Сябры партыі “Справядлівы сьвет” правялі ў Віцебску чарговы перадвыбарчы пікет
За асноўныя мэты мерапрыемства пікетоўцы ўзялі азнаямленьне гараджанаў з партыйнымі вылучэнцамі і збор подпісаў для рэгістрацыі кандыдатаў у дэпутаты. Пікет праходзіў у прасторы паміж прыпынкам грамадзкага транспарту і гандлёвым цэнтрам “Марка-Сіці”.
Замест словаў падзякі – штраф памерам у пяць базавых велічыняў
Суд Віцебскага раёну аштрафаваў кіраўніка грамадзянскай ініцыятывы “Хайсы” Яна Дзяржаўцава за самавольнае пахаваньне парэшткаў ахвяраў сталінскіх рэпрэсіяў. Чалавечыя косткі, якія ён нібыта незаконна пахаваў, былі знойдзеныя ў лесе пасьля працы 52-га пошукавага батальёну.
Пратэст ад імя рабочых у Міністэрстве працы
Прадстаўнікі Беларускага кангрэсу дэмакратычных прафсаюзаў (БКДП) на знак пратэсту пакінулі паседжаньне Савету пры Міністэрстве працы. Пра падзею распавёў намесьнік старшыні Свабоднага прафсаюзу Беларускага па Віцебскай вобласьці Мікола Шарах.
Пайшоў з жыцьця віцебскі журналіст Уладзімер Жыгулоў
У ноч на 20 сьнежня на 79-м годзе жыцьця памёр вядомы журналіст Уладзімер Жыгулоў.
У Германавічах аднавіліся набажэнствы ў стараверскай царкве
Пасьля доўгага, амаль 15-гадовага перапынку ў аграгарадку Германавічы (Шаркоўшчынскі раён) адноўленая служба ў Сьвята-Ўсьпенскай стараверскай паморскай царкве. 17 сьнежня адбылося ўрачыстае адкрыцьцё і асьвячэньне гэтага храму.
Школьнае харчаваньне ў Полацку: парушэньні выяўленыя на ўсіх правераных аб’ектах
У Камітэце дзяржаўнага кантролю Віцебскай вобласьці агучылі вынікі праверкі ААТ «Полацак-гандаль», якое абслугоўвае ў Полацку 15 установаў адукацыі – амаль 8,5 тысячы чалавек.
Выбары ў Віцебску: папярэдняя статыстыка
Прайшоў ужо месяц ад пачатку выбарчай кампаніі па выбарах дэпутатаў у мясцовыя заканадаўчыя органы ўлады. Таму можна падвесьці прамежкавыя вынікі і даць агульную карціну бягучага моманту падрыхтоўкі да выбараў “слугаў народу” ў Віцебску.
Касьцюшка ў Віцебску. У краязнаўчым музэі адкрылася выстава да 200-годзьдзя з дня сьмерці героя
У Віцебскім абласным краязнаўчым музэі 19 сьнежня адкрылася гістарычная выстава “Тадэвуш Касьцюшка: цана свабоды”. У межах экспазыцыі дэманструюцца 24 пляншэты з фотаздымкамі дакумэнтаў і мастацкіх прац, прысьвечаных нашаму выбітнаму земляку. Спазнаць цану свабоды паводле Касьцюшкі каштуе ўсяго 1 рубель (кошт квітка) для дарослых і 50 капеек – для дзетак і студэнтаў.
Доктару Ігару Пастнову пагражае абмежаваньне волі або арышт за абразу пракурора
27 лістапада Сьледчы камітэт па Віцебскай вобласьці распачаў крымінальную справу паводле артыкулу 369 КК (публічная абраза прадстаўніка ўлады ў сувязі з выкананьнем ім службовых абавязкаў) супраць вядомага грамадзкага актывіста, сябра стваранага міжнароднага грамадзкага аб'яднаньня «За сумленную ўладу», псыхіятра-нарколяга Ігара Пастнова.
Сьмецьцевы палігон пад Віцебскам будзе дзейнічаць да 2025 году – як мінімум
Палігон цьвёрдых камунальных адкідаў пад Віцебскам (в. Агароднікі) будзе выкарыстоўвацца яшчэ як мінімум 8 гадоў. Гэта вынікае з адказу ўпраўленьня ЖКГ Віцебскага аблвыканкаму на калектыўны зварот жыхароў Віцебску наконт будаўніцтва сьмецьцесартавальнага заводу на пляцоўцы палігону. Адказ быў дасланы віцебскай актывістцы і каардынатарцы БХД Тацяне Севярынец.