Сяргей Рыжоў арыштаваны на 15 сутак
Судзьдзя Першамайскага райсуду Натальля Карабліна прызнала Сяргея Рыжова вінаватым у хуліганстве і непадпарадкаваньні міліцыянтам — супрацоўнікам выцьвярэзьніку 16 лістапада мінулага году. Сам палітык настойвае, што ў выцьвярэзьніку яго зьбівалі, а потым сфабрыкавалі справу пра непадпарадкаваньне.
Дырэктар ААТ «Полацак-Шкловалакно» ня хоча спрачацца з рабочымі
У працоўным калектыве «Полацак-Шкловалакна» ўзьнікла калектыўная працоўная спрэчка. Частка рабочых ня згодная з асобнымі нормамі калектыўнай дамовы. Пасьля шэрагу працэдур, прадугледжаных Працоўным кодэксам, працоўныя накіравалі дырэктару патрабаваньне «зьмяніць незаконныя нормы калектыўнай дамовы». Паводле ўказу прэзыдэнта наймальнік абавязаны быў цягам трох дзён з дня ўзьнікненьня працоўнай спрэчкі з рабочымі паведаміць пра яе ў Дэпартамэнт аховы працы – але гэтага не адбылося.
Пасьля пратэстаў прадпрымальнікаў рынак у Гарадку аднаўляе сваю працу
З 10 студзеня аднаўляецца праца рынку ў Гарадку. Гэта рашэньне было прынятае напярэдадні, пасьля сустрэчы прадпрымальнікаў з уладамі у Гарадоцкім райвыканкаме. У сустрэчы ўзялі ўдзел старшыня Віцебскага аблсавету Аляксандар Ацясаў, старшыня Гарадоцкага райвыканкаму Васіль Муранкоў і старшыня Віцебскага аблспажыўсаюзу Аляксандар Шынкарэнка.
Генэрал-маёр Ігар Яўсееў урачыста адкрыў новы міліцэйскі пастарунак у Віцебску
Надоечы адбылося ўрачыстае адкрыцьцё грамадзкага пункту аховы правапарадку №4 у Кастрычніцкім раёне Віцебску. Ён разьмяшчаецца на вуліцы Гагарына, насупраць адміністрацыйнага будынку ААТ «Кераміка». Гэты мікрараён - адзін з самых небясьпечных у абласным цэнтры, таму міліцэйскі «пляцдарм» у непасрэднай блізкасьці ад Себяхоў стане дадатковым гарантам падтрыманьня правапарадку на гэтай тэрыторыі.
У прадпрымальніка канфіскавалі тэхніку коштам больш як 400 мільёнаў рублёў
Супрацоўнікамі Аршанскага міжраённага аддзелу фінансавых расьсьледаваньняў Камітэту дзяржаўнага кантролю па Віцебскай вобласьці затрыманы грузавы аўтафургон, у якім перавозілася бытавая тэхніка. Жыхар Менскай вобласьці, які знаходзіўся за стырном аўтамабіля, ня змог прад’явіць на тавар (мультываркі, фотаздымачы, электрачайнікі і інш.) суправаджальныя дакумэнты, аформленыя належным чынам. Бытавая тэхніка (усяго - 93 адзінкі) коштам больш за 400 млн. рублёў арыштаваная і канфіскаваная.
У Гарадку затрымалі актывіста партыі БНФ Леаніда Аўтухова
У Гарадоцкім РАУС Леаніду Аўтухову паказалі ліст за подпісам “Ананім”, дзе гаварылася, што ён рыхтуе ў райцэнтры акцыю пратэсту. Кіраўніка арганізацыі партыі БНФ па Віцебскай вобласьці пратрымалі ў пастарунку тры гадзіны – пакуль ня зьехала абласное начальства, якое прыяжджала сустракацца зь незадаволенымі мясцовымі прадпрымальнікамі.
Маладафронтаўца адлічаюць з каледжу за палітычную дзейнасьць
Сябра “Маладога Фронту” Ўладзіслаў Макавецкі навучаецца ў Віцебскім тэхналягічным каледжы па спэцыяльнасьці “дэкаратыўна-прыкладное мастацтва”. Палітычнай дзейнасьцю Ўлад займаецца даўно і кіраўніцтва каледжу папярэджвала яго пра недапушчальнасьць “грамадзкай дзейнасьці”. Летась падчас традыцыйнай акцыі памяці герояў Слуцкага Збройнага Чыну ён прыняў прысягу “Маладога Фронту”. Празь некаторы час пасьля гэтага ў каледж прыйшлі невядомыя супрацоўнікі праваахоўных органаў у цывільным.
Фізрука каледжу да крыві зьбілі ў аддзяленьні па грамадзянству і міграцыі
Фізрука Віцебскага станкаінструмэнтальнага каледжу Васіля Ільніцкага зьбілі проста ў дзяржаўнай установе. Пасьля здарэньня пацярпелы зьвярнуўся ў Першамайскі РАУС, дзе атрымаў накіраваньне ў судмэдэкспэртызу. У траўмапункце яму наклалі швы і павязку.
«Гавары праўду» заклікае жыхароў Віцебску станавіцца кандыдатамі ў дэпутаты (відэа)
Лідзія Сагідуліна, каардынатар кампаніі «Гавары праўду» па Віцебскай вобласьці, зьвярнулася да грамадзян з заклікам стаць кандыдатамі ў дэпутаты мясцовых саветаў. Ахвотныя запрашаюцца далучыцца да каманды будучых кандыдатаў ад «Гавары праўду», якіх сёньня, паводле Лідзіі Сагідулінай, у рэгіёне ўжо некалькі дзясяткаў чалавек.
У Гарадку зачынілі рынак
Ад пачатку 2014 году не працуе рынак у Гарадку. Прыватныя прадпрымальнікі засталіся без працы. Гарадоцкі райспажыўсаюз не заключае дамоваў на працу на рынку па вул. Спартыўнай, а Гарадоцкая падатковая інспэкцыя не бярэ ад прыватнікаў адзінага падатаку.