У судовым паседжанні было ўстаноўлена, што Зміцер у канцы траўня 2023 года атрымаў позву аб неабходнасці яўкі ў ваенны камісарыят у кастрычніку 2023 года для праходжання мерапрыемстваў па прызыве на вайсковую службу.

Аднак з мэтай ухілення ад мерапрыемстваў па воінскім прызыве летам 2023 года выехаў на тэрыторыю Расійскай Федэрацыі, дзе навучаўся ў адной з вышэйшых навучальных устаноў. Пры гэтым ваенкамат аб сваім месцазнаходжанні не апавясціў і ўважлівыя прычыны няяўкі не падаў.

Падчас судовага разбору малады чалавек віну не аспрэчваў, растлумачыўшы, што з'ехаў у Расію для навучання, ваенны камісарыят аб сваім месцазнаходжанні не апавяшчаў, мяркуючы, што яго навучанне дае яму права на адтэрміноўку службы ў войску.

Эма Галубец