Як мяркуюць віцябляне, дзейнасьць расейскага артыста супярэчыць нацыянальным інтарэсам РБ і мае ўсе прыкметы распальваньня міжнацыянальнай варажнечы. 4 кастрычніка грамадзяне зьвярнуліся з адпаведнай заявай у пракуратуру. Канцэрт Каліны ў горадзе заплянаваны на 23 кастрычніка.

Адзін  зь першых беларускіх палітвязьняў, “брандмаўэр беларускага нацыяналізму” і падданы нарвэскага караля Харальда V-га паэт Славамір Адамовіч наведаў Віцебск, выступіў на “Фэсьце вышыванкі” і даў нам невялікае інтэрвію. Вытрымкі з прамовы і размовы публікуем на нашым сайце.

У арт-пабе Torvald у Віцебску 1 кастрычніка прайшоў “Фэст вышыванкі”. Імпрэза ладзілася ў нашым горадзе ўпершыню. Наведнікі набывалі кнігі, сувэніры, адзеньне з беларускім арнамэнтам, слухалі выступы вядомых пісьменьнікаў і выдаўцоў, згулялі нават у інтэлектуальную гульню. Выступоўцаў было багата, уваход – вольны.

У нашумелай гісторыі, якая адбылася ў віцебскай аптэцы месяц таму з удзелам “жанчыны з сабачкам” ужо пастаўленая кропка. Нагадаем, наведніцу аптэкі, якая называла правізара “сьмярдзючай жывёлінай”, суд пакараў штрафам паводле двух артыкулаў КаАП (за зьнявагу і хуліганства). Але Мінздраў мае іншы пункт гледжаньня на тое, хто вінаваты ў той сытуацыі.

На інтэрнэт-пляцоўцы Change.org зьявілася пэтыцыя з заклікам аб выратаваньні жывёлаў, якія “знаходзяцца ў віцебскім заапарку ў жудасных умовах”. Аўтары б’юць трывогу: “Такое адчуваньне, што гэтыя жывёлы нікому не патрэбныя, яны могуць загінуць!” Мы спраўдзілі, ці ўсё так насамрэч жудасна ў заапарку і хто ратуе віцебскіх малпаў, вярблюдаў ды зубра.

29 кастрычніка мае адбыцца XIII зьезд Таварыства беларускай мовы імя Францішка Скарыны. За месяц да падзеі мы пагутарылі са старшынём Віцебскай абласной філіі ТБМ Юрасём Бабічам. Наш суразмоўца расказаў пра тое, ці ёсьць якія зрухі ў справе перайменаваньня абласной бібліятэкі і ці адкрыюцца калі ў Віцебску беларускамоўныя клясы.

Віцебскі журналіст Уладзімер Жыгулоў атрымаў пастанову са Сьледчага камітэту аб спыненьні справы па факце невядомага зьнікненьня ў 1998 годзе ягонага сына Аляксандра. З пастановы вынікае, што на момант, калі распачыналі справу, “Аляксандар Жыгулоў не зьяўляўся бязь вестак зьніклым, бо загінуў у выніку зьдзейсьненага супраць яго злачынства, прадугледжанага ч. 1 арт. 139 КК РБ (наўмыснае забойства)”.

Калі ў кастрычніку 2016 году стваралася каманда, мелі на мэце пераадолець агульны кілямэтраж экватару (40 тыс. км з гакам). Але менш як за год прабеглі ажно 43 тыс. км і пайшлі на другі заход вакол сьвету. Было б і болей, але камандзе бракуе адмысловых бегавых вазкоў для асаблівых дзетак-анёлаў.

Віцебскі цэнтар занятасьці ладзіць у горадзе восеньскія “ярмарки вакансий”. На мінулым тыдні яны прайшлі ў Першамайскім і Чыгуначным раёне, на гэтым – адбудзецца ў Кастрычніцкім (21 верасьня). Кірмашы вакансіяў ладзяцца на фоне дзівосна нізкага ўзроўню беспрацоўя ў горадзе – 0,9%. Людзі афіцыйным лічбам ня вераць...

Віцебскага доктара-праўдаруба Ігара Пастнова абвінавачвалі ў непадпарадкаваньні супрацоўніку міліцыі (арт. 23.4 КаАП РБ) падчас інцыдэнту 4 верасьня, калі Пастнова гвалтам вывезьлі з будынку сьледчага камітэту на псыхіятрычную экспэртызу ў Навінкі. 15 верасьня судзьдзя Кастрычніцкага раёну Віцебску Ільля Белавус вынес рашэньне скасаваць справу. Падстава – адсутнасьць складу правапарушэньня.