Першы факт, які прывёў Святаслаў Міхайлаў - гэта вялізная колькасць тых, хто ўжывае наркотыкі, у суседняй Расеі. Там 6 мільёнаў чалавек ужывае наркотыкі пастаянна і яшчэ 13 мільёнаў - перыядычна. Пры гэтым і смяротнасць ад ужывання наркотыкаў у Расіі ў два разы вышэйшая, чым у Беларусі. Аднак, высноваў пра тое, як гэта можа пры адсутнасці межаў паўплываць на сітуацыю ў нашай краіне, ідэолаг не робіць...

Святаслаў Міхайлаў падкрэслівае, што ў Беларусі за апошні год “палепшылася сітуацыя са значыннасцю ў наркагандлі”. Але адзначаецца рост падлеткавай “наркатычнай” злачыннасці. У Віцебскай воласці ў 2024 годзе па “наркатычных” артыкулах  быў асуджаны 21 непоўнагадовы, з іх 18 - за збыт наркотыкаў.

 Ідэолаг раіць бацькам прыглядаць за дзецьмі-падлеткамі і рэагаваць на трывожныя фактары і сімптомы. Не зразумелым застаецца хіба толькі пасыл аўтара відэа, заяўлены ў назве відэароліка - пра тое, што праблема наркаманіі будзе актуальна заўсёды.

І ўсё ж варта адзначыць, што з моманту стварэння відэаблога “Вести не молчат” Святаслаў Міхайлаў упершыню аперуе фактамі, а не ўласнымі эмоцыямі, не ўжывае абразлівых выразаў і ўвогуле не згадвае пра палітычных апанентаў дзейных уладаў. Таму і выглядае  досыць пераканаўча, а не як старанны паслядоўнік Рыгора Азаронка.  

Праўда, відэаролік пра наркаманію набраў толькі 898 праглядаў. Цікава што “антылідэрам” па праглядах ў  відэарубрыцы  “Вести не молчат” стаў відэаролік “Луашенко присягнул на верность белорусскому народу” - усяго 286 праглядаў. Запомнім гэту лічбу і сённяшнюю дату, каб зверыць, ці не нагоняць бліжэйшымі днямі “прымусовых гледачоў”.

Петр Пятрэнка