Пастаўскага прадпрымальніка Ігара Парункевіча завочна асудзілі да 6 год калоніі
Працэс у Мінскім абласным судзе ў парадку спецыяльнай выьворчасці распачаўся 18 красавіка і скончыўся 6 жніўня. Парункевіча прызналі вінаватым у іншым садзейнічанні экстрэмісцкай дзейнасці( ч. 1 арт. 361-4 КК), у публічнай абразе Аляксандра Лукашэнкі (ч. 1 арт. 368 КК), у наўмысных дзеяннях, накіраваных на ўзбуджэнне іншай сацыяльнай варожасці і варожасці па прыкмеце іншай сацыяльнай прыналежнасці (ч. 1 ст. 130 КК), у пагрозе прымянення гвалту ў адносінах да супрацоўніка органаў унутраных спраў (арт. 364 КК).
У Віцебску адкрыты збор сродкаў на пастамент для памятнага знака загінулым у войску ў мірны час
Гэты знак – камень-валун на пастаменце са звычайнай цэглы – знаходзіцца ў Першамайскім раёне Віцебска. Штогод тут праводзяцца мітынгі з удзелам прадстаўнікоў дзяржаўных уладаў. І яны выдатна бачаць, што памятны знак салдатам, якія загінулі падчас нясення тэрміновай службы, выглядае не вельмі прэзентабельна. Але дапамогі з боку дзяржавы ніхто не прапанаваў. Тым часам як у горадзе ствараюць новую Плошчу герба і сцяга з выкарыстаннем каштоўных матэрыялаў і за вялікія грошы.
Наваполацкага музыку Дзмітрыя Шалака асудзілі да трох з паловай гадоў калоніі за абразу Лукашэнкі і прадстаўнікоў улады
З 1 па 8 жніўня суддзя Наваполацкага гарадскога суда Таццяна Хрыпач разбірала справу бубнача гурта «Паранойя долс» Дзмітрыя Шалака. Суд прызнаў яго вінаватым паводле ч. 1 арт.368 КК (Абраза прэзідэнта Рэспублікі Беларусь) і паводле арт.369 КК (Абраза прадстаўніка ўлады). Дзмітрыя асудзілі да трох з паловай гадоў пазбаўлення волі з адбываннем пакарання ў папраўчай калоніі ва ўмовах агульнага рэжыму і да штрафу памерам 200 базавых велічыняў. (8 тысяч рублёў). Сёлета ў лютым мужчына ўжо быў асуджаны па гэтых самых крымінальных артыкулах.
Прапагандыст Мукавозчык накінуўся на вушацкіх настаўнікаў, зневажаючы іх прафесійную і чалавечую годнасць
У газеце «Белорусь сегодня» выйшаў артыкул Андрэя Мукавозчыка «Как выглядит еще одна подрывная сеть, ячейки которой нащупали родители в разных уголках Беларуси». Хто і што «намацаў», у тэксце не канкрэтызуецца. Але аўтар не пашкадаваў абразаў на адрас настаўнікаў, якія нібыта стварылі «падрыўную сетку», бо праводзілі мерапрыемствы з мэтай падвысіць узровень прафесійнага майстэрства.
Пракуроры Віцебшчыны не задаволены станам грамадзянскага і патрыятычнага выхавання школьнікаў
Яны лічаць, што настаўнікі і арганізатары пазакласнай работы недапрацоўваюць, бо нягледзячы на іхныя намаганні, расце «узровень крыміналізацыі у моладзевым асяроддзі». Падобна, што органы пракуратуры на поўным сур'ёзе мяркуюць, што казённыя мерапрыемствы могуць істотна паўплываць на свядомасць маладых людзей і завабіць іх са «склізкай сцежкі» у шэрагі БРСМ або ў вайскова-патрыятычны клуб...
У Віцебскім абласным судзе распачаўся працэс над Сяргеем Навумавым, якога вінавацяць у распальванні варожасці і абразах Лукашэнкі
55-гадовага ўраджэнца вёскі Падсвілле Глыбоцкага раёна затрымалі, меркавана, у траўні: 24 траўня на Telegram-канале, блізкім да віцебскіх сілавікоў, паказалі фрагменты «пакаяльнага відэа», запісанага з мужчынам. Там ён кажа, што быў затрыманы супрацоўнікамі ГУБАЗіК за абразы на адрас Лукашэнкі ў сацыяльных сетках. А таксама за тое, што «сваімі допісамі заклікаў да гвалту». Цяпер Сяргея Навумава ўтрымліваюць у віцебскім СІЗА.
Суддзя Юрый Урбан, які выносіў прысуды па палітычных справах, пайшоў на падвышэнне – у Віцебскі абласны суд
Паводле загада Аляксандра Лукашэнкі, 23 ліпеня Юрый Урбан быў прызначаны суддзём Віцебскага абласнога суду. І ўжо 31 ліпеня яго прадставілі новаму калектыву. У судовых структурах Урбан працуе з 2000 г. Пачынаў сваю кар'еру з пасады стажора суддзі .
Жыхара Глыбоччыны асудзілі да двух гадоў «хіміі» за абразу Лукашэнкі
31 жніўня суд Глыбоцкага раёна разбіраў справу мясцовага жыхара Дзмітрыя Васюковіча, абвінавачанага паводле ч.1 арт. 368 Крымінальнага Кодэкса. Суддзя Андрэй Тарачевіч прыгаварыў земляка да пакарання ў выглядзе двух гадоў абмежавання волі з накіраваннем у папраўчую ўстанову адкрытага тыпу. Таксама суд пастанавіў канфіскаваць тэлефон асуджанага як сродак здзяйснення злачынства.
4 жніўня - Міжнародны дзень салідарнасці з грамадзянскай супольнасцю Беларусі
Менавіта 4 жніўня ў 2011 годзе ў Мінску быў арыштаваны кіраўнік і заснавальнік Праваабарончага цэнтра «Вясна» Алесь Бяляцкі. Тады яго асудзілі да чатырох з паловай гадоў калоніі за «ўтойванне прыбыткаў у асабліва буйным памеры». Сваёй віны праваабаронца не прызнаў, заявіўшы, што ўсе грошы з рахункаў ішлі на праваабарончую дзейнасць.
У «спіс экстрэмістаў» уключылі палачаніна Аляксея Палюховіча
У абноўленым 2 жніўня спісе асобаў, "схільных да экстрэмісцкай дзейнасці", з'явілася імя і прозвішча 67-гадовага Аляксея Палюховіча. Мужчына быў асуджаны паводле часткі 1 артыкула 342 Крымінальнага Кодэкса (Арганізацыя і падрыхтоўка дзеянняў, якія груба парушаюць грамадскі парадак, або ўдзел у іх) да 2 з паловай гадоў «хатняй хіміі».