- Вы тут:
-
Галоўная
- Суд
Штраф за выявы «кубка», "малінаў" і «сняжынкі»
У Шумілінскім райсудзе 8 лістапада быў асуджаны жыхар Віцебска, прадпрымальнік Аляксей Пярцоў. Ён прызнаны вінаватым за тое, што на сваёй старонцы ў сацыяльнай сетцы «Вконтакте» захоўваў выявы «белай сняжынкі на блакітным фоне» ( лагатып канала «ПЛАТФОРМА ГОЛОС НОВОСТИ») і «выяву шэрага кубка на зяленым коле, у цэнтры якога ёсць малюнак маліны белага колера» ( лагатым канала «Чай з малінавым варэннем»). Гэтае мастацкае апісанне выкладзена ў судовым рашэнні, гучаным старшынёй Шумілінскага райсуду Іннай Грабоўскай, нядаўна прызначанай на гэтую пасаду і пераведзенай у райцэнтр з віцебскага суда Кастрычніцкага раёна.
Улады арыштавалі работніцу гандлю за падпіску на “экстрэмісцкія” СМІ
Суддзя суда Дубровенскага раёна Ігар Татаеў 17 лістапада за падпіску ў сацыяльных сетках на «экстрэмісцкія» матэрыялы пакарала арыштам на адныя суткі кантралёра-касіра крамы «Капяечка» Таццяну Кароль.
За распаўсюд «экстрэмізму» ў сацыяльнай сетцы ўлады аштрафавалі пенсіянерку
Суддзя суда Верхнядзвінскага раёна Таццяна Кукліна 3 лістапада за распаўсюджванне ў сацыяльнай сетцы відэаматэрыялаў «экстрэмісцкага» зместу аштрафавала на 1110 рублёў 64-гадовую Наталлю Афанасенка.
За распаўсюд «экстрэмізму» ўлады пакаралі буйным штрафам віцебскага прадпрымальніка
Суддзя суда Першамайскага раёна Віцебску Наталля Карабліна 26 кастрычніка за распаўсюд у мэсэнджэры публікацыі «экстрэмісцкага» зместу пакарала штрафам у памеры 1110 рублёў індывідуальнага прадпрымальніка Сяргея Канцавога.
Былую палітзняволеную Ірыну Паляніну асудзілі на 7 сутак за «распаўсюд экстрэмізму»
17 лістапада суд Пастаўскага раёна прызнаў жанчыну вінаватай паводле ч.2 арт. 19.11 КаАП : у яе сацыяльных сетках міліцыянты знайшлі рэпосты з некалькіх інфармацыйных рэсурсаў, прызнаных МУС экстрэмісцкай інфармацыйнай прадукцыяй. За некалькі дзён да таго, 13 лістапада, Ірыне Палянінай быў працягнуты прэвентыўны нагляд яшчэ на два гады – пасля першага году па вызваленні з калоніі.