Актывіст Беларускай партыі левых «Справядлівы сьвет» і кампаніі «Наш дом» палкоўнік у адстаўцы Мікалай Петрушэнка зрабіў сэнсацыйнае прызнаньне: у часе свайго дэпутацтва ў Вярхоўным Савеце СССР ён зьбіраўся забіць Міхаіла Гарбачова. І, паводле яго словаў, меў усе магчымасьці ажыцьцявіць задуму, але ў самы апошні момант спужаўся.

У Воршы распрацоўваецца новы генэральны плян, які вызначыць, якім будзе горад да 2030 году. Сярод прапанаваных архітэктарамі пунктаў ёсьць і скандальны: плянуецца пабудаваць дзьве дарогі, якія пройдуць наўпрост па месцах масавых сталінскіх расстрэлаў на Кабыляцкай гары і каля Магілёўскай шашы.

З імклівым разьвіцьцём сеткі інтэрнэт і кампутарных тэхналёгіяў пытаньні, зьвязаныя з інфармацыйнай бясьпекай, правам людзей на прыватнасьць і юрыдычнымі нормамі, што рэгулююць гэтую сфэру, становіцца ўсё больш актуальнымі. Менавіта гэтым праблемам і быў прысьвечаны трэнінг «Лікбез па лічбавых свабодах», які прайшоў у Віцебску.

23 верасьня сябры ініцыятывы “Хайсы” за кошт уласных сродкаў і ахвяраваньняў неабыякавых грамадзянаў на ўскрайку расстрэльнага лесу непадалёк ад вёсак Хайсы і Дрыкольле ва ўшанаваньне памяці забітых там беларусаў усталявалі тры мэталёвыя крыжы.

У нядаўна адкрытай краме сувэнірнай прадукцыі «Вітаўт» вакаліст гурту Dzieciuki Алесь Дзянісаў зладзіў прэзэнтацыю новага музычнага альбому «Кароткая гісторыя Беларусі», які быў запісаны на словы сьляпога паэта са Скідзелю (Гарадзенская вобласьць) Алеся Чобата.

Пасьля больш як месячнага маўчаньня віцебскія праваабаронцы атрымалі доўгачаканы ліст ад палітвязьня Міхаіла Жамчужнага. Страту камунікацыі са зьнешнім сьветам Міхаіл Ігаравіч патлумачыў тым, што працяглы час, 29 сутак, ён знаходзіўся ў штрафным ізалятары.

У Полацку 20 верасьня ў гарадзкім судзе старшыня Вярхоўнага суду Валянцін Сукала праводзіў выязны прыём грамадзян. На прыём запісалася 12 чалавек па пытаньнях, што ўваходзяць у кампэтэнцыю суду. Старшыня вёў прыём цягам дзьвюх гадзін – у сярэднім выходзіла па 10 хвілін на наведвальніка. Папярэдні прыём у Полацку Валянцін Сукала праводзіў у 2015 годзе.

Напісаў скаргу на лекі ад дыябэту беларускай вытворчасьці – атрымаў курс прымусовага псыхіятрычнага лекаваньня. Гэта гісторыя нашага героя зь Віцебску ў некалькіх словах. Празь перажытыя зьдзекі ў вар’ятнi ды боязь зноў апынуцца ў «жоўтым доме» ён баіцца паказаць на відэа твар.

«Бээнэфавец сказаў бабулі, што выража ёй на лбе крыж, калі апазыцыя прыйдзе да ўлады!» – такую гісторыю распавяла віцебскі палітык Вольга Карач. У фэйсбуку яна пакінула камэнтар з расказам пра мясцовага лідэра БНФ, які нібыта пагражаў выразаць крыж на лбе суседкі.

Мікола Конан атрымаў 10 год лягераў за адмову стаць “сексотам” КДБ. А перасьлед спадара Міколы пачаўся, калі ён, яшчэ ня ведаючы пра існаваньне Саюзу беларускіх патрыётаў, друкаваў для іх прысягу на просьбу сябра Васіля Мядзельца. Гэта адбывалася падчас яго навучаньня ў Глыбоцкай пэдвучэльні.