Панядзелак, 06 Люты 2023

Віцебскі арт-менеджэр і музыка Уладзімір Булаўскі прызнаны палітвязнем

Ацаніць гэты матэрыял
(2 галасоў)
Віцебскі арт-менеджэр і музыка Уладзімір Булаўскі прызнаны палітвязнем

Беларуская праваабарончая супольнасць выступіла з чарговай заявай з нагоды прызнання палітычнымі зняволенымі яшчэ 20-ці чалавек. Сярод іх вядомы ў Віцебску арт-менеджар і музыка Уладзімір Булаўскі, якога затрымалі 14 снежня. Спачатку меркавалася, што затрыманне адбылося па адміністрацыйнай справе паводле артыкула арт. 24.23 КаАП за наяўнасць на старонках у сацыяльных сетках фотаздымкаў з пратэстаў 2020г. Праваабаронцы даведаліся, што за гэта Булаўскі быў асуджаны да 15 сутак арышту, але ў пачатку студзеня на волю ён так і не выйшаў.

Паводле апошніх звестак, супраць Уладзіміра Булаўскага распачалі крымінальную справу па ч. 1 артыкула 342 Крымінальнага кодэкса,   яго падазраюць у арганізацыі групавых дзеянняў, якія груба парушаюць грамадскі парадак, і вядзецца якраз пра падзеі 2020 года.

Пераслед Уладзіміра Булаўскага працягваўся некалькі апошніх гадоў. Толькі цягам мінулага году ён быў вымушаны правесці ў ІЧУ 45 сутак адміністратыўных арыштаў.

Цяпер палітвязня ўтрымліваюць у віцебскім СІЗА, і тыдзень таму ў яго памёр бацька. Развітацца з ім Уладзіміру Булаўскаму не дазволілі.

Таццяна Віктарава

Апублікавана ў Палітвязьні
Тэгі:
Яшчэ ў гэтым разьдзеле: « Менскі СІЗА перапоўнены, таму палітвязня Васіля Бераснева перавялі ў Магілёў Шэсць тыдняў трымае галадоўку палітвязень з Новаполацку »
Вярнуцца ў пачатак