Аднак толькі цяпер з’явіліся афіцыйныя папярэджанні пра тое, што «на тэрыторыі палігона штодзень праходзяць баявыя стрэльбы, запускі ракет, падрыўныя работы, рух вайсковых машынаў і іншыя небяспечныя для жыцця і здароўя чалавека мерапрыемствы падрыхтоўкі войск».

Інфармацыю пра забарону набліжацца да палігону распаўсюдзілі дзяржаўныя СМІ, а таксама вайскоўцы робяць адмысловыя аб’езды рэгіёну і папярэджваюць пра небяспеку жыхароў бліжэйшых вёсак. Дарэчы, самы блізкі да палігону населены пункт Бліны месціцца ўсяго за 0, 3 км ад месца, дзе можна трапіць «пад абстрэл».

З таго, што вядома пра вучэнні на Лосвіда практычна кожнаму віцябляніну: вайскоўцы жывуць у вялікіх намётах, якіх больш за 100 шт., сюды дастаўлена каля 50 адзінак грузавой тэхнікі. Насельнікі райцэнтру Гарадок ( палігон знаходзіцца на памежжы Віцебскага і Гарадоцкага раёнаў) перыядычна калоны вайскоўцаў, а таксама браніраваную тэхніку.

Мясцовыя жыхары незадаволеныя тым, што яны не могуць прагуляцца па лесе з-за таго, што вучэнні зацягнуліся ўжо на 4 месяцы. А вайсковае кіраўніцтва падазрае, што знойдуцца ахвотныя сфатаграфаваць ці зняць на відэа тое, чым займаюцца расейскія вайскоўцы ў Беларусі, і зрабіць высновы пра тое, ці не вядзецца на палігоне Лосвіда падрыхтоўка да непасрэдных вайсковых дзеянняў.

Таццяна Крывец