Затрыманая па адміністрацыйнай справе юрысконсульт ВА "Нафтан" Вераніка Бахмутава
1 красавіка дзяўчыну затрымалі на наўпрост працоўным месцы, дэманстратыўна надзелі кайданкі і павезлі на допыты. Сёння, 4 красавіка, у судзе Наваполацка чакаецца разгляд адміністратыўнай справы, заведзенай у дачыненні да Бахмутавай. Яе падазраюць у распаўсюджванні, вырабе, захоўванні, перавозцы інфармацыйнай прадукцыі, якая змяшчае заклікі да экстрэмісцкай дзейнасці або прапагандуючую такую дзейнасць.
Адладжаная сістэма рэпрэсій дала збой
17 сакавіка суддзя суда Кастрычніцкага раёна Віцебска Мікалай Атрахімавіч спыніў адміністрацыйную вытворчасць у дачыненні да былога палітвязня Міхаіла Жамчужнага па артыкуле 19.1 (Дробнае хуліганства) Кодэкса аб адміністрацыйных правапарушэннях. Суддзя палічыў, што міліцыі не ўдалося даказаць вінаватасць Жамчужнага ў здзяйсненні хуліганскага ўчынку. Калі доказы прысутнічалі, то абвінавачанаму пагражаў бы адміністрацыйны арышт тэрмінам да 15 сутак. Прысуд уступіў у законую моц.
Хто карыстаецца мабільным тэлефонам Барыса Хамайды ў віцебскім ІЧУ?
Увечары 30-га сакавіка карыстальнікі Telegram, знаёмыя з найстарэйшым віцебскім апазіцыянерам, атрымалі дзіўныя паведамленні. Паводле допісаў службы мэсэнджару, Барыс Хамайда зарэгістраваўся ў Telegram каля 22-й гадзіны вечара. Сітуацыя неверагодная ў прынцыпе, бо актывіст знаходзіцца пад арыштам, а ягоны тэлефон тым часам павінны захоўваць супрацоўнікі ІЧУ. Або міліцыянты, калі апарат забраны для нейкіх следчых дзеянняў. У любым выпадку, гаспадар карыстацца ім не можа. Хто ж тады ўвайшоў Telegram пад выглядам Барыса Хамайды?
Барыс Хамайда на асобным рахунку ў віцебскім ІЧУ
Найстарэйшы апазіцыянер Віцебску быў затрыманы супрацоўнікамі Чыгуначнага РАУС 15 сакавіка, каля 14-й гадзіны ён паспеў праз тэлефон паведаміць гэта журналістам. З тае пары амаль трое сутак пра 74-гадовага грамадскага актывіста нічога не было чуваць. Ягоныя сябры і знаёмыя з грэка-каталіцкай царквы толькі цяпер здолелі даведацца пра ягонае месца знаходжання, і ўжо зладзілі перадачу з прадметамі першай неабходнасці і гігіены. Але колькі сутак арышту прысуджана Барысу Хамайду і за што, дагэтуль застаецца не вядомым.
Лідэр незалежных прафсаюзам Вольга Брыцікава правядзе 1,5 месяца ў турэмнай ізаляцыі
10 сакавіка суд Наваполацка ў дачыненні да старшыні пярвічнай прафсаюзнай арганізацыі БНП работнікаў ААТ «Нафтан» Вольгі Брыцікавай, вынес чарговую, трэцюю пастанову, па арт. 24.23 КаАП, паводле якога Вольга была пакараная адміністрацыйным арыштам на 15 сутак.
Лідэра незалежнага прафсаюза «Нафтан» асудзілі на 15 сутак арышту
03 сакавіка суд Наваполацка разгледзеў адміністратыўную справу старшыні Беларускага Незалежнага Прафсаюза “Нафтана” Вольгі Брыцікавай. Міліцыя палічыла, што надпіс на яе вопратцы – “Не вайне”, з'яўляецца пікетаваннем, склала пратакол і накіравала яго ў суд.
У Віцебскай вобласці колькасць адміністрацыйных справаў па палітычных матывах зменшылася праз узмацненне рэпрэсій
Колькасць разгледжаных судамі Віцебскай вобласці адміністрацыйных справаў у 2021 годзе скарацілася на траціну. Усяго за гэты перыяд суды разгледзелі каля 26 тыс. адміністрацыйных справаў, што амаль на 13,1 тыс., або на 33,5% менш, чым у 2020 годзе. У сувязі з жорсткімі рэпрэсіямі ў дачыненні да палітычнай апазіцыі колькасць адміністрацыйных справаў, звязаных з пераследам грамадзянскіх актывістаў, таксама зменшылася.
Затрыманых на фэсце «Аршанская бітва» асудзілі на 10 сутак арышту
Затрыманых на фестывалі «Аршанская бітва» асудзілі на 10 сутак адміністрацыйнага арышту. Як паведамляе тэлеграм-канал «Вясна» назірае», трох чалавек прызналі вінаватымі ва ўдзеле ў «несанкцыянаваным масавым мерапрыемстве». Гэта - Юрась Копцік, Ігар Уласенка і Васіль Мірановіч. Іх затрымалі ў ноч з 4 на 5 верасня.
Мікола Качурэц пасля 15 сутак арышту выйшаў на волю з віцебскага СІЗА
Увечары 30 снежня на волю з віцебскага СІЗА выйшаў актывіст Мікола Качурэц, які быў пакараны арыштам на 15 сутак судом Першамайскага раёну за ўдзел у вулічным шэсці. Па вызваленні Качурэц прызнаўся, што «ўзяў гэтыя 15 сутак лёгка», бо «адчуваў падтрымку з волі».
Актывіст Леанід Аўтухоў выйшаў на волю пасьля 10 сутак адміністрацыйнага арышту
Рашэньнем Гарадоцкага раённага суду Леанід Аўтухоў быў асуджаны на дзесяць сутак адміністрацыйнага арышту. Актывіст быў абвінавачаны ў дробным хуліганстве (ч.1, арт.17.2 КаАП) за спробу даведацца пра вынікі галасаваньня ў раённай выбарчай камісіі. 20 жніўня ён быў вызвалены.