У рэгіянальным медыяцэнтры 7 лютага прайшоў інтэнсіў «Я – валанцёр адзінага дня галасавання!», у якім прынялі ўдзел 30 сябраў руху «Добрае Сэрца» БРСМ Віцебскай вобласці. Маладыя людзі абмеркавалі, што яны збіраюцца рабіць, знаходзячыся падчас галасавання на выбарчых участках. Аднак, ніякіх валанцёраў на ўчастках для галасавання дзейным беларускім выбарчым законам не прадугледжана. А тое, што не дазволена гэтым заканадаўчым актам, тое забаронена.

Сустрэча з Уладзімірам Бабічавым праводзілася ў нядаўна адкрытай Медыяларабараторыі – яе прэзентавалі як «творчую прастору для моладзі, якая цікавіцца журналістыкай і блогасферай». Ні да аднаго, ні да другога Ўладзімір Бабічаў дачынення не мае, але для будучых журналістаў і блогераў-пачаткоўцаў ён мусіў стаць «запрошанай зоркай». Менавіта ў такім ключы падае інфармацыю аб сустрэчы абласная газета «Витебские вести»: «Владимир Бабичев разрушил стереотипы о молодежи и выборной кампании, а также раскрыл свои секреты успеха». Якога ж поспеху ў жыцці дасягнуў гэты малады чалавек, якога выдаюць за ўзор для моладзі?

Паводле супрацоўніка інспекцыі па справах непаўналетніх Бешанковіцкага РАУС Аляксандра Мамойкі, у рэгіёнах супрацоўнікам міліцыі загадана праглядаць сацыяльныя сеткі не толькі на прадмет «экстрэмізму», але і шукаць прыхільнікаў моладзевых субкультур. Асабліва пільна сочаць міліцыянты за развіццём падзеяў вакол «ЧВК Родан» – супольнасці аматараў анімэ Hunter x Hunter, а таксама за групоўкамі футбольных фанатаў. І хаця ў правінцыйных Бешанковічах пра супрацьстаянне гэтых субкультур вядома толькі са СМІ, мясцовыя «эксперты», як іх назвала мясцовая «раёнка», спрабуюць папярэдзіць скандальныя інцыдэнты.

Старэйшае пакаленне віцяблян памятае, як за савецкім часе ў піянеры ці ў камсамол прымалі каля помніка Леніну. Старая камуністычная завядзёнка ладзіць казённыя ўрачыстасці расквітнела ў Віцебску новымі фарбамі: цяпер у БРСМ прымаюць у абласной управе міліцыі. І не проста ў афіцыйным будынку, а ў «сэрцы сэрцаў» міліцэйскай управы, як выказаўся начальнік аддзела ідэалогіі МУС аблвыканкаму  Дзмітрый Пугачоў, – у профільным міліцэйскім музеі. Сюды прывезлі старшакласнікаў з пасёлка Должа, і сямёра з іх атрымалі білеты чальцоў праўладнай моладзевай структуры.

Полацкі райвыканкам абвясціў аб стварэнні першай у Беларусі «Прыёмнай грамадскай супольнасці». Але наіўна было б меркаваць, што грамадскую супольнасць увасобяць прадстаўнікі простага народу, шэраговыя палачане. Прыём будуць праводзіць прадстаўнікі пяці праўладных грамадскіх утварэнняў: Федэрацыі прафсаюзаў, РГА «Белая Русь», БРСМ, Беларускага грамадскага аб’яднання ветэранаў і Беларускага саюзу жанчын. Асобнае пытанне – каго чакаюць на такіх прыёмах і з якой мэтай?

У Віцебскай вобласці для больш за тысячы юнакоў і дзяўчат, сябраў Саюза моладзі, з 14 снежня возьмуць удзел у адукацыйная праграме для моладзевых атрадаў аховы правапарадку (МААП). Работнікі ўнутраных спраў адміністрацыі Кастрычніцкага РАУС Віцебска ўжо прыступілі да навучання групы моладзі асновам рукапашнага бою, мерам бяспекі ў патруляванні горада і алгарытмам паводзін пры затрыманні і дастаўцы ў аддзяленне ўнутраных спраў ўдзельнікаў вулічных пратэстаў. Такім чынам з моладзі ўлады пачалі рыхтаваць групы лаялістаў, якія змогуць дапамагаць сілавікам змагацца з пратэстамі і пратэстоўцамі.

Апошнім часам віцебскімі ўладамі вядзецца мэтанакіраваная праца па стварэнні моладзевых ваенізаваных структур афіляваных з дзейным палітычным рэжымам. Часткай гэтага працэсу трэба лічыць праведзены 26 лістапада злёт мілітарыстаў Віцебшчыны "Хто, калі не мы!". 

Бетонны бюст вырабу 1969г. з’явіцца каля паліклінікі №4, якая носіць імя Леніна. Калісьці падобны артаб’ект тут ужо быў, але ўночы з 4 на 5 жніўня 1994-га году яго пашкодзілі невядомыя асобы. Аднаўляць бюст не сталі, бо ідэі правадыра сусветнага пралетарыяту, дый памяць пра яго самога ўжо не ўяўляліся абсалютнымі каштоўнасцямі на мяжы ХХ і ХXІ стагоддзяў. І вось больш як праз 25 гадоў мясцовыя ўлады вырашылі, што Ленін каля паліклінікі ягонага імя проста неабходны. Меркаваннямі гараджан, як і зазвычай, улады не пацікавіліся.

Даўно адышлі ў мінулае камсамольскія вяселлі, калі сямейную ўрачыстасць спрабавалі замяніць чымсьці  больш адпаведным для "будаўнікоў камунізму". Але на Аршанскім мяса-кансервавым камбінаце вырашылі запачаткаваць новую традыцыю ў падобным стылі. Навабранцу Дзмітрыю Малашэўскаму зладзілі праводзіны ў войска з удзелам адміністрацыі прадпрыемства і прадстаўнікамі БРСМ. Мяркуючы па тым, што імпрэза сталася нагодай для артыкула ў абласной газеце,  арганізатары прэтэндуюць на арыгінальнасць і... "галачку" у графе" патрыятычнае выхаванне моладзі".

У парушэнне дзейнага заканадаўства ўлады Віцебскай вобласці прыцягнулі значную колькасць маладых людзей да выканання сельскагаспадарчых работ. Больш за 2,2 тыс. студэнтаў і навучэнцаў прымусова ўдзельнічаюць у зборы агародніны і садавіны, уздыме лёну і іншых складаных і цяжкіх работах. Вяртанню да практыкаў прыцягнення маладзі да працы ў вёсцы энергічна спрыяе Віцебскі абласны камітэт БРСМ.