За распаўсюд «экстрэмісцкай інфармацыйнай прадукцыі» паводле часткі 2 артыкула 19.11 КаАП судзяць Надзею Бяко ( суд 10 ліпеня) і Максіма Васілеўскага (суд 9 ліпеня). Судзяць абодвух у судзе Чыгуначнага раёна Віцебска. Суддзя – Алена Цыганкова, вядомая ў горадзе па ранейшых «палітычных» прысудах.

Пра гэта са спачылкай на ўласныя крыніцы паведаміла агенцыя BPN. Сям“ю вядомых аматараў беларускай культуры, якія з Іркуцку пераехалі на Полаччыну, каб аднавіць сядзібу на малой радзіме Алега Рудакова, затрымалі 24 жніўня. І яго, і ягоную жонку Вольгу пакаралі 30-цю суткамі арышту паводле ч.2 арт.19.11 КаАП - за распаўсюд так званых экстрэмісцкіх матэрыялаў. Пасля адбыцця арышту Рудаковых папяоэдзілі, што пачынаюць падрыхтоўку працэдуры дэпартацыі – яны абодва з'яўляюцца грамадзянамі Расеі.

Суддзя суда Наваполацка Зінаіда Балаболава 11 верасня за падпіску на 9 інфармацыйных «экстрэмісцкіх» рэсурсаў вырашыла пакараць арыштам на 15 сутак сябра грамадскай арганізацыі "Беларускае таварыства інвалідаў" Сяргея Крупкіна.

Суддзя суда Талачынскага раёну Алеся Саян 1 верасня пастанавіла арыштаваць на 10 сутак рамшчыка Мікалая Крупскага. Па ўнутранай перакананасці суддзі, віна яго складалася ў тым, што «правапарушальнік» распаўсюдзіў у сацыяльных сетках «экстрэмісцкія» матэрыялы.