- Вы тут:
-
Галоўная
- Дзяржава
У Оршы адзначаюць угодкі Уладзіміра Караткевіча. Маштаб святкаванняў відавочна меншы, чым раней
Усяго два мерапрыемствы падрыхтаваў сёлета аршанскі музей пісьменніка-земляка, які нарадзіўся ў Оршы 26 лістапада 1930г. Яшчэ летась, як і раней, на ягонай малой радзіме ладзілі Тыдзень памяці вядомага літаратара. Імпрэзы праводзіліся ў школах, бібліятэках, установах культуры, а ключавым мерапрыемствам заўсёды былі публічныя літаратурныя чытанні каля помніка Уладзіміру Караткевічу ў гарадскім парку. Сёлета іх вырашылі правесці не для гарадской грамадскасці, а для вузкага кола вучняў, настаўнікаў і ўдзельнікаў літаб“яднання «Дняпроўскія галасы» - перанеслі чытанні ў музей і правялі за закрытымі дзвярыма.
У Глыбокім з’явіліся пенсіянеркі-піянеркі, якія атаварвалі талоны і атрымлівалі "сухпайкі"
У аддзяленні забеспячэння дзённага знаходжання для грамадзян пажылога ўзросту ТЦСАН, які зараз узначальвае былы начальнік Глыбоцкага РАУС, правялі імпрэзу ў стылі назад у СССР.
“Нашая партыя выказвае інтарэсы беларускага народа, як адзінага цэлага”
Сцвярджае галоўны ідэолаг гарадскога пасёлка Шаркаўшчына і па сумяшчальніцтву старшыня так званага Савета раённага аддзялення Віцебскай вобласці Беларускай партыі “Белая Русь” Людміла Стома.
У Докшыцах прааналізавалі прычыны, якія стрымліваюць развіццё прадпрымальніцтва ў рэгіёнах
Докшыцкія індывідуальныя прадпрымальнікі, якіх засталося зусім няшмат у раёне, сустрэліся са спецыялістам абласнога цэнтра маркетынгу Алесяй Аксёнавай.
У Віцебску абмеркавалі ўладкаванне сірот у замяшчаючыя сем'і і дапамогу дзецям з асаблівасцямі развіцця
Улады Віцебскага рэгіёна 21 лістапада падвялі вынікі трыццацігадовай практыкі па рэалізацыі Закона Рэспублікі Беларусь "Аб правах дзіцяці". Цяпер пад дзеянне гэтага нарматыўнага правага акта трапляюць 2400 сірот і дзяцей, якія засталіся без апекі бацькоў. І гэта тэма заўсёды будзе актуальна. Бо толькі за першую палову гэтага года ў рэгіёне судамі першай інстанцыі пазбаўленні бацькоўскіх правоў 157 чалавек. Пра гэта пагаварылі чыноўнікі на круглым стале "Дабрабыт дзяцей - надзейная гарантыя паспяховага будучыні".