6 траўня актывісты кампаніі “Вясны” “За чыстае паветра ў Наваполацку” Зьміцер Салаўёў і Тацяна Мастыкіна зьбіралі подпісы за мадэрнізацыю ачышчальных збудаваньняў на хімічным заводзе “Палімір”. Пасьля збору подпісаў актывісты накіраваліся ў бок заводу “Палімір” ААТ “Нафтан”, каб зрабіць фота– і відэаздымкі яго навакольля, але падчас відэаздымак сутыкнуліся зь перашкодай з боку аховы заводу.

Маці асуджанага на 14 гадоў паводле арт. 328 КК РБ віцяблянка Натальля Шарыпа зьвярнулася да народу Беларусі з просьбай падтрымаць патрабаваньні галадоўніц “Матчынага Руху 328” аб амністыі асуджаных, правядзеньні судовай рэформы і адстаўцы міністра ўнутраных спраў Ігара Шуневіча.

На інтэрнэт-пляцоўцы “Зручны горад” пачаўся збор подпісаў пад пэтыцыяй “За чыстае паветра ў Наваполацку”. Аўтары пэтыцыі патрабуюць неадкладна пачаць мадэрнізацыю ачышчальных збудаваньняў вытворчасьці нітрылу акрылавай кіслаты на заводзе “Палімір”.

Такую пастанову вынес полацкі судзьдзя Віталь Лапко 4 траўня ў дачыненьні да прафсаюзнага актывіста, журналіста і праваабаронцы Віктара Стукава.

У Сусьветны дзень свабоды прэсы, які штогод адзначаецца 3 траўня, «Віцебская Вясна» папрасіла рэдактара адзінай зарэгістраванай на Віцебшчыне недзяржаўнай грамадзка-палітычнай газэты «Вольнае Глыбокае» Ўладзімера Скрабатуна на прыкладзе ўласнага выданьня прасачыць лёс папяровых незалежных СМІ на Беларусі.

У межах ініцыятывы «Добрая нагода» 3 траўня адбылася чарговая сустрэча віцебскіх актывістаў. Мерапрыемства ладзіцца ў фармаце так званага грамадзкага кафэ, якое дазваляе кожнаму ўдзельніку выказваць свае меркаваньні і весьці адкрытую дыскусію. Тэма, як правіла, загадзя ня абвяшчаецца, а фармуецца падчас сустрэчы.

Пра гэта жанчына паведаміла на сваёй старонцы ў “ВКонтакте”. У допісе ўдакладняе, што галадоўку абвесьціла яшчэ 3 траўня падчас прамога эфіру ў вечаровых навінах тэлеканалу “Белсат”.

Старшыня Віцебскай абласной арганізацыі Беларускага саюзу мастакоў Сьвятлана Баранкоўская прэзэнтавала ў абласной бібліятэцы першую ў сваім жыцьці пэрсанальную выставу жывапісу – “Нечаканае”. Яе габэлены ведаюць усе, пра жывапіс – толькі здагадваліся. Добрая неспадзяванка!

Віцяблянкі меркавалі далучыцца да галадоўкі-328 трэцяга траўня. Але зьмянілі рашэньне ў апошні момант, калі на падыходзе да будынку Віцебскага гарвыканкаму сутыкнуліся зь не чаканай для іх пільнай увагай з боку людзей у цывільным адзеньні.

У Полацку міліцыя абвінаваціла прафсаюзнага актывіста Віктара Стукава ў парушэньні ўказу прэзыдэнта аб валютных апэрацыях: ён нібыта атрымаў ад нейкага грамадзяніна расейскія рублі за юрыдычную кансультацыю па працоўных пытаньнях. Яму ўручаная позва ў суд. Сябры прафсаюзу ўспрымаюць здарэньне як правакацыю супраць арганізацыі рабочых.