Бацькі Ігара Аліневіча сустрэліся зь ім у калёніі “Віцьба-3”
Палітвязень Ігар Аліневіч, асуджаны на 8 гадоў зьняволеньня ва ўмовах узмоцненага рэжыму, сустрэўся з бацькамі ў калёніі “Віцьба-3″. Гэта было доўгатэрміновае спатканьне, але замест звычайных 3 сутак яно доўжылася толькі суткі.
Суд прызнаў незаконным зьмяшчэньне ў вар’ятню кіраўніка бараньскага рок-клюбу
Аляксандар Мухін, стваральнік і кіраўнік рок-клюбу Doors, быў вывезены псыхіятрычнай брыгадай з уласнага дому і два дні ўтрымліваўся ў ізаляцыі. За гэты час яму пасьпелі паставіць дыягназ, па Барані пайшлі чуткі пра ягонае, як высьветлілася, неіснуючае псыхічнае захворваньне, міліцыя пасьпела забраць паляўнічую стрэльбу, якая зьяўлялася сямейнай рэліквіяй, і быў дастаўлены шэраг іншых непрыемнасьцяў.
Андрэй Гайдукоў параўнаў умовы ўтрыманьня ў ЦІП Наваполацку з умовамі ў СІЗA
Сябра аргкамітэту па стварэньні партыі «Беларуская хрысьціянская дэмакратыя» Андрэя Гайдукова затрымлівалі за раздачу ўлётак 21 лістапада ў Наваполацку і 24 лістапада ў Полацку. 25 лістапада за адну з акцыяў яго асудзілі на 10 сутак, а пасьля, 5 сьнежня, яшчэ на 5 сутак. Актывіст распавёў правабаронцам новыя падрабязнасьці гэтых затрыманьняў і судоў, а таксама пра ўмовы ўтрыманьня ў Наваполацкім цэнтры ізаляцыі правапарушальнікаў.
Крамы Віцебшчыны ашукваюць пакупнікоў
Гандлёвыя аб’екты замест таго, каб адсочваць тавары па тэрмінах прыдатнасьці і своечасова ад іх пазбаўляцца, працягваюць прапаноўваць іх спажыўцу. Супрацоўнікі тэрытарыяльнага аддзелу кантролю гандлёвай інспэкцыі па Віцебскай вобласьці Міністэрства гандлю Беларусі ў кастрычніку-лістападзе праверылі 57 аб’ектаў гандлю і грамадзкага харчаваньня.
У Віцебску зачысьцілі стыхійны гандаль
Блышыны кірмаш, які ў Віцебску утварыўся насупраць Полацкага рынку каля дому №12 на рагу вуліц Цітова і Лякаматыўнай, зачышчаны і пустуе. У нядзелю, 21 сьнежня, на ўскрайку звычайнай пляцоўкі таўкучкі заставаліся толькі з паўтара дзясятка самых трывалых бабуль. Яны прадавалі зь зямлі салёныя агуркі і квашаную капусту. Таксама за шапікам ля прыпынку хавалася пара прадавачак шчанюкоў і кацянят.
Праваабаронца Леанід Сьвецік: Трэба вырашаць праблему страхаваньня жыцьця і здароўя зьняволеных
Віцебскі праваабаронца Леанід Сьвецік зьвярнуўся ў Палату прадстаўнікоў Нацыянальнага сходу Рэспублікі Беларусь з прапановай разгледзець пытаньне пра страхаваньне жыцьця і здароўя зьняволеных (асуджаных). Дэпутаты пераслалі прапанову праваабаронцы ў Дэпартамэнт выкананьня пакараньняў і Міністэрства фінансаў, адкуль прыйшлі адказы, зь якіх вынікае, што дзяржаўныя органы не зацікаўленыя ва ўвядзеньні абавязковага страхаваньня жыцьця і здароўя тых, хто знаходзіцца ў месцах пазбаўленьня волі.
Чарговы штраф за фота з птушкамі і клеткамі: 25 базавых велічынь Паўлу Левінаву (відэа)
17 сьнежня ў Чыгуначным райсудзе Віцебску завяршыўся апошні судовы працэс над удзельнікамі фотасэсіі «з клеткамі і птушкамі». Судовы працэс над Паўлам Левінавым вяла судзьдзя Алена Цыганкова. Паводле яе рашэньня, Павал Левінаў мусіць выплаціць штраф у памеры 25 базавых адзінак — 3 мільёны 750 тысяч рублёў.
Старшыня раённага суду прызнала скаргу апазыцыянэра абгрунтаванай
Сябра партыі КХП-БНФ Ян Дзяржаўцаў пакінуў запіс у кнізе заўвагаў і прапановаў суду Чыгуначнага раёну Віцебску. Ён паскардзіўся на парушэньне працэсуальных нормаў судзьдзёй Аленай Цыганковай, якая не пусьціла яго на адкрытае судовае паседжаньне. Вынік: скарга прызнаная абгрунтаванай. У выпадку паўторнага такога парушэньня з боку судзьдзі яна будзе прыцягнутая да адказнасьці, паабяцала партыйнаму актывісту старшыня суду Раіса Лупянкова.
Пракуратура выявіла парушэньні ў дзейнасьці прадпрыемстваў АПК у пэрыяд уборачнай кампаніі
Як паведамляе Генэральная пракуратура Беларусі, органамі пракуратуры Віцебскай вобласьці выяўленыя парушэньні заканадаўства ў дзейнасьці прадпрыемстваў аграпрамысловага комплексу ў пэрыяд уборачнай кампаніі. Вынікі наглядных праверак сьведчаць пра тое, што кіраўнікамі сельскагаспадарчых прадпрыемстваў не прымаліся вычарпальныя меры па забесьпячэньні захаванасьці ўласнасьці, спыненьні безгаспадарчасьці, выкананьні правілаў аховы працы і працоўнай дысцыпліны.
На ААТ «Нафтан» вырашылі зэканоміць на малацэ за шкоднасьць
З 1 студзеня 2015 году работнiкам, якiя працуюць у шкодных і небясьпечных умовах на ААТ «Нафтан», малако будзе выдавацца толькі ў дзень працы. Таксама нельга будзе выносіць малако за межы прадпрыемства.