Супрацоўнік «Нафтана» Барыс Жахоўскі знаходзіцца пад арыштам, прысуджаным яму 15 чэрвеня за ўдзел у несанкцыянаваным пікетаванні. Гэта ўжо трэці арышт запар – Жахоўскага асудзілі агулам на 45 сутак. Напярэдадні апошняга суду, 6 дзён таму, ён абвясціў сухую галадоўку.

Ролік стварыла каманда politzek.me. У відэароліку прыгадваюцца факты біяграфіі Уладзіміра Малахоўскага, асуджанага да трох з паловай гадоў пазбаўлення волі паводле арт. 364 КК (Гвалт альбо пагроза ўжывання гвалту ў дачыненні да супрацоўніка органаў унутраных спраў).

Мікіта Прысталенка цалкам адбыў тэрмін пакарання, прысуджаны яму на падставе артыкулу 370 Крымінальнага Кодэксу («Апаганьванне дзяржаўных сімвалаў»). 25 лютага 2021 году ён сарваў у цэнтры Менску два дзяржаўныя сцягі. Год абмежавання волі («хіміі») Мікіта Прысталенка правёў у Мазыры, у ПУАТ 21. 31 верасня мінулага году праваабарончая супольнасць прызнала яго палітзняволеным.

Палітзняволены вязень Папраўчай калоніі №3, якая знаходзіцца ў Віцебскай вобласці ў п. Віцьба, адвакат Максім Знак, якога асудзілі на дзесяць гадоў турмы за ўдзел у выбарах-2020 на баку прэтэндэнта на пасаду прэзідэнта Віктара Бабарыкі, 8 чэрвеня быў пазбаўлены адвакацкай ліцэнзіі.