Cустрэча з бардам, пісьменьнікам і журналістам Зьмітром Бартосікам адбылася ў Глыбокім. Ён прэзэнтаваў трэцюю па ліку, нядаўна выдадзеную кнігу, “Клініка кітайскага дантыста”. А таксама чытаў свае эсэ з сэрыі “Беларускія тараканы” ды сьпяваў “Старыя песьні на новыя тэксты”.

Падсумоўваючы вынікі мінулага году, рэдакцыя самага ўплывовага праваабарончага інтэрнэт-рэсурсу Віцебскай вобласьці адзначыла заслугі як асобных актывістаў, гэтак і арганізацыяў ды грамадзянскіх ініцыятываў у прасоўваньні і абароне правоў чалавека ў рэгіёне.

Аб’яднаньне актыўных жанчын рэгіёну — асноўная мэта новай школы «Мова жанчын», якая пачала працу ў Наваполацку. «Я хачу пазнаёміцца з досьведам жаночага лідэрства, пазнаёміцца з мэтадамі абароны асабістых поглядаў», «хачу камунікаваць зь людзьмі з актыўнай жыцьцёвай пазыцыяй», — тлумачылі ўдзельніцы свой выбар.

У канфэрэнцыі «Беларуская дзяржаўнасьць. Гісторыя і сучаснасьць», што прайшла ў Віцебску 5 студзеня, узялі ўдзел экспэрты з розных куткоў краіны – гісторыкі, краязнаўцы, палітолягі, журналісты. Зь некаторымі гасьцямі ў кулюарах мерапрыемства пагутарыў карэспандэнт ВВ.

Паведамленьне пра здарэньне паступіла ў міліцыю з цэнтральнага гарадзкога шпіталя, куды даставілі хлопчыка. Высьветлілася, што ўвечары 9 студзеня чацьвёртаклясьнік зь іншымі дзецьмі катаўся з горкі ў раёне Кургана Славы ў Полацку. Там выкаўзаныя вельмі стромкія схілы, і чарговы заезд, як мяркуецца, на цюбінгах, скончыўся для яго сутыкненьнем з дрэвам.

Канфэрэнцыя «Беларуская дзяржаўнасьць. Гісторыя і сучаснасьць» прайшла ў Віцебску 5 студзеня. Імпрэза пачалася супольным сьпевам рэлігійнага нацыянальнага гімну «Магутны Божа» і скончылася прыняцьцем выніковай рэзалюцыі. Уся дзея праходзіла ў актавай залі абласной бібліятэкі.

3 студзеня прайшла першая ў гэтым годзе сустрэча актывістаў Віцебску ў межах праекту «Добрая нагода». Гэтым разам імпрэза адбылася ў фармаце кейккросінгу. У залі арт-пабу «Торвальд» сабралася чалавек 15-20 – прадстаўнікі грамадзкіх арганізацыяў і незалежныя журналісты, сябры мясцовай суполкі Беларускай асацыяцыі журналістаў.

Ужо трэці год жыхары Воршы змагаюцца за тое, каб абвесткі ў гарадзкім грамадзкім транспарце гучалі па-беларуску. Так некалі і было, пакуль зь невядомае прычыны назвы прыпынкаў не пераклалі на расейскую. Кіраўніцтва ААТ «Віцебскаблаўтатранс» адказала аршанскім актывістам, што ня бачыць падставаў вяртаць у транспарт родную мову.

На сустрэчу, што адбылася 26 сьнежня ў арт-пабе «Торвальд», былі запрошаныя мясцовыя актывісты няўрадавых арганізацыяў, журналісты і прадстаўнікі мясцовай улады. Людзей сабралася няшмат, а віцебскія чыноўнікі наогул праігнаравалі запрашэньне.

Віцябчук Генадзь Муратаў апублікаваў у сацыяльнай суполцы «Вольны Віцебск» матывацыйны допіс, у якім прапанаваў жыхарам гораду абмеркаваць ідэю стварэньня ў Віцебску «альтэрнатыўнага незалежнага гарсавету».