Справу Людмілы Пацэвіч 12 сакавіка  2025г. разбіраў суддзя Глабоцкага раённага суда Андрэй Тарасевіч. Ен жа судзіў яшчэ шасцярых глыбачан, крымінальныя справы супраць якіх былі распачатыя пасля міліцэйскага "хапуну" увосень мінулага году. На працягу студзеня і лютага ў судзе Глыбоцкага раёна па ч. 1 арт. 342 КК  судзілі  Дзмітрыя і Івана Піскуновічаў. Ігара Шкетава і Рамана Васілевіча, таксама асуджаных за “удзел у масавых беспарадках”, пазней - прадпрымальніка Сяргея Міхалевіча. Ужо ў скавіку былі асуджаныя Аляксандр Шэлепень і Людміла Пацэвіч.

Аляксандра Шэлепня асудзілі  да рэальнага тэрміну ў калоніі. Астатнім прызначылі “хімію”.

Шэраг крымінальнаых справаў распачалі супраць жыхароў Глыбокага пасля  "хапуну", які сілавікі наладзілі ў райцэнтры ў верасні-кастрычніку мінулага года. Тады на заангажаваных Тэлеграм-каналах выклалі 5 відэаролікаў з “пакаяльнымі” відэа мясцовых жыхароў, якія прызнаваліся, што бралі ўдзел у пратэстах супраць вынікаў мінулых прэзідэнцкіх выбараў. Некалькі чалавек на гэтых відэа мелі відавочныя фізічныя пашкоджанні, нанесеныя, верагодна, падчас затрыманняў.

Затрымана падчас “хапуну” было каля 20 чалавек. Частку з іх асудзілі адразу па адміністрацыйных артыкулах, а частку перавезлі ў віцебскі СІЗА, прад'явіўшы ім крымінальныя абвінавачанні. На цяперашні момант вядома прынамсі пра 7 судоў па такіх справаў.

Марыя Пятрэнка