Увесну мінулага году Рандарэнка разам з сябрам,   распіваючы спіртовыя напоі, узялі ўдзел  у відэа-чаце «Размовы з Палычам». Падчас размовы з правакатарам правакатарам Рандарэнка выказаў лозунг грамадска-палітычнага характару, пры гэтым прадэманстраваў вымпел з выявай сцяга Украіны. У красавіку 2024 года Аляксандр Рандарэнка і яго сябар Дзяніс Саўчанка былі прыцягнуты да адміністрацыйнай адказнасці за «прапаганду нацызму» (ч. 1 арт. 19.10 КоАП). Потым  у судзе Першамайскага раёна Віцебска з красавіка па чэрвень мужчыну судзілі яшчэ 4 разы. Штораз Рандарэнку прысуджалі арышты, і ўвесь гэты час аргтэхніка Рандарэнкі знаходзілася ў Следчым камітэце. Урэшце  супраць Аляксандра Рандарэнкі  былі высунуты і крымінальныя абвінавачанні.

Паводле афіцыйнай інфармацыі  абласной пракуратуры, абвінавачанаму было   «інкрымінавана 19 эпізодаў наўмысных дзеянняў, накіраваных на ўзбуджэнне расавай, нацыянальнай і сацыяльнай варожасці і варожасці па прыкмеце іншай расавай, нацыянальнай і сацыяльнай прыналежнасці, а таксама наўмысных дзеянняў па рэабілітацыі нацызму». Іншыя падрабязнасці гэтай справы не вядомыя - суд праходзіў у закрытым рэжыме.

Былога віцебскага лекара асудзілі да да 4 гадоў калоніі   паводле ч.1 арт.130 - 1 (рэабілітацыя нацызма) і  ч.1 арт.130 (распальванне расавай, нацыянальнай, рэлігійнай або іншай варожасці ці варажнечы).  Яго крымінальную справу  ў снежні 2024 года разбіраў Віцебскі аласны суд. Вырак суда першай інстанцыі Рандарэнка справабаў аспрэчыць у Вярхоўным судзе, але яго скаргу пакінулі без задавальнення, а прысуд - без зменаў.

Міхаіл Палявы