Дзьве дзяржаўныя абласныя газэты Віцебшчыны аб’ядналі ў адну
На інфармацыйным рынку Віцебскай вобласьці зьявілася новае друкаванае СМІ - газэта “Вітебскіе весті”. Яна аб’яднала два абласных выданьні - “Віцебскі рабочы” і “Народнае слова”. Першы нумар газэты выйшаў 2 ліпеня. Рашэньне аб рэарганізацыі гэтых газэт прыняў заснавальнік - Віцебскі аблвыканкам. Ад новага выданьня ён чакае “стварэньня якаснага, прафэсійнага інфармацыйнага прадукту, які выключыць дубляваньне інфармацыі”.
Павал Севярынец: «Плюшавы дэсант» прадэманстраваў ілжывасьць рэжыму
Год таму швэдзкія пілёты скінулі над тэрыторыяй Беларусі каля тысячы плюшавых мядзьведзікаў зь лёзунгамі ў падтрымку свабоды слова. Сьмелая і яскравая акцыя паказала ня толькі хібы сыстэмы СПА краіны, але і тое, як беларускія ўлады рэагуюць на непажаданую ім інфармацыю. Пра гэта заявіў палітвязень Павал Севярынец, камэнтуючы гадавіну «плюшавага дэсанту».
Успышка афрыканскай чумы сьвіней на Віцебшчыне афіцыйна пацьверджаная
Як паведамілі “Інтэрфаксу” ў расейскім “Россельхознадзоры” са спасылкай на беларускіх калегаў, захворваньне пацьверджанае ў Віцебскай вобласьці. “У цяперашні час рыхтуем дакумэнты на абмежаваньне паставак жывых сьвіней, сьвініны, гатовай прадукцыі і кармоў для сьвіней з гэтай вобласьці”, - паведаміў прадстаўнік расейскага ведамства. Раней гэтая мера была ўведзеная ў дачыненьні да паставак з Гарадзенскай вобласьці, дзе быў выяўлены першы ачаг АЧС.
Пракуратура: Андрэй Гайдукоў спрабаваў працаваць на ЦРУ
Асуджаны на паўтара года пазбаўленьня волі Андрэй Гайдукоў хацеў стаць агентам ЦРУ ЗША. Спробу ўстанавіць кантакт з амэрыканскай спэцслужбай ён распачаў у жніўні 2012 году, паведаміў першы намесьнік пракурора Віцебскай вобласьці Аляксандар Сідаровіч: “У жніўні 2012 году ў спэцслужбу паступіла апэратыўная інфармацыя пра тое, што грамадзянін Беларусі хоча ўстанавіць сувязь з адной з разьведслужбаў”.
На час «Славянскага базару» бяздомных і дэбашыраў ізалююць, а Віцебск нашпігуюць міліцыяй
Як будзе забясьпечаная ахова парадку падчас чарговага фэстывалю мастацтваў «Славянскі базар у Віцебску», які адкрываецца на наступным тыдні ў Віцебску, — распавёў начальнік Віцебскай міліцыі Ігар Яўсееў: «Забясьпечваць ахову парадку будуць каля 600 супрацоўнікаў міліцыі і ваеннаслужачых унутраных войскаў. Для ўзмацненьня сіл Віцебскага гарнізону міліцыі будуць запрошаныя калегі з Гарадзенскай, Гомельскай і Менскай абласьцей».
Сяргей Каваленка: Я не выключаю, што мяне затрымаюць перад “Славянскім базарам”
Актывістам апазыцыі пагражае прэвэнтыўнае затрыманьне перад «Славянскім базарам». Гэтак былы палітвязень Сяргей Каваленка пракамэнтаваў беспрэцэдэнтныя захады ўладаў па навядзеньні парадку ў Віцебску перад фэстам.
Міжнародная фэдэрацыя правоў чалавека выказвае занепакоенасьць з прычыны прысуду Гайдукову
Міжнародная фэдэрацыя правоў чалавека (FIDH) выказвае занепакоенасьць з нагоды прысуду, вынесенага ў дачыненьні да 23-гадовага моладзевага актывіста Андрэя Гайдукова, які 1 ліпеня 2013 г. быў прысуджаны да 1,5 гадоў пазбаўленьня волі за спробу “усталяваньня супрацоўніцтва са спэцслужбамі замежнай дзяржавы” (артыкул 14, частка 1 і артыкул 356-1 Крымінальнага кодэксу Беларусі).
На віцебскім ААТ “КІМ” ужо два месяцы ня плацяць заробкі
ААТ “КІМ” - адно з найбуйнейшых прадпрыемстваў трыкатажнай галіны Беларусі. Прынамсі, гэтак напісана на афіцыйным сайце. Але пра тое, што ў завода сёньня назапасіліся вялікія даўгі, у тым ліку і перад сваімі супрацоўнікамі, там стараюцца не казаць: “На віцебскім ААТ “КІМ”, некалі флягмане лёгкай прамысловасьці, ня выплачаная заработная плата яшчэ за красавік”, - паведаміў на гарачую лінію TUT.BY адзін з працаўнікоў прадпрыемства Ігар.
Суд адмовіў прафсаюзу РЭП у задавальненьні пазову супраць «Белдзяржстраху»
Беларускі прафсаюз работнікаў радыёэлектроннай прамысловасьці ў інтарэсах сябра прафсаюзу юрыста Валера Місьнікава і яго дачкі Тацьцяны Місьнікавай зьвярнуўся ў суд з грамадзянскім пазовам супраць «Белдзяржстраху». Аднак судзьдзя Чыгуначнага райсуду Віцебску Сьвятлана Варатынская вырашыла справу не на карысьць пазоўніка: згодна зь яе пастановай згаданае дзяржаўнае страхавое прадпрыемства можа не выконваць свае забавязаньні па доўгатэрміновым страхаваньні 1991 году.
“Вясна” і БХК прызналі Андрэя Гайдукова палітвязьнем
Асуджэньне Андрэя Гайдукова зьяўляецца неабгрунтаваным і палітычна матываваным. Пра гэта гаворыцца ў сумеснай заяве Беларускага Хэльсынскага камітэту і закрытага ўладамі праваабарончага цэнтру “Вясна”. Праваабаронцы зазначаюць, што асуджэньне Гайдукова “ў значнай ступені мела на мэце павышэньне ролі і значнасьці КДБ у дзяржаве непрымальнымі ў дэмакратычным грамадзтве мэтадамі, а пазбаўленьне волі было прымененае з парушэньнем права на справядлівы судовы разбор, іншых правоў і свабод, гарантаваных Міжнародным пактам аб грамадзянскіх і палітычных правох, працягласьць пазбаўленьня волі яўна непрапарцыянальная (неадэкватная) правапарушэньню, у якім асоба была прызнаная вінаватай”.