Дзеля ўсталявання флагштока з дзяржаўным сцягам у Оршы знішчаюць дрэвы
Трэнд на ўсталяванне канструкцый пад вялізны дзяржаўны сцяг дайшоў і да Оршы. Прычым падобна, што адным флагштокам справа не абыйдзецца: у парку каля аршанскага Кургана Славы ўжо спілавалі некалькі ліп. Найверагодней, што пад ідэю з флаштокам тут абсталююць цэлую пляцоўку за бюджэтныя грошы. Прынамсі, у Віцебску зрабілі менавіта так.
Былога супрацоўніка Верхнядзвінскага райвыканкама прызналі палітвязнем
Адпаведную заяву аб прызнанні палітычнымі зняволенымі Аляксея Кісялёва і яшчэ 6-ці чалавек беларуская праваабарончая супольнасць агучыла 22 жніўня. 28 жніўня яго крымінальную справу пачнуць разглядаць у Віцебскім абласным судзе. 34-гадовага інспектара сектара спорту і турызму Верхнядзвінскага райвыканкама вінавацяць паводле ч. 1 арт. 361-4 КК (садзейнічанне экстрэмісцкай дзейнасці) і арт. 361-5 КК (праходжанне навучання ці іншай падрыхтоўкі для ўдзелу ў экстрэмісцкай дзейнасці).
Асуджаныя за перадачу інфармацыі з судоў
23 жніўня ў Вярхоўным судзе ( суддзя Ігар Любавіцкі) разглядаліся скаргі па справе глыбоцкага трэнера і бодзібілдара Аляксандра Шарабайкі і пастаўчан Дзяніса Цыбульскага і Андрэя Стабулянца. Сёлета ў траўні-чэрвені крымінальную справу Шарабайкі, Цыбульскага і Стабулянца разбіралі ў Віцебскім абласным судзе. У залежнасці ад ролі кожнага, мужчын прызналі вінаватымі паводле арт. 368 КК(абраза Лукашэнкі), ч. 1 арт. 369 КК (абраза прадстаўніка ўлады) і ч.3 арт. 361-1 КК (удзел у экстрэмісцкім фармаванні). Справу ў закрытым рэжыме разглядаў суддзя Яўген Буруноў. Распавядаем, што вядома пра яе сутнасць.
МУС уключыў у «спіс экстрэмістаў» яшчэ двух жыхароў Віцебшчыны
Гэта 32-гадовы Дзмітрый Васюковіч, ураджэнец Докшыцаў, і 47-гадовы аршанец Сяргей Гняўко. Абодвух нядаўна асудзілі за абразу Аляксандра Лукашэнкі. Прычым для Сяргея Гняўко гэта быў ужо другі раз, калі яго пакаралі павдле арт. 368 Крымінальнага Кодэкса. Расказваем, што яшчэ вядома пра новых «экстрэмістаў».
Рэдактар глыбоцкай «раёнкі» зноў накінуўся на недзяржаўныя інтэрнэт-рэсурсы, палітэмігрантаў і Украіну
Чарговы опус Андрэя Панкрата выйшаў на сайце «Глыбоцкага весніка». Гэтым разам галоўны рэдактар прыгадаў навіну пра тое, што ў Курскай вобласці быў заўважаны танк з узнятым бел-чырвона-белым сцягам. І заявіў, што «вся эта шумиха больше отражает иное: скудность положительных новостей как на украинских фронтах, так и в стане беглых предателей, у которых не осталось ничего, кроме подающей руки дядюшки Сэма». Прычым гэта адно з самых лагодных выказванняў прапагандыста на адрас сваіх апанентаў.
Фонд Аляксея Талая збіраў у Полацку гуманітарную дапамогу для жыхароў Курскай вобласці
Полацк і Курск – гарады-пабрацімы. І таму збор дапамогі быў не столькі дабрачынным, колькі афіцыёзным: у ім узялі ўдзел і мясцовыя ўлады, і полацкія прадстаўнікі ГА «Белая Русь», і кіраўнікі прафсаюзных структур. Каб гэта абавязкова было заўважана і ўлічана, на месца збору яны прыйшлі у «спецадзенні» - у майках і шаліках з лагатыпамі. Кожная каробка гуманітарнага грузу таксама была пазначана сімволікай адпраўнікаў і мела суправаджальныя надпісы.
На волю па памілаванні выйшла палітзняволеная з Наваполацка Кацярына Леў
Яна была асуджана за абразу прадстаўнікоў улады паводле арт. 369 Крымінальнага кодэкса. 30 траўня 2023 года суд г.Наваполацка ў асобе суддзі Сняжаны Калінічэнка пакараў Кацярыну пазбаўленнем волі ў калоніі на два гады і штрафам у памеры 3 700 рублёў. Летась 17 ліпеня беларуская праваабарончая супольнасць прызнала дзяўчыну палітычнай зняволенай.
Палітвязнямі прызнаныя Ерванд Марцірасян і Дзмітрый Шалак
Беларуская праваабарончая супольнасць прызнала палітычнымі зняволенымі яшчэ двух жыхароў Віцебшчыны, асуджаных сёлета ў жніўні. Распавядаем, хто яны і за што трапілі за краты.
На волю па памілаванні выйшлі 74-гадовы Васіль Бераснеў і 64-гадовая Вольга Стаброўская
Імёны двух палітвязняў, жыхароў Аршаншчыны, праваабаронцы называюць у пераліку тых, пра каго дакладня вядома, што яны выйшлі на волю 20 жніўня. На цяперашні момант праваабаронцам «Вясны» вядомыя прозвішчы 13 вызваленых палітвязняў, але публічна ў іх называюць толькі 6 – сваякі просяць падтрымліваць інфармацыйную цішыню для бяспекі сваіх родных, таму пакуль не публікуюцца прозвішчы астатніх. Распавядаем, хто яны – Васіль Бераснеў і Вольга Стаброўская.
Сёння ў Віцебскім абласным судзе зноў судзяць палітзняволеную Вольгу Брыцікаву
Справу былой старшыні незалежнага прафсаюза прадпрыемства «Нафтан» прызначаны разглядаць суддзя Яўген Буруноў. Працэс будзе праходзіць у закрытым рэжыме – гэтаксама, як і мінулы суд над Вольгай Брыцікавай, які адбыўся сёлета ў сакавіку- красавіку. Тады жанчыну асудзілі да трох гадоў пазбаўлення волі Але – паводле крымінальнага артыкула. Цяпер абвінавачанне дабавіла яшчэ два.