У іх ліку - 10 жыхароў Глыбокага і Глыбоччыны, асуджаных за пратэсты  2020 году паводле ч.1 арт. 342 КК РБ. А таксама  аршанка Наталля Говарава, якая адбывае пакаранне па ч.1 арт. 368 КК  РБ - абраза Аляксандра Лукашэнкі і арт.369 КК РБ - абраза прадстаўніка ўлады. І жыхар Браслава Сяргей Мядзведзеў, асуджаны за данаты па арт. 361-2 КК РБ.

Ціну Палынскую і яе старэйшую дачку  затрыманы 19  траўня 2025 года. Зараз яны знаходзяцца ў віцебскім СІЗА.  Ёсць падставы меркаваць, што супраць жанчын распачалі крымінальную справу, звязаную  з дзейнасцю “Беларускай аналітычнай майстэрні” прафесара  Андрэя Вардамацкага. Гэтая структура праводзіла апытанні беларускіх грамадзян пра іх меркаванні адносна розных аспектаў жыцця ў Беларусі.

У абноўленым пераліку  асобаў, “датычных да экстрэмісцкай дзейнасці” на сайце  МУС, з’явілася імя і прозвішча   Алены Міхайлаўны Шарабайкі. 48-гадоввая жанчына асуджана паводле ч.1 арт.342 КК Рб - за ўдзел у пратэстах 2020 году. Падобна, што яна адбывае прысуджаную ёй “хатнюю хімію”: у “экстрэмісцкім пераліку” пазначана “ судзімасць не пагашана”.