Полацкія ўлады праігнаравалі котку ў плавільнай печы
Справа тычылася інцыдэнту на ААТ «Полацак-Шкловалакно»: актывісты хацелі атрымаць ад уладаў абгрунтаваны адказ, ці насамрэч на загад кіраўніцтва аднаго з цэхаў у плавільнай печы жыўцом спалілі котку з кацянятамі.
У Воршы ловяць футбольных фанатаў за марш па цэнтры гораду
16 лістапада ў Воршы адбыўся футбольны матч паміж клюбамі “Ворша” і “Крумкачы”. Перад матчам мясцовыя фанаты групай прайшлі ад будынку езуіцкага калегіюму да стадыёну. Яны несьлі банэр і палілі фаеры. Як піша сайт belultras.by, пасьля таго, як інфармацыя пра шэсьце зьявілася ў СМІ, міліцыя ацаніла яго як несанкцыяванае шэсьце з элемэнтамі палітыкі.
За журналісцкую фотасэсію ў Віцебску — штрафы ад 2,7 да 3 мільёнаў рублёў
28 лістапада ў судзе Чыгуначнага раёну Віцебску адбыліся слуханьні адміністрацыйных справаў журналістаў, якія сфатаграфаваліся на фоне гарадзкога графіці напярэдадні 5 лістапада. Зьміцер Казакевіч і Алена Сьцяпанава атрымалі штрафы ў 20 базавых велічыняў кожны (3 мільёны беларускіх рублёў), а Алена Шабуня - 18 базавых за парушэньне артыкулу 23.34 КаАП (парушэньне парадку арганізацыі альбо правядзеньня масавых мерапрыемстваў).
Тацьцяна Севярынец: Працы непачаты край
Апошнім часам у стужцы навін усё часьцей згадваецца кампанія «За якасную мэдыцыну ў Віцебску». Актывістка кампаніі, сустаршыня аргкамітэту па стварэньні партыі «Беларуская хрысьціянская дэмакратыя» Тацьцяна Севярынец распавяла карэспандэнту «Дыялёгу» пра тое, як узьнікла ідэя правядзеньня гэтай кампаніі, і пра дзейнасьць, што ладзіцца ў яе межах.
У Воршы сабралі 600 подпісаў “За годнае мэдычнае абслугоўваньне”
Больш за 600 жыхароў Воршы паставілі свае подпісы пад патрабаваньнем да Аршанскага райвыканкаму выканаць дзяржаўныя сацыяльныя стандарты ў галіне аховы здароўя ў адпаведнасьці з артыкулам 9 Закону РБ №322-З ад 11.11.2009 г. “Аб дзяржаўных мінімальных стандартах”, паведаміў пра хаду кампаніі “Народны кантроль” каардынатар аргкамітэту БХД Яўген Анішчанка.
Дзяржаўнае радыё «Віцебск»: «Песьні па-беларуску мы ня ставім»
Тое, што большасьць беларускіх радыёстанцыяў лічаць кампазыцыі жорсткім нефарматам толькі за тое, што яны прасьпяваныя на беларускай мове, пацьвердзілася чарговы раз. Музычны рэдактар радыёстанцыі Дар’я Пацехіна адкрыта заявіла, што песьні на беларускай мове не ратуюцца ў іх этэры.
У Шаркоўшчынскім раёне ўзаралі месца з магіламі ахвяр гета
У Шаркоўшчынскім раёне ўзаранае месца з пахаваньнямі ахвяр гета. Іх забілі ў Другую сусьветную вайну падчас уцёкаў. Ніякага знака на пахаваньнях не было, але мясцовыя жыхары ведалі пра трагедыю і на тым месцы стараліся не касіць і не пасьвіць жывёлу. Гады чатыры таму мясцовае сельгаспрадпрыемства імя Маркава ўзарала гэты ўчастак зямлі. Гэтым летам тут пасьвілі быдла.
У 2014 годзе істотна павялічыўся прыток замежных грамадзян у Віцебскую вобласьць
У Віцебскай вобласьці сёлета зарэгістравана на 2 тысячы замежных грамадзян больш, чымся за аналягічны пэрыяд 2013 году, і на тысячу замежнікаў больш атрымалі пасьведчаньні на жыхарства. Такія дадзеныя агучыла начальнік упраўленьня па грамадзянстве і міграцыі УУС аблвыканкаму Тацьцяна Рамашова падчас круглага стала “Узаемадзеяньне БТЧК зь дзяржаўнымі органамі па аказаньні дапамогі затрыманым мігрантам”, які праходзіў у Віцебску.
Беларуская асацыяцыя журналістаў і Эўрапейская фэдэрацыя журналістаў пратэстуюць супраць перасьледу калег у Віцебску
Напярэдадні 5 лістапада, Сусьветнага дня “Станем за журналістыку”, група віцебскіх сябраў ГА “БАЖ” сфатаграфавалася на фоне будынку зь вядомым гарадзкім графіці – выявамі клетак, зь якіх вылятаюць зробленыя з газэты птушкі. Цяпер удзельнікаў фотасэсіі выклікаюць у Чыгуначны РАУС Віцебску, складаюць пратаколы за ўдзел у несанкцыянаванай акцыі (арт. 23.34 КаАП) і зьбіраюцца судзіць. Эўрапейская фэдэрацыя журналістаў і яе сябра – ГА “Беларуская асацыяцыя журналістаў” – лічаць абсурднымі выстаўленыя віцебскім калегам абвінавачаньні.
У Віцебску адмоўлена ў правядзеньні пікету за якасную мэдыцыну
У Віцебску гарадзкія ўлады адмовілі ў правядзеньні пікету 30 лістапада «За якасную мэдыцыну» ў горадзе. Заяўку 12 лістапада ў межах кампаніі «Народны кантроль» падалі прадстаўнікі «Беларускай хрысьціянскай дэмакратыі». Афіцыйная прычына адмовы – адсутнасьць дамоваў з камунальнымі, мэдычнымі і праваахоўнымі службамі па забесьпячэньні прыборкі і аховы пікету.