Вясна

Юрый Уласаў. Фота "Гомельскай Вясны" Асуджаны на 15 сутак за ўдзел у акцыі салідарнасці з Сяргеем Ціханоўскім у Гомелі Юрый Уласаў мусіў выйсці 22 траўня ў 18.35 з гомельскага ІЧУ, але, са словаў яго жонкі Юліі, якой патэлефанавалі супрацоўнікі ІЧУ, ён будзе адбываць яшчэ 15 сутак за ўдзел у іншым несанкцыянаваных масавым мерапрыемстве (арт. 23.34 КоАП РБ). Такое рашэнне вынес суд Цэнтральнага раёну Гомля.

Катэгорыя: Вясна

Назіральнік кампаніі "Праваабаронцы за свабодныя выбары" з Баранавічаў Аляксандр Вайцешык так і не змог убачыць працэс фармавання Баранавіцкай раённай выбарчай камісіі – ні на анлайн-трансляцыі, ні на відэа пасля фармавання. У сувязі з гэтым ён звярнуўся са скаргай у Цэнтрвыбаркам.

Катэгорыя: Вясна

Тамара Шчапеткіна. Фота: Радыё Рацыя Выбаршчыкі, якія вылучылі ў склад Бярозаўскай выбарчай раённай камісіі сябру Партыі БНФ, назіральніцу за выбарамі з вялікім стажам Тамару Шчапёткіну, звярнуліся ў суд Бярозаўскага раёна са скаргай на неўключэнне яе ў склад камісіі.

Катэгорыя: Вясна

Гарадзенскія праваабаронцы, назіральнікі і журналіст кампаніі “Праваабароцы за свабодныя выбары” Віктар Сазонаў, Раман Юргель, Андрэй Коця, Святлана Рудкоўская і Уладзімір Хільмановіч даслалі чарговы ліст у Цэнтральную камісію Рэспублікі Беларусь па выбарах і правядзенні рэспубліканскіх рэферэндумаў. У лісце, у прыватнасці, указваецца, што, аналізуючы склады камісій па Гарадзеншчыне, праваабаронцамі было заўважана, што ў камісіі акрамя іншых увайшлі таксама і работнікі медыцынскіх установаў. Заканадаўства гэтага не забараняе, але гэта выглядае дзіўна ў той эпідэміялагічнай сітуацыі, у якой зараз знаходзіцца краіна.

Катэгорыя: Вясна

Назіральнікі кампаніі «Праваабаронцы за свабодныя выбары» ў найбуйнейшых раёнах усходне-палескага рэгіёна прааналізавалі склад сфармаваных на сумесных паседжаннях прэзідыўмаў райсаветаў і райвыканкамаў раённых камісіяў па выбарах прэзідэнта. Асаблівасцю сёлетніх паседжанняў стала тое, што на іх не было ні назіральнікаў, ні прадстаўнікоў зацікаўленых структураў. У сувязі з пандэміяй каранавірусу, паводле пастановы ЦВК, паседжанні трансляваліся ў інтэрнэце.

Катэгорыя: Вясна

Станіслаў Косцеў і Ілля Косцеў Калегія Вярхоўнага суда па крымінальных справах 22 траўня разглядае апеляцыйную скаргу жыхароў Чэрыкава братоў Станіслава і Іллі Косцевых. Пачатак судовага паседжання прызначаны на 9-30. Суд можа пакінуць прысуд без зменаў і тады юнакоў чакае растрэл.

Катэгорыя: Вясна

Затрыманні ў Гомелі 7 траўня. Фота "Радыё Свабода" Па дадзеных Праваабарончага цэнтру “Вясна” на 22 траўня, у Беларусі ў перыяд з 6 траўня зафіксавана каля 150 выпадкаў адвольных затрыманняў па палітычных матывах. Пад пераслед трапілі людзі, якія прыходзілі на сустрэчы з блогерам Сяргеем Ціханоўскім у розных гарадах краіны, выходзілі на акцыі ў яго падтрымку пасля затрымання блогера, “кармілі галубоў” на плошчах сваіх гарадоў ці ўдзельнічалі ў іншых акцыях пратэсту. Пад пераслед трапілі таксама праваабаронцы і журналісты, якія назіралі ці асвятлялі акцыі.

Катэгорыя: Вясна

Кампаніі "Праваабаронцы за свабодныя выбары" вядомыя ўжо некалькі выпадкаў, калі кіраўнікі дзяржустаноў прасілі сваіх падначаленых прынесці пашпарты, каб паставіць подпісы за асобу, якая вылучаецца кандыдатам. Як адзначаюць праваабаронцы, у Беларусі выкарыстанне адміністрацыйнага рэсурсу, калі на дзяржпрадпрыемствах і ў навучальных установах прымушаюць падпісвацца за пэўных кандыдатаў або асоб, якія вылучаюцца кандыдатамі, з'яўляецца адной з самых вялікіх праблем пры зборы подпісаў. Ці законна гэта і што рабіць у падобнай сітуацыі, распавёў юрыст Праваабарончага цэнтра "Вясна" Аляксей Лойка. "Сітуацыя, калі супрацоўнікаў дзяржаўных арганізацый прымушаюць да ўдзелу ў зборы подпісаў, як з дапамогай збору подпісаў, калі яны не з'яўляюцца сябрамі ініцыятыўных груп, так і калі іх прымушаюць ставіць свой подпіс у падтрымку асобы, якая вылучаецца ў кандыдаты, пад пагрозай якіх-небудзь санкцый, з'яўляецца недапушчальным. Пры гэтым яна выкарыстоўваецца ўладамі з адной выбарчай кампаніі да наступнай. Практыка паказвае, што Цэнтральная камісія такія скаргі пакідае без увагі, эфектыўныя сродкі прававой абароны ад такіх парушэнняў адсутнічаюць", — распавядае юрыст.

Катэгорыя: Вясна

Аляксей Прохараў на судзе. Фота: "Віцебская Вясна" Віцебскага актывіста Аляксея Прохарава запрасілі ў аддзел аховы правапарадку Чыгуначнага раёну Віцебску для дачы тлумачэнняў пра ягоны ўдзел у "кармленні галубоў" 3 траўня. Па інфармацыі "Віцебскай Вясны", з міліцыі яго не выпусцілі – затрымалі і адразу адвезлі ў ізалятар часовага ўтрыманьня (ІЧУ). Актывіст паспеў паведаміць праваабаронцу, што суд над ім адбудзецца ў панядзелак.