У Віцебску ствараюць «партыю прыхільнікаў кіраўніка дзяржавы»
Так ахарактарызаваў працэс заснавання партыі «Белая Русь» Уладзімір Цярэнцьеў, старшыня Віцебскага абласнога Савета дэпутатаў і кіраўнік абласной структуры аднайменнай грамадскай арганізацыі, якая цяпер трансфармуецца ў палітычную супольнасць.Зараз у Віцебскай вобласці праводзяць устаноўчыя сходы па вылучэнні дэлегатаў на агульнарэспубліканскі сход у Менску, які адбудзецца 18 сакавіка дзеля заснавання «Беларускай палітычнай партыі «Белая Русь».
Улады Віцебскай вобласці працягваюць рэпрэсаваць сваіх апанентаў
У бягучым годзе, судовыя ўлады Віцебскага рэгіёну працягнулі прымаць рэпрэсіўныя пастановы ў дачыненні да грамадзян, якія выказвалі свае думкі ў сацыяльных сетках і тэлеграм-каналах. За студзень месяц 15 чалавек былі падвергнуты рознымі відамі адміністрацыйных санкцый, а менавіта арыштамі, штрафамі і прымусовымі працамі.
«Досыць, трэба спыняць гэтую грамадзянскую вайну!» Апошняе слова Алеся Бяляцкага
На судзе над кіраўнікамі праваабарончага цэнтра «Вясна» Алесь Бяляцкі, Валянцін Стэфановіч і Уладзімір Лабковіч выступілі з апошнімі словамі. Асаблівая ўвага прыцягнутая да прамовы нобелеўскага лаўрэата 2022 года Алеся Бяляцкага, якую мы публікуем ніжэй.
Палітвязня Яўгена Рубашку змясцілі ў памяшканне камернага тыпу
Анархіста Яўгена Рубашку, які родам з Глыбокага, і якога ў красавіку 2022 года асудзілі да пяці гадоў пазбаўлення волі, змясціла ў памяшканне камернага тыпу (ПКТ) на месяц. Ён адбывае сваё пакаранне ў бабруйскай калоніі № 2. Да гэтага хлопца тройчы змяшчалі ў ШІЗА на 10, 7 і 7 сутак за надуманыя парушэнні правілаў унутранага распарадку.
Гісторыя супрацоўніка новаполацкага «Нафтана», якога судзяць за «здраду дзяржаве»
Калісьці былы юрысконсульт «Нафтана» Аляксандр Капшуль дапамагаў прадпрыемству выйграваць спрэчкі з іншымі кампаніямі, цяпер жа ён абвінавачваецца ў здрадзе дзяржаве — за дапамогу завадчанам. Паўтара месяца таму ён абвясціў галадоўку ў ізалятары. Расказваем гісторыю актывіста, якога пасля ўцёкаў «вяртаў» КДБ. Пра гэта піша “Наша ніва”.
Віцяблян папярэдзілі пра вучэнні на палігоне «Лосвіда». Праз 4 месяцы ад пачатку
З восені мінулага году на палігоне вайсковай часткі 52287 размясціліся падраздзяленні вайскоўцаў з Расеі, якія прыбылі ў Беларусь на супольныя вучэнні. Наяўнасць расейскіх салдат у прыгараднай зоне ўжо даўно не з’яўляецца сакрэтам для віцяблян: людзей у чужой вайсковай форме можна сустрэць у горадзе, яны ходзяць па крамах, звяртаюцца ў мясцовыя паліклінікі, дый практычна любы таксіст раскажа, што вазіў на Лосвіда «у госці» расейскіх сваякоў, якія прыязджаюць адведаць вайскоўцаў.
Як палітзняволеные адбываюць пакаранне у папраўчай калоніі №3 «Віцьба»
Папраўчая калонія № 3 у гарадскім пасёлку Віцьба Віцебскага раёна лічыцца самай "элітарнай" у Беларусі. Там адбываюць тэрміны высокапастаўленыя службоўцы, пракуроры, суддзі і міліцыянты. Але пасля падзей 2020 года гэтая калонія, як і астатнія, напоўнілася палітвязнямі, якіх там зараз каля сотні.
У Полацку запрацуе «Прыёмная грамадскай супольнасці». Хто ж будзе прадстаўляць «грамадскасць»?
Полацкі райвыканкам абвясціў аб стварэнні першай у Беларусі «Прыёмнай грамадскай супольнасці». Але наіўна было б меркаваць, што грамадскую супольнасць увасобяць прадстаўнікі простага народу, шэраговыя палачане. Прыём будуць праводзіць прадстаўнікі пяці праўладных грамадскіх утварэнняў: Федэрацыі прафсаюзаў, РГА «Белая Русь», БРСМ, Беларускага грамадскага аб’яднання ветэранаў і Беларускага саюзу жанчын. Асобнае пытанне – каго чакаюць на такіх прыёмах і з якой мэтай?
У Віцебску стварылі абласны медыяцэнтр, каб вучыць журналістаў «правильно транслировать информацию»
Медыяцэнтр урачыста адчынілі 10-га лютага ў памяшканні рэдакцыі абласной газеты «Витебские вести». У ліку запрошаных былі міністр інфармацыі Уладзімір Пярцоў, старшыня ГА «Белорусский союз журналистов» Андрэй Крывашэеў, прадстаўнікі абласных, гарадскіх і раённых уладаў. І ўсе яны, кожны на сваім узроўні, выказвалі спадзяванні, што медыяцэнтр паспрыяе ідэалагічнаму выхаванню жыхароў Віцебшчыны і навучыць журналістаў трансляваць інфармацыю такім чынам, каб задаволіць густы яе спажыўцоў, якія ўжо даўно не вераць дзяржаўнай прэсе.
Затрыманага ў Расіі беларускага псіхолага прывезлі ў віцебскі следчы ізалятар
Жыхар Воршы 43-гадовы палітвязень Андрэй Рускіх, якога расейская паліцыя затрымала ў маі 2022 года ў Санкт-Пецярбургу, будзе знаходіцца ў СІЗА №2 Віцебска пакуль пройдуць следства і судовы разгляд ягонай крымінальнай справы. Улады вінавацяць Андрэя ў абразе А. Лукашэнкі (артыкул 368 КК Беларусі) і «распальванне варожасці» (артыкул 130 КК Беларусі).