Падчас выбарчай кампаніі жыхарам Віцебска пагражаюць пакараннямі па 14 артыкулах Крымінальнага Кодэкса і Кодэкса аб адміністрацыйных правапарушэннях.Гэты пералік агучыў намеснік начальніка міліцыі грамадскай бяспекі УУС Віцебскага аблвыканкама Максім Марчанка. І паводле згаданых артыкулаў можна зрабіць выснову, чаго найбольш апасаецца міліцыя падчас галасавання на выбарах прэзідэнта.

Самым першым нумарам у спісе верагодных правапарушэнняў і злачынстваў ідзе «непадпарадкаванне патрабаванням супрацоўніка міліцыі» ( арт. 23. 4 КаАП).

Далей – арганізацыя і ўдзел у так званых «несанкцыянаваных мерапрыемствах» (арт. 24.23 КаАП, арт. 293 КК і арт. 342 КК). І – хуліганства, як самае простае, у чым могуць абвінаваціць міліцыянты ( 19.1 КаАП і арт. 339 КК).

Нібыта ўспомніўшы, што вядзецца пра электаральную кампанію, спадар Марчанка прыгадаў і некалькі артыкулаў «выбарчага» зместу, якія прадугледжваюць пакаранне. Гэта арт. 10.9 КаАП пра недапушчальнасць агітацыі за байкатаванне , перанос выбараў і гд, а таксама за пашкоджанне друкаваных матэрыялаў з інфармацыяй пра выбары. І арт. 22.10 КаАП – пра забарону развешвання і расклейвання такіх матэрыялаў у неналежных месцах, а таксама арт. 23.5 КаАП – пра адказнасць за незаконны выраб і распаўсюд прадукцыі сродкаў масавай інармацыі, у тым ліку і датычных да выбараў. Стварэнне перашкодаў працы выбарчай камісіі таксама стане нагодай для пакарання ( па арт. 191 КК).

Прадстаўнік міліцыі грамадскай бяспекі нагадвае і пра прадугледжанае заканадаўствам пакаранне за незаконны збор, апрацоўку і захаванне персанальных дадзеных фізічнай асобы ( арт. 23.7 КаАП і арт. 2031 КК). І пра крымінальную адказнасць за паведамленне аб няіснай небяспецы ( арт. 340 КК). І ўрэшце Максім Марчанка называе грозны артыкул 310 КК, у якім прапісана пакаранне за блакіроўку транспартных камунікацый, якая пацягне за сабой вялікія страты.

Усе гэтыя артыкулы пералічаны ў віцебскай гарадской газеце «Витьбичи». Чытачам паведамляюць пра сур'ёзны кантроль іхных дзеянняў падчас «свята», якім ідэолагі, да і сам Аляксандр Лукашэнка, любяць называць выбары ў Беларусі.

ведамляюць пра сур'ёзны кантроль іхных дзеянняў падчас «свята», якім ідэолагі, да і сам Аляксандр Лукашэнка, любяць называць выбары ў Беларусі.

З 20 студзеня на Віцебшчыне, як і па ўсёй Беларусі, міліцыя перайшла на ўзмоцнены рэжым службы. Але спакойнага жыцця міліцыянты не мелі ўжо цягам апошняга месяца: у РАУСы масава выклікалі "нядобранадзейных грамадзян", каб правесці з імі прафілактычныя  гутаркі і атрымаць падпісаныя пісьмовыя папярэджанні пра недапушчальнасць "экстрэмісцкіх" паводзінаў. 

Надзея Мікуліч

Фільм, прагляд якога пройдзе па ўсёй Беларусі, называецца "Птица Феникс Алексея Талая". Паводле афіцыйных анонсаў, 26-хвілінная стужка «Беларусьфильм» прысвечана таму, як галоўны герой «несмотря на отсутствие обеих рук и ног, состоялся как профессионал, общественный деятель, прекрасный семьянин». Дарэчы, дастаткова аб'ектыўна у фільме паказана, пры якіх акалічнасцях з Аляксеем Талаем адбылася трагедыя. Звычайна ў СМІ на гэтую тэму абыходзяцца агульнымі фразамі, кшталту «будучи подростком, он подорвался на мине, находясь в гостях у дедушки».

З прапановай набыць дадатковыя скрыні для галасавання на прэзідэнцкіх выбарах у ЦВК звярнулася абласная выбарчая камісія. Такую неабходнасць абгрунтавалі тым, што ў вобласці шмат аддаленых вёсак, з якіх цяжка дабрацца да найбліжэйшага ўчастка. ЦВК пагадзілася з такімі аргументамі. Аднак падчас выбараў у лютым мінулага года скрыняў нібыта хапала Няўжо менш чым за год так істотна ўзрасла колькасць аддаленых вёсак?

Намеснік кіраўніка адміністрацыі прэзідэнта правёў сустрэчу ў ВДТУ. Падчас размовы са студэнтамі і выкладчыкамі «тэхналожкі» ён гаварыў пра неабходнасць працы з моладдзю напярэдадні прэзідэнцкіх выбараў, бо моладзь мае «пратэстны патэнцыял». І калі маладых людзей належным чынам ідэалагічна не «апрацаваць», то гэта, маўляў, зробяць апаненты ўлады.

Кіраўніка таемнага фармавання, якое ў 1990-х гадах забівала апанентаў Аляксандра Лукашэнкі, запрасілі выступаць у тым ліку і перад дзецьмі. Ён распавядаў вучням і настаўнікам бешанковіцкай СШ№2 пра тое, што яму таксама давялося «бараніць краіну», і чаму ён адданы Аляксандру Лукашэнку. Бо, маўляў, ён 30 год стаіць за Беларусь і «выканаў усе абяцанні, якія даваў народу ў 90-я гады».

У Карабоўскай сярэдняй школе ў межах праекта «Азбука гражданина. Версия 5.0» школьнікаў вучылі галасаваць, а камусьці нават пашчасціла пабыць «кандыдатам» або «старшынём выбарчай камісіі». З дзецьмі «прайшлі» усе этапы выбарчай кампаніі – ад рэгістрацыі ініцыятыўных груп да падліку галасоў.

Звесткі пра гэта ўнесены ў Рэспубліканскі спіс экстрэмісцкіх матэрыялаў на сайце Міністэрства інфармацыі. Асабліва «пашчыравалі» мінулымі днямі суды Кастрычніцкага і Чыгуначнага раёнаў абласнога цэнтра і суд Сенненскага раёна – ён за адзін дзень, 13 студзеня, прысвоіў статус «экстрэмісцкай інфармацыйнай прадукцыі» 8-мі старонкам на розных платформах.

Пра гэта яна паведаміла ў сваім Тэлеграм-канале, заўважыўшы, што выклік быў праз тэлефон і размаўлялі з ёй «не зусім тактоўна». Кепскі настрой супрацоўніка міліцыі Мірсалімава патлумачыла тым, што ў краіне вельмі шмат асуджаных па палітычных «адміністратыўках» - і яна ў тым ліку. А значыць, усіх гэтых людзей трэба «прафілактаваць» перад 26 студзеня.

14 студзеня выйшла першая серыя “расследавання” пра супрацоўнікоў “Радыё Свабода”. Яе героем быў палітвязень, фрылансер Андрэй Кузнечык, якога на некалькі месяцаў перавезлі з Наваполацкай ПК №1 у Мінск адмыслова для здымак «фільма».

Заснавальніца і адміністратарка групы Таццяна Мацвеева напісала, што не можа наўпрост паведаміць прычыны закрыцця пабліка, які праіснаваў тры з паловай гады. Але падкрэслівае, што робіць гэта па не залежных ад яе прычынах. Яна вырашыла, што пакуль праца групы прыпынена на месяц, але далейшыя перспектывы застаюцца няяснымі.