- Вы тут:
-
Галоўная
- Вясна
- Катэгорыя: Вясна
Як паведамляе "Гарадзенская Вясна", супрацоўнікі слонімскай міліцыі сталі цікавіцца традыцыйнай акцыяй памяці Міхала Валовіча, актыўнага ўдзельніка нацыянальна-вызвольнага руху ў XIX-ым стагоддзі.
- Катэгорыя: Вясна
Зранку нам нікуды ня трэба сьпяшацца. Наш самалёт з Грознага на Маскву ў 15 гадзінаў, і ў нас на сёньня да абеду ўвогуле ніякіх плянаў. Мы сьпім, адсыпаемся, затым я ўключаю тэлевізар і гляджу па мясцовым канале рэклямны ролік пра Грозны. Выступаюць першы чалавек, затым другі і трэці, і чацьвёрты. Усе гавораць пра тое, як добра зараз жыць у горадзе, дзе спакой, чыстыя вуліцы, новабудоўлі. Сканчаецца ролік слоганам: “Рамзан, дзякуй за Грозны!” У наступным сюжэце паказваюць Рамзана Кадырава ў Грозным на адкрыцьці нейкага дваровага спартовага комплексу. Рамзан выступае на вуліцы, з разумным выглядам па-чачэнску ўталокоўвае штосьці будаўнікам. Яму паказваюць нейкі красьлюнак на вялікім аркушы ватману, мабыць плян другой чаргі забудовы. Ён водзіць пальцам па ім і кажа ўжо па-расійску: “Вось тут варта калоны на фасадзе дабудаваць”. Архітэктары і начальнік будоўлі згодна ківаюць галовамі: дабудуем! Як гэта ўсё падобна на тое, што мы бачым па беларускай тэлевізіі. Якія яны ўсё ж падобныя – гэтыя лідары страху і гвалту, якія ведаюць УСЁ!
- Катэгорыя: Вясна
Юрысты Беларускага дакументацыйнага цэнтра падрыхтавалі індывідуальнае паведамленне ад імя Юрыя Іванова ў Камітэт па правах чалавека, паведамляе bydc.info. Гісторыя 34-гадовага жыхара Магілёва Юрыя Іванова доўжыцца з 2009 года. Ён праходзіў абвінавачаным, а потым і падсудным, па справе аб забойстве жыхаркі Магілёва Святланы Паддубскай. Але ў 2010 годзе Магілёўскі абласны суд апраўдаў мужчыну. Яму тады нават кампенсацыю выплацілі за незаконнае ўтрыманне пад вартай. Такія прэцэдэнты з'яўляецца вялікай рэдкасцю ў беларускай практыцы.
- Катэгорыя: Вясна
Расследаванне крымінальнай справы актывіста анархісцкага руху Дзмітрыя Паліенку завершана. Справа перададзеная ў пракуратуру для накіравання ў суд, паведаміла БелаПАН афіцыйная прадстаўніца Следчага камітэта Юлія Ганчарова.
- Катэгорыя: Вясна
Грамадскі актывіст Вітольд Ашурак, які нядаўна праводзіў пікет у Лідзе супраць забруджвання Дзітвы, зноў хацеў правесці інфармацыйную акцыю ў горадзе Бярозаўка, што на Лідчыне. У гэты раз — па пытанні ўсталявання помніка ў горадзе аднаму з заснавальнікаў Бярозаўскай гуты Юліусу Столле. 
- Катэгорыя: Вясна
Праваабаронцам “Вясны” днямі стала вядома, што ў красавіку 2018 года памёр калісьці незаконна асуджаны Міхаіл Гладкі. Гэта той чалавек, якога ў 2003 годзе суд г. Заслаў’я пакараў да 8 гадоў калоніі строгага рэжыму за злачынства (ч.1 арт. 139 Крымінальнага кодэкса), якое ён не здзяйсняў. Праз дзевяць гадоў прысуд у адносінах да Міхаіла быў адменены, а крымінальная справа спыненая ў сувязі з адсутнасцю ў яго дзеяннях складу злачынства. Але Міхаіл Гладкі так і не дачакаўся аднаўлення справядлівасці ў адносінах да сябе з боку дзяржавы і выплаты кампенсацыі за незаконнае асуджэнне. 10 кастрычніка 2002 г. Міхаіл Гладкі прыйшоў у дом да сваёй маці, дзе яна жыла з яго братам Віктарам, убачыў мёртвую маці і брата, які, як ён думаў, спаў на ложку. Паколькі раней Віктар неаднаразова збіваў маці, Міхаіл Гладкі вырашыў, што ён яе і забіў. Знаходзячыся ў моцным эмацыйным узбуджэнні, схапіў сякеру і нанёс некалькі удараў па галаве брата. Пазней ён выклікаў міліцыю і хуткую дапамогу.
- Катэгорыя: Вясна
У Маладзечна 30 чэрвеня прайшоў прэм’ерны паказ дакументальнага фільма “Мы супраць смяротнага пакарання”, пасля якога адбылася адмысловая дыскусія.
- Катэгорыя: Вясна
За першыя шэсць месяцаў 2019 года праваабаронцы зафіксавалі 260 выпадкаў адвольных затрыманняў, складання пратаколаў і іншых інцыдэнтаў (напрыклад, затрыманняў на мяжы і папярэджванняў). Больш за ўсё інцыдэнтаў адбылося ў красавіку (101). Менавіта ў гэтым месяцы прайшлі акцыі пратэсту супраць бязмежжа ўладаў у Курапатах, рэакцыя на якія не прымусіла сябе доўга чакаць. Таксама ў красавіку масава праходзілі суды над праціўнікамі акумулятарнага завода ў Брэсце. Больш за ўсё затрыманняў без складання пратаколаў адбылося 24 і 25 сакавіка падчас святкавання Дня волі (15 выпадкаў).
- Катэгорыя: Вясна
У парламенце не лічаць неабходным адмяняць аплату паслуг дзяржаўных службаў на масавых мерапрыемствах, паведамляе БелаПАН. Гэта вынікае з адказу старшыні пастаяннай камісіі Палаты прадстаўнікоў па правах чалавека, нацыянальных адносінах і СМІ Валянціны Ражанец на петыцыю з адпаведным патрабаваннем, апублікаваную на інтэрнэт-платформе па зборы подпісаў Petitions.by. Пэтыцыю падтрымалі амаль тысяча чалавек, і 8 чэрвеня электронны дакумент быў накіраваны ў Савет міністраў і Палату прадстаўнікоў.