Дзмітрый Карняенка нарадзіўся ў Оршы, але працяглы час жыў у Віцебску. Там ён меў уласнае жытло, на якое па распараджэнні Віцебскага гарадскога аддзялення Следчага Камітэту ад 29 траўня 2025г. накладзены арышт. Паведамленне пра гэта ад Віцебскай агенцыі па дзяржаўнай рэгістрацыі і зямельным кадастры даслалі ў Оршу на адрас бацькі актывіста.

Гэтым летам у Сенненскім раёне у 4-х школах з 12-ці арганізаваны лагеры  вайскова -патрыятычнай накіраванасці. Іх арганізуюць “з прыцягненнем да ўзаемадзеяння” супрацоўнікаў РАУС і МНС.

У абласной газеце “Витебские вести” разглядаецца  выпадак, звязаны нібыта “жыхаром Віцебска”, які быццам бы заўважыў у папулярных пабліках свой фотазымак, зроблены без ягонай згоды. І быццам бы зацікавіўся, ці ёсць падставы з гэтай нагоды прыцягнуць да адказнасці адміністратара пабліка. Прадстаўнік пракуратуры тлумачыць, што падставы ёсць. Аднае звернем увагу на некаторыя моманты.