Суддзя суда Наваполацка Зінаіда Балаболава 24 лістапада за распаўсюд «экстрэмізму» ў супольнасцях кросплатформавага месэнджара пакарала адміністрацыйным арыштам на 15 сутак Андрэя Баравіцкага.

«Хапун» адбыўся ноччу з 21 на 22 снежня: затрымалі 7 чалавек. Міліцыянты ўрываліся ў кватэры, рабілі ператрусы і забіралі людзей. На сённяшні дзень чацвера затрыманых ўжо асуджаныя на 15 сутак – гэта сямейныя пары Рулевічаў і Зінкевічаў. Элеанора Зінкевіч – дырэктарка музейнай установы. Мясцовыя жыхары распавядаюць, што яшчэ трое з тых, у каго правядлі начныя ператрусы, пакуль на волі. Але яны таксама маюць позвы ў суд.

Суддя суду Віцебскага раёна Міхаіл Зубеня 6 снежня за абразу прадстаўніка ўлады пазбавіў волі на адзін год і шэсць месяцаў 38-гадовага Сяргея Зайцава. Акрамя таго Зайцаў павінен выплаціць штраф у даход дзяржавы ў памеры 3700 рублёў.

Суддзя суда Першамайскага раёна Віцебска Міхаіл Юрчанка за прапаганду нацысцкай сімволікі пастанавіў арыштаваць на 15 сутак рабочага з прафесійна-тэхнічнай адукацыяй Вадзіма Пыльскага.