У «спіс экстрэмістаў» уключылі палачаніна Аляксея Палюховіча
У абноўленым 2 жніўня спісе асобаў, "схільных да экстрэмісцкай дзейнасці", з'явілася імя і прозвішча 67-гадовага Аляксея Палюховіча. Мужчына быў асуджаны паводле часткі 1 артыкула 342 Крымінальнага Кодэкса (Арганізацыя і падрыхтоўка дзеянняў, якія груба парушаюць грамадскі парадак, або ўдзел у іх) да 2 з паловай гадоў «хатняй хіміі».
Беларуская праваабарончая супольнасць прызнала палітычнай зняволенай Нэлі Алфёраву
Полацкую мастачку і рамесніцу затрымалі за абразу прадстаўніка ўлады (артыкул 369 Крымінальнага Кодэкса) і накіравалі на прымусовае лячэнне ў псіхіятрычным стацыянары. Пад увагу сілавікоў яна трапіла пасля таго, як вярнулася з Польшчы ў 2023 годзе. За мяжой яна запісвала відэаролікі пра цяжкасці эмігранцкага жыцця, якія выкарстала ў прапагандысцкіх мэтах беларускае тэлебачанне.
«Экстрэмісцкай» прызнана група «Новости Полотчины (Полоцк, Новополоцк)» у сацсетцы «ВКонтакте»
26 ліпеня адпаведнае рашэнне прыняў суд Полацка і Полацкага рёна. У «экстрэмісцкім» спісе Міністэрства інфармацыі звесткі пра гэта з'явіліся 31 ліпеня. Група мае 9 357 падпісчыкаў. Кантэнт не абнаўляўся амаль 4 гады. І менавіта з-за матэрыялаў 4-гадовай даўніны пракуратура вынесла прапанову, каб суд прызнаў групу «па-за законам».
Сацсеткі «Аршанскай газеты» лепяць «антыгероя» з журналіста і праваабаронцы Ігара Казмерчака
На старонках раённай газеты у «Одноклассниках» і «ВКонтакте» учора выйшлі аднолькавыя тэксты пра тое, што Казмярчак атрымаў 5 тысяч еўра ад «польскіх гаспадароў», што ён «падстаўляе» сваіх землякоў, прапануючы ім перадаваць інфармацыю для сайта orsha.eu за грошы, і што сам ён уцёк за мяжу, «пазычыўшы грошы ў родных і блізкіх». Рэдактар незалежнага аршанскага партала мяркуе, што гэтыя допісы былі апублікаваныя для дыскрэдытацыі яго асабіста і застарашвання інтэрнэт-карыстальнікаў.
7 гадоў калоніі і штраф 8 тысяч рублёў – вынік завочнага суду над Андрэем Зуевым
45-гадовага жыхара Наваполацка, бацьку чатырох дзяцей, судзілі ў парадку спецыяльнай вытворчасці, бо ён вымушана з'ехаў з Беларусі ў 2021 годзе. Віцебскі абласны суд у асобе суддзі Галіны Бондал прызнаў Андрэя Зуева вінаватым паводле чатырох артыкулаў Крымінальнага кодэкса. Суд праходзіў у закрытым рэжыме.
Віцебская пракуратура адзначыла рост «экстрэмісцкай злачыннасці»
Пракурор Віцебскай вобласці Ігар Украінец правёў прэс-канферэнцыю па выніках працы пракуратуры за паўгода. Паводле ягоных словаў, упершыню за апошнія некалькі гадоў намецілася тэндэнцыя да скарачэння колькасці крадзяжоў - на 34, 2%, зніжаецца злачыннасць сярод непаўналетніх і асобаў, якія мелі судзімасць раней. Але падвышаецца колькасць іншых злачынстваў.
Палітзняволенымі прызналі Таццяну Францкевіч – маці палітвязня Аляксандра Францкевіча і Наталлю Лабацэвіч – маці экс-палітвязня Іллі Лабацэвіча
Жанчыны - сёстры, жыхаркі Наваполацка. Абедзвюх затрымалі 19 ліпеня ў калоніі № 11 у Ваўкавыску, калі яны прывезлі перадачу сыну Таццяны, палітвязню Аляксандру Францкевічу. Супраць абедзвюх распачалі крымінальную справу паводле артыкула 361-4 КК па абвінавачванні ў садзейнічанні экстрэмісцкай дзейнасці, пішуць праваабаронцы.
У Віцебску хочуць стварыць музей КДБ
Пад яго плануюць аддаць частку помніка архітэктуры 18 стагоддзя – былога губернатарскага палаца. У гэтым будынку да 2022 года і размяшчалася Віцебскае абласное ўпраўленне Камітэта дзяржбяспекі. Чэкісты гаспадарылі тут з 1938 года - спярша сюды засялілася ўправа НКУС, а ў 1950-я гады, калі будынак быў адноўлены пасля ваенных бамбёжак, - КДБ. Цяпер палац збіраюцца рэканструяваць паводле чарцяжоў 1830 года, зрабіўшы «капітальны рамонт фасадаў з прымяненнем матэрыялаў, ідэнтычных гістарычным».
Супраць Ігара Казмерчака распачатая новая крымінальная справа
Як мяркуе сам аршанскі праваабаронца і рэдактар партала orsha.eu, гэтая справа заведзена за ўдзел у перадачах тэлеканала «Белсат». У яе межах 23 ліпеня ў кватэры Ігара Казмерчака быў праведзены ператрус. З ягонага жытла нічога не забралі, бо там не засталося рэчаў, якія маглі б зацікавіць следства. У Оршы Казмярчак не жыве ў 2021 года – ён быў вымушаны пакінуць Беларусь пад пагрозай крымінальнага пераследу.
На віцябляніна Дзмітрыя Карняенку завялі крымінальную справу за «садзеянне экстрэмісцкай дзейнасці»
Пра гэта ён даведаўся ад сваякоў, да якіх прыходзілі з роспытамі пра месца знаходжання актывіста. Таксама следчыя цікавіліся маёмасцю Дзмітрыя Карняенкі, аднак не знайшлі нічога, што можна было б апісаць. Прычым гэта не першы візіт з мэтай апісаць ягоную маёмасць: упершыню такое адбылося ў 2021 годзе, калі супраць Дзмітрыя Карняенкі распачалі справу з паводле артыкула 361-1 Крымінальнага Кодэкса.