ДАПАМОГА АЛЯКСАНДУ КОРНЫШАВУ НА ПЕРЫЯД РЭАБІЛІТАЦЫІ ПАСЛЯ АПЕРАЦЫІ
Аляксандр - журналіст незалежных СМІ і грамадскі дзеяч, да ягоных блізкіх прыходзяць з ператрусамі, а нядаўна ён быў уключаны ў «экстрэмісцкі спіс» МУС. Яму ўдалося выехаць ва Украіну, пасля вайны - у Польшчу, і пасля тэрміновай рэлакацыі яго здароўе пагоршылася. Урачы паставілі страшны дыягназ: некроз галоўкі тазасцегнавых суставаў. Мужчына прыкаваны да інваліднай каляскі, і адзінае лячэнне - поўная замена суставаў. Падтрымку трэба дасылаць сюды.
У Оршы стварылі «Дэпутацкі клуб»
Структура з няяснымі задачамі і невыразнымі паўнамоцтвамі правяла першае пасяджэнне. Тэмай было заяўлена «фармаванне актыўнай грамадзянскай пазіцыі насельніцтва Аршанскага раёна па пытаннях патрыятызму і захавання гістарычнай памяці». На першую сустрэчу запрасілі старшыняў Віцебскага аблвыканкама і Аршанскага райвыканкама, прадстаўнікоў праўладных грамадскіх арганізацый, а таксама «неабыякавых жыхароў раёна». Колькі такіх было, і хто персанальна трапіў у гэтую катэгорыю, застаецца загадкай.
Сумная статыстыка да Дня медыцынскіх работнікаў
На канец 2023-га ў Віцебскім рэгіёне працавала 5682 урача-спецыяліста (26,8% мужчыны і 73,2% жанчыны) і 14902 сярэдніх медыцынскіх работнікаў (4,0% мужчыны і 96,0% жанчыны). Аднак на 1 лютага 2024 г. у вобласці было адкрыта 646 вакансій для лекараў-спецыялістаў, г.зн. недахоп медыкаў з вышэйшай адукацыяй адстае ад неабходнай колькасці не менш як на 10%.
У Віцебскім рэгіёне міграцыйная абстаноўка застаецца напружанай
З пачатку бягучага года ў межах Віцебскай вобласці, работнікі міліцыі выявілі больш за дзе сотні парушэнняў міграцыйнага заканадаўства. У адносінах да замежных грамадзян, якія парушылі закон, улады прынялі адміністрацыйныя і крымінальныя меры пакарання.
За няяўку ў ваенкамат улады пакаралі студэнта адным годам пазбаўлення волі
Суддзя суда Кастрычніцкага раёна Ігар Белавус 16 красавіка за ўхіленне ад мерапрыемстваў прызыву на вайсковую службу (ч.1 арт.435 КК) прыгаварыў студэнта расейскага ВНУ Дзмітрыя Кукушкіна да аднаго года пазбаўлення волі з выпрабавальным тэрмінам у 1 год, абавязаў яго выканаць грамадска карысныя работы ў аб'ёме 50 гадзін і выплаціць у даход дзяржавы крымінальна-прававую кампенсацыю ў суме 1600 рублёў.
Спіс палітвязняў з Віцебскага рэгіёна папоўніўся трыма новымі прозвішчамі
Тры жыхары Віцебскай вобласці 14 чэрвеня праваабарончай супольнасцю былі прызнаныя палітвязнямі. Праваабаронцы лічаць недапушчальным пераслед грамадзян за рэалізацыю імі права на свабоду выказвання меркаванняў, і патрабуюць ад беларускіх уладаў спыніць крымінальны пераслед за падобныя дзеянні. За што ж былі пакараныя рэальнымі тэрмінамі пазбаўлення волі Сяргей Гнеўка, Уладзімір Кароткі і Сяргей Бельскі?
Віцебскія дзяржаўныя СМІ імкнуцца сфармаваць негатыўнае стаўленне да Літвы ў сваіх чытачоў
Нядаўнія праблемы на беларуска-літоўскай мяжы сталі тэмай для аўтарскага блогу журналісткі абласной газеты «Витебские вести» Алены Сыс. У сваім праекце «Другими словами» яна абурылася забаронай на ўвоз у Літву расійскай і беларускай сельскагаспадарчай прадукцыі, а таксама патрабаваннем літоўскіх памежнікаў не ўвозіць на тэрыторыю краіны беларускія харчовыя прадукты. Прыкры інцыдэнт вычарпаны – прадукты для асабістага карытанне ўвозіць больш не забараняюць, але журналістка працягвае абурацца.
Апытанне ў Гарадку: 40% ці каля 5000 жыхароў хочуць міграваць ці эміграваць
Прадстаўнікі аддзялення па Віцебскай вобласці Беларускага інстытута стратэгічных даследаванняў правялі апытанне 340 жыхароў Гарадка. Апытанне прайшло са значным гендэрным перакосам. У ім прынялі ўдзел 289 (85%) жанчын і 51 (15%) мужчын. Узрост рэспандэнтаў: 43% з іх ад 30 да 44 гадоў, 33% - ад 45 да 50. Яны занятыя яны ў розных сферах, былі ў тым ліку і непрацуючыя, але каля паловы - гэта прадстаўнікі сістэм аховы здароўя і адукацыі.
Улады пакаралі штрафам прызыўніка за адмову ехаць у войска
Суддзя суда Аршанскага раёна і Оршы Алеся Дранькова 28 траўня за няяўку ў ваенкамат для прызыву на службу аштрафавала на 400 рублёў мясцовага жыхара Аляксандра Бажкова.
У бягучым годзе 75% аб'ектаў дзяржуласнасці прададзены за 40 рублёў
За 5 месяцаў гэтага года Камітэтам "Віцебскаблмаёмасць" праведзена 49 выніковых аўкцыёнаў на суму 908 тыс. рублёў. У чэрвені камітэтам запланавана яшчэ 88 аўкцыёнаў па распродажы дзяржаўнай маёмасці. Найбольш запатрабаваныя былі аб'екты па цане 40 рублёў, г.зн. за адну базавую велічыню было 37 дзейсных аўкцыёнаў. Найбольшая колькасць аб'ектаў нерухомасці была прададзена ў Талачынскім, Верхнядзвінскім і Віцебскім рэгіёнах.