Ня ўсе лісты Міхаіла Жамчужнага праходзяць цэнзуру Віцебскага СІЗА
Толькі з другой спробы ўдалося заснавальніку арганізацыі «Платформ інавэйшан» Міхаілу Жамчужнаму, якога ўтрымліваюць у Віцебскім СІЗА, даслаць ліст праваабаронцу Леаніду Сьвеціку. Першы ліст быў канфіскаваны цэнзарам пэнітэнцыярнай установы.
Працягваецца змаганьне Паўла Левінава за перагляд рашэньня Віцебскага аблвыканкаму № 881
Рашэньне № 881 «Аб масавых мерапрыемствах у горадзе Віцебску» ад 10 ліпеня 2009 году робіць, па сутнасьці, немагчымай рэалізацыю права жыхароў Віцебску на мірныя сходы. Праваабаронца Павал Левінаў спрабуе зьмяніць сытуацыю. Цягам апошніх некалькіх месяцаў ён зьвяртаўся ў Галоўнае ўпраўленьня юстыцыі Віцебскага аблвыканкаму, двойчы скардзіўся ў Мін’юст. А цяпер ім пададзеная скарга ў суд…
Вынік пратэстаў супраць зносу лецішчаў: улады прызналі, што грамадзкае абмеркаваньне ладзілася з парушэньнямі
Начальнік управы па будаўніцтве ГЭС «Віцебскэнэрга» Іван Пугачоў абвясьціў, што летась грамадзкае абмеркаваньне прайшло неналежным чынам, і трэба яго праводзіць нанова. Адначасова, ён не гарантуе бясьпеку тым дачнікам, якія застануцца пры сваіх пабудовах на свой страх і рызыку.
У Віцебску прайшлі «Барадулінкі»
Упершыню ў абласным цэнтры з ініцыятывы віцебскай моладзі і Цэнтру сучаснага мастацтва прайшлі імпрэзы-прысьвячэньні народнаму паэту Беларусі Рыгору Барадуліну. У дворыку дому № 7 па вуліцы Талстога ладзілася шмат культурніцкіх падзеяў гарадзкога маштабу, але такой вялікай колькасьці культурніцкіх праектаў, увасобленых разам, гараджанам бачыць яшчэ не даводзілася.
У вёсцы Стаўры мясцовыя жыхары і аршанцы зладзілі талаку па прыборцы берагу Куцеянкі
27 чэрвеня добраахвотнікі выйшлі на бераг Куцеянкі ў вёсцы Стаўры, каб прыбраць сьмецьце, што нагрувасьцілася тут з 60-х гадоў мінулага стагодзьдзя. Апроч мясцовых жыхароў да прыборкі далучыліся і жыхары гораду. Мінімум 4 машыны удзельнікаў прыехалі з Воршы. Удзельнікі талакі выкасілі частку травы і сабралі сьмецьце, якое яшчэ і сартавалі для разьдзельнай утылізацыі.
Падаткавікі Віцебшчыны палююць на «дармаедаў»
У рамках мерапрыемстваў па кантролі за даходамі грамадзян, якія ня ўдзельнічаюць у фінансаваньні дзяржвыдаткаў, паводле дэкрэту №3 «Аб папярэджаньні сацыяльнага ўтрыманства» інспэкцыяй ІМПЗ па Віцебскай вобласьці ў тысячы жыхароў рэгіёну выпатрабаваная дэкларацыя пра даходы і маёмасьці. Па выніках праверкі двумстам зь іх прад’яўлены да выплаты падаходны падатак на агульную суму 1,3 мільярду рублёў.
Сардэчна запрашаем у Беларусь: У іншаземца за спробу правозу празь мяжу двух блёкаў цыгарэт адабралі пазадарожнік
Жыхар Латвіі, які спрабаваў правезьці празь мяжу два блёкі цыгарэт, атрымаў ня толькі штраф, але і страціў свой пазадарожнік.
Шматдзетную сям’ю ў Лепельскім раёне высяляюць са службовага жытла
Па дапамогу зьвярнулася шматдзетная сям’я з аграгарадка Стаі Лепельскага раёну – Надзея і Дзяніс Свабода з трыма маленькімі дочкамі Валерыяй, Алінай і Міланай. Паводле пазоўнай заявы кіраўніцтва СПФ «Заазер’е» ААТ «Лепельскі малочнакансэрвавы камбінат» ім прапануюць зьехаць з займаемага жылога дому.
Бешанковіцкі філіял ААТ «Лепельскі малочнакансэрвавы камбінат» пераходзяць на выплату заробкаў натурай
Прадуктамі будуць выдаваць 30% заробку. Менавіта такія “антыкрызысныя” захады прапанаваў дырэктар філіялу Анатоль Канін сваім работнікам.
Аршанскі райвыканкам патлумачыў, як у школу трапілі казакі
У цэлым адказ з Аршанскага райвыканкаму, падпісаны намесьнікам старшыні Алегам Валер’евічам Сьмірноўскім, падобны да адказу, раней атрыманага зь Міністэрства адукацыі. Прынцыповае адрозьненьне заключаецца ў адной фразе: “Сустрэча была разавай…”.