Віцебскія бібліятэкі адмовіліся ад падпіскі на «Нашу Ніву», «Народную волю» і «БелГазету»
У Віцебскай абласной бібліятэцы імя Леніна адмовіліся ад падпіскі на гэтыя выданьні на 2014 год. Бібліятэкаркі кажуць, што гэта загад аблвыканкаму – абласнога ўпраўленьня ідэалягічнай працы, культуры і па справах моладзі. Прынамсі, так яны тлумачаць сытуацыю незадаволеным наведнікам, якія пытаюцца, куды падзеліся газэты.
Палова інвэстыцыйных праектаў у Віцебскай вобласьці - праблемныя
Гэта выявіў маніторынг, праведзены Камітэтам дзяржкантролю Віцебскай вобласьці. Усяго ў рэгіёне больш за сотню інвэстпраектаў. Іх пасьпяховае ўвасабленьне ў жыцьцё - гэта новыя вытворчасьці, працоўныя месцы, павелічэньне падатковых паступленьняў у бюджэт. Але 32 зь іх ня ўкладваюцца ў намечаныя тэрміны, а 14 і зусім не прасунуліся далей за падпісаньне дамоваў пра намеры.
Узбуджаная крымінальная справа аб зрыве тэрмінаў мадэрнізацыі «Віцебскдрэву»
За парушэньне тэрмінаў мадэрнізацыі ААТ «Віцебскдрэў» распачатая крымінальная справа, паведаміў генэральны пракурор Беларусі Аляксандар Канюк. Расьсьледаваньне гэтай справы ўжо распачатае, ідзе пракурорская праверка. Яна выявіць вінаватых у няўдалым абнаўленьні вытворчасьці, вызначыць суму нанесенай шкоды. Пракуратура вызначыць таксама, чаму мадэрнізаваны завод не запрацаваў ва ўстаноўленыя тэрміны.
Жыхары Мёраў абураюцца вайсковымі вучэньнямі
У Мёрах працягваюцца вайсковыя вучэньні. Дзеля іх правядзеньня вайскоўцам былі аддадзеныя спартовая школа і стадыён, на якіх усталявалі блёкпосты, у выніку чаго жыхары гораду ня могуць займацца спортам. Гэта выклікае вялікае незадавальненьне ў жыхароў Мёраў, кажа каардынатар аргкамітэту па стварэньні партыі «Беларуская хрысьціянская дэмакратыя» Багуслаў Мацук.
На Віцебшчыне закрыюць 15 школ і дзіцячы сацыяльны прытулак
У Віцебскай вобласьці сёлета плянуецца закрыць 15 школ. Яшчэ 30 устаноў адукацыі будуць рэструктурызаваныя. Таксама будзе зачынены дзіцячы сацыяльны прытулак у Сеньненскім раёне.
Палітык Сяргей Рыжоў уцёк за мяжу?
Пра свае ўцёкі ў Расею паведаміў сам віцебскі стваральнік незарэгістраванай Кансэрватыўна-хрысьціянскай партыі «Белая Русь» у артыкуле «Сіла ў праўдзе, брат», які разаслаў па інфармацыйных рэсурсах. Сяргей Рыжоў тлумачыць і сваё ранейшае зьнікненьне , пра якое яшчэ 15 студзеня паведамляў яго знаёмы лекар Ігар Пастноў. Тады Рыжову пагражаў арышт на 15 сутак, агучаны судзьдзёй Першамайскага райсуду Карабліной за хуліганства і непадпарадкаваньне супрацоўнікам выцьвярэзьніку 16 лістапада мінулага году.
У Полацку прайшоў пікет па зборы подпісаў
У Полацку прайшоў пакуль адзіны пікет па зборы подпісаў за вылучэньне кандыдата ў мясцовы савет дэпутатаў. Подпісы зьбіраліся за старшыню Свабоднага прафсаюзу заводу «Шкловалакно» Віктара Стукава. Пікет быў арганізаваны пры падтрымцы работнікаў заводу і заводзкай пяршоўкі Свабоднага прафсаюзу. Ладзілася мерапрыемства 5 лютага ў 17 гадзін у сквэры на праспэкце Францішка Скарыны каля капліцы памяці палачан, якія загінулі ў Афганістане.
Аляксандар Мікулін: Трэба мяняць сытуацыю
Сябра грамадзкага аб’яднаньня «Прававая дапамога насельніцтву» (Кіеў, Украіна) Аляксандар Мікулін, які балятуецца ў мясцовыя саветы дэпутатаў, запісаў відэазварот да жыхароў Віцебску. У сваім звароце праваабаронца патлумачыў, навошта ён ідзе ў дэпутаты: «Для чаго я іду? Адказ вельмі просты: Я хачу жыць па-іншаму».
Колькасьць насельніцтва Віцебшчыны працягвае зьмяншацца
Паводле стану на 1 студзеня 2014 г. колькасьць насельніцтва Віцебскай вобласьці склала 1 млн. 202,2 тысячы чалавек. За мінулы год колькасьць жыхароў Віцебшчыны зьменшылася на 5,8 тысяч чалавек, што супастаўна з насельніцтвам невялікага райцэнтру, напрыклад Расонаў або Ўшачаў.
Доктару Ігару Пастнову не ўдалося спагнаць 3 тысячы эўра з райвыканкаму
Кастрычніцкі райсуд Віцебску не задаволіў скаргу лекара на забарону пікету-рэквіему супраць міліцэйскага гвалту. Судзьдзя Алена Папкова вырашыла, што Кастрычніцкая раённая адміністрацыя мела рацыю, забараніўшы акцыю Ігара Пастнова, якую ен зьбіраўся правесьці летась у сьнежні.