Цягам двух дзён, 27 і 28 траўня, у «Эўрапейскім клюбе» народныя майстры, краязнаўцы, грамадзкія дзеячы прэзэнтавалі свае набыткі ўдзельнікам і гасьцям мерапрыемства. Канфэрэнцыя пад назвай «Гістарычныя традыцыі Віцебскай вобласьці. Патэнцыял для разьвіцьця» адбылася дзякуючы ініцыятыве Віцебскага грамадзкага аб’яднаньня «Самакіраваньне і грамадзтва».

У нядзелю, 28 лютага, у Віцебску адбылася справаздачна-выбарная канфэрэнцыя абласной арганізацыі партыі БНФ. Партыйцы выбралі новы склад абласной рады. Яе новым старшынём стаў Кастусь Смолікаў, кандыдатуру якога сябры рады падтрымалі адзінагалосна.

У Наваполацку прадстаўнікі палітычных партыяў і дэмакратычных грамадзкіх арганізацыяў падалі заяўку на правядзеньне пікету ў Дзень Волі, 25 сакавіка. Мэта пікету - патрабаваньне ад уладаў Беларусі неадкладнага вызваленьня палітвязьняў.