У віцебскай навукова-тэхнічнай бібліятэцы адбылася адкрытая дыскусія «Публічныя прасторы Віцебску» з сэрыі сустрэч, што супольна праводзяць YMCA Віцебск, Рэгіянальны рэсурсны цэнтар разьвіцьця дадатковай адукацыі дарослых у Віцебску і сацыяльна-культурная ўстанова «Віцебск для мяне».

На youtube зьявіўся чарговы ролік з мэтаю дыскрэдытаваць віцебскага праваабаронцу. Апублікаваны ён нібыта ад імя вядомага «лекара-праўдаруба» Ігара Пастнова, які катэгарычна адмаўляе сваю датычнасьць да гэтага.

Вёска Тапорына Віцебскага раёну – прыклад тыповага населенага пункту сучаснай Беларусі, дзе пасьля развалу сельгаспрадпрыемства эканамічнае жыцьцё цалкам спынілася, а працаздольнае насельніцтва зьехала ў пошуках заробку. Як цяпер выжываюць вяскоўцы, што засталіся, даведаўся наш карэспандэнт.

На сёлетніх выбарах юрыст Аляксей Гаўруцікаў вылучаецца кандыдатам у дэпутаты ў Віцебскі абласны і Віцебскі гарадзкі саветы ад партыі БНФ пры падтрымцы руху “За свабоду”. З красавіка 1990 па кастрычнік 1997 году ён ужо быў дэпутатам Віцебскага гарадзкога савету і мае багаты досьвед працы.

Канец студзеня – пачатак лютага 2018 году адзначыўся масавымі выклікамі ў сьледчыя органы грамадзянскіх актывістаў і сябраў прафсаюзу РЭП з усіх рэгіёнаў краіны. Ня стала выключэньнем і Віцебшчына. Сярод тых, хто быў апытаны ў якасьці сьведкі па крымінальнай справе, распачатай супраць кіраўніцтва прафсаюзу, апынуўся віцебскі юрыст і праваабаронца Валер Місьнікаў, які пасьля наведваньня габінэту сьледчага вымушаны быў зьвярнуцца ў пракуратуру.

Доўг у больш як 2000 рублёў выставіла ЖКГ жыхарцы Полацку Тахміне Міхайлавай як запазычанасьць за арэнду кватэры за тры гады. Хаця жанчына ўвесь час плаціла па ўсіх рахунках, і дагэтуль прэтэнзіяў да яе па аплаце не было.

Разгляд адміністрацыйнай справы ў дачыненьні да ініцыятара стварэньня мэмарыялу рэпрэсаваным за часамі Сталіна, кіраўніка грамадзкай ініцыятывы “Хайсы” Яна Дзяржаўцава заняў у судзе Віцебскага раёну два дні. Раней гэтая справа ўжо разьбіралася райсудом, але была вернутая на новы разгляд рашэньнем Віцебскага абласнога суду.

Ужо стала добрай традыцыяй напярэдадні чарговых выбараў праводзіць у горадзе над Дзьвіной трэнінгі для назіральнікаў. Ня стала выключэньнем і сёлетняя выбарчая кампанія.

Заўважнай адметнасьцю сёлетніх перадвыбарчых апазыцыйных пікетаў у Віцебску стала абавязковая прысутнасьць на іх супрацоўнікаў спэцслужбаў, якія вядуць непрыхаваную відэафіксацыю.

Праваабаронцам стала вядома аб зьбіцьці палітвязьня, заснавальніка праваабарончай арганізацыі «Платформ Інавэйшан» Міхаіла Жамчужнага ў горацкай папраўчай калёніі №9. 24 студзеня ахова пакінула мужчыну без нагляду ў калідоры санчасткі, дзе яго жорстка зьбіў іншы асуджаны.